Levhi 15:15 - Bhiblia Yo Sawuleka

¹⁵ Mphaxeli a na maha mningelo wa mhamba ngu txionho, ngu txinyana tximwetxo, e maha mningelo wo hiswa ngu tximwani txinyana, se mphaxeli a na maha mhamba yo kuwula txionho masoni ka Mkoma, ya mtungu wu a ngadi nawo.

Levhi 15:15 Referans Kwoze

Levhi 4:26

Mafura otshe a txihari a na ma hisa ha txiluveloni, nga ti kumahwako ngu mafura a mphaxo wa ku ti ningela. Mphaxeli a na mahela mfumeliyo mhamba yo divalela txionho, se ngu konaho ene a na divalelwa.

Vahebheru 1:3

Ene, ngako i ku liwoningo la wudhumo wa Txizimu, ni txikombiso txa wudhumo wa txona, awu a hiketako sotshe simaha ngu mtamo wa dipswi dakwe, msana ka kuva a di gwitile kukuwula sionho, a ti ya zumba txineneni ka wuhombe wa Nyatxitimwi nzumani

Vaefesu 1:6

kasi ku hi txi pfalisa Txizimu ngu wudhumo wa tikateko ta txona, hi nga ningwa ngu Mwanana wa txona wo randeka.

Matewu 3:17

Sekoko, kupfala dipswi da kuta ngu nzumani, di txi kha dona: “Awuwa i Mwanana wangu wo randeka, awu ni tsakiswako ngutu ngu ngene.”

Mitengo 25:13

Ku nava kwakwe ni ka liveleko lakwe, msana kwakwe ku nava ni txitumelelano txa wuphaxeli wa kala kupinduka, nguko a khutate ka Txizimu txakwe, e mahela vanana va ka Israyeli, mphaxo wo va tekisa.

Mitengo 15:25

Se mphaxeli a na maha mphaxo wa m'diho wa txionho, kasi kubasisa msengeletano wotshe wa vanana va ka Israyeli, kasi kudivalelwa, nguko kuonha ka kona kumahilwe ngu phazamo, se vona va henile mningelo wawe i ku mphaxo wu hiselwako Mkoma, ni mphaxo wawe masoni ka Mkoma, ngu mhaka ya sionho sawe, asi va nga si maha ngu phazamo yawe.

Levhi 12:7

Mphaxeli a na va a txi si ningela ka Mkoma, a na mahela wule wamsikati mhamba yo dihela txionho, se mame a na va e basiswa ka wungozwa wakwe. Sileleto siya si fanete kulondetwa ngu wamsikati wu a nga veleka mwanana wa mfana mwendo wa muhorana.

Levhi 4:35

Se mphaxeli a thavisa otshe mafura, nga ti a txavisisako tona mafura ka txinvutana txa mhamba ya kudikha, e ma hisa ha mndiloni, txitimwi ka txiluvelo, kasi kudhumisa Mkoma. Ngu toneto, mphaxeli a na maha mhamba yo divalela txionho, txi m'thu a nga maha, se a na divalelwa.

Levhi 4:31

Se a na thavisa otshe mafura, nga ti ti nga rumiswa tona madingano ni mhamba ya mpatano, se a na ma hisa ha txiluveloni, ma txi maha mhamba yo bhumula ka Mkoma. Mphaxeli a na maha mhamba yo divalela, se m'thu eneyo a na divalelwa txionho txakwe.

Levhi 4:20

se ka didhuna diya, a na maha nga ti va nga mahisa txona ka didhuna da kudihela txionho. Mphaxeli a na maha mhamba yo divalela txionho, se va ka Israyeli va na divalelwa.

Levhi 11:24

Awule a gwesako txirumbi txa sona sihari sile si nga wombwa ti to sa yila, a na va a txi yila ka dotshe ditshiku donedo.

Levhi 11:25

Awule a rwalako txirumbi txa sihari soneso, a fanete kukuwula syambalo sakwe, e zumba a txi yila, dotshe ditshiku.

Levhi 11:27

Ti ziveni ti to sa yila sotshe sihari sa mune wa minenge, asile si tsimbilako ngu mune wa mikondo. Awule a gwesako txirumbi tximwetxo txa sona a na va a txi yila dotshe ditshiku.

Levhi 11:28

Ni wule a rwalako txirumbi txa sona a fanete kukuwula syambalo sakwe ni kuzumba a txi yila ka dotshe ditshiku dile. Asiya nzimaha so yila kwanu.

Levhi 11:31

Ngu soneso tito, so yila kwanu hagari ka sihari si si kasako.

Levhi 11:32

Ni sotshe siya sile siwako txitimwi ka sona, ngako si txi fa, mwendo siya sa mapulango, syambalo, madhowo, masaka, hambi ni sihi si m'thu asi thumisako, ka wuhi ni wuhi mthumo wu a wu mahako, si yilite. Si na betwe matini si kuwulwa, ni kuzumba si txi yila dotshe ditshiku. Se ngu msana si na maneka si di basile.

Levhi 11:39

Ngako ku txi fa txifuyo txo dyiwa, awule a gwesako txirumbi txa kona, a na va a txi yila ka dotshe ditshikudo.

Levhi 11:40

Awule a dyako nyama ya txona txiharitxo txo fa, a na kuwula syambalo sakwe, e maneka a txi yila ka dotshe ditshikudo; ni wule a rwalako txirumbi txa kona a na kuwula syambalo sakwe, e yila ka dotshe ditshikudo.

Levhi 12:8

Aniko ngako mame wa kona asi sikoti kumana txinvutana, a na ningela matuva mambidi mwendo mavhondo mambidi a situvani, dimwedo i mhamba yo hiswa, dimwani i mhamba yo kuwula txionho. Mphaxeli a na mmahela mhamba ya mdiho, se ene a na basiswa.