Levhi 15:13 - Bhiblia Yo Sawuleka

¹³ Ngako m'thu wule a nga ti ni mtungu wu wu nga mu yilisa, wu txi maneka wu di hote, a fanete e bala mtxhanu wa masiku ni mambidi msana ka kubasiswa kwakwe. Se a na va a txi kuwula syambalo sakwe, e samba mmidi wakwe ngu mati o basa, se a na va a di basile.

Levhi 15:13 Referans Kwoze

Levhi 14:8

Se awule a basiswako, a na kuwula syambalo sakwe, e kuyulwa yotshe misisi yakwe, e samba ngu mati; a na va a di basile, ngu msana, a na wulela wugoveloni, aniko a na zumba hahanze ka ditenda dakwe, mtxhanu wa masiku ni mambidi.

Levhi 8:33

Kambe msana ka mtxhanu wa masiku ni mambidi, mi nga humeni ha txikeni ka ditenda da msengeletano; kala ka ditshiku di ku no tatiseka masiku a kusawulekiswa kwanu; nguko ka mtxhanu wa masiku ni mambidi, Mkoma a na mi sawulekisa.

Levhi 15:28

Kambe ngako a di kalamukile ka wulwati wo humela mnoha, a na bala mtxhanu wa masiku ni mambidi, se ngu kona a no va a di basile.

Levhi 15:5

Awule a gwesako ahale ene a nga otela kona, a na kuwula syambalo sakwe, e samba mmidi wakwe, se e zumba a txi yila ka dotshe ditshiku donedo.

Mtuletelo 1:5

ni ka Jesu Kristu i ku fakazi ya kuthembeka, matiwula ya vafi, Mkoma wa votshe vafumeli va mafu. Kwakwe, ene a hi randako, ene a nga hi kuwula sionho sathu ngu mnoha wakwe,

Jakobe 4:8

Tshuketani hafuhi ka Txizimu, kasi ni txona txi na tshuketela hafuhi kwanu. Basisani manza anu, vaonhi, mi txi basisa timbilu tanu, anu vathu va timbilu timbidi.

2 Vakorinto 7:1

Vo randeka ngutu, ngako hi ku ni sithembiso siya, he ti basiseni ka yotshe nzambwa ya mmidi ni ya moya, hi txi zama kuhetisa mthumo wa ku ti sawulekisa kwathu ngu txithavo ka Txizimu.

Jeremiya 33:8

Ni na va basisa ka wubihi wawe wotshe awu va nga ni onhela ngu wona; ni txi va divalela sionho sawe sotshe asi va nga ni wukela ngu sona, asi va nga hambuka ngu sona masoni kwangu.

Mitengo 12:14

Se Mkoma a to khene ka Mosi: “Ku nga ti tate wakwe a txi mthurela khoheni, ina kha na mbi va ni tingana mndani ka mtxhanu wa masiku ni mambidi kani? A na khotelwa mtxhanu wa masiku ni mambidi hahanze ka wugovelo; se msana keto, a na wuyiswa kambe.”

Levhi 14:10

Ka ditshiku da wutxhanu ni mararu, a na teka sinvutana simbidi so mbi na txibawa, ni txinvutana txa dilembe dimwedo, txo mbi na txibawa, ni mipimo yiraru ka digumi da yona ya mpupu wo vhuvwa ni mtona, ku txi va i di mningelo wa sakudya, ni hafu ya mfarasa ya mtona.

Levhi 9:1

Ngu ditshiku da wutxhanu ni mararu, msana ka m'buso, Mosi a to dhana Aroni ni vanana vakwe kumweko ni madhota a ka Israyeli;

Eksodha 29:37

Amu ka masiku a mtxhanu ni mambidi u na maha mhamba ya kubasisa txiluvelo u txi sawulekisa; se nga toneto txiluvelo txi na va txi di sawulekile, ni sotshe sile ni gwesako txiluvelo si na va si txi sawulekiswa.

Eksodha 29:35

Ti di ngeto ngu Aroni ni vanana vakwe, u na maha kwawe nga ti ni nga kuleleta; u na va u txi va sawulekisa amu ka mtxhanu wa masiku ni mambidi.