Levhi 15:10 - Bhiblia Yo Sawuleka

¹⁰ M'thu wuhi ni wuhi a gwesako tximaha txi txi nga khalahatshelwa ngu ngene, a na va a sa basa kala kuswa ka ditambo; ni wuhi a tekako tximahetxo, a fanela kukuwula syambalo sakwe, e samba mmidi, hambi keto, a na va a sa basa, kala kuswa ka ditambo.

Levhi 15:10 Referans Kwoze

Jakobe 4:8

Tshuketani hafuhi ka Txizimu, kasi ni txona txi na tshuketela hafuhi kwanu. Basisani manza anu, vaonhi, mi txi basisa timbilu tanu, anu vathu va timbilu timbidi.

Masalmo 26:6

Na samba manza angu, kasi kukomba ti to kha ni nga ni mnandu, se na tshuketa hafuhi ka txiluvelo txako, Mkoma,

Levhi 15:8

Ngako m'thu wule a lwalako a txi thurela wu a nga basa, awule a nga thurelwa a na kuwula syambalo sakwe, e samba mmidi wakwe ngu mati, ni kuva a txi yila ka dotshe ditshiku dile, kala ni minova ya kona.

Levhi 15:5

Awule a gwesako ahale ene a nga otela kona, a na kuwula syambalo sakwe, e samba mmidi wakwe, se e zumba a txi yila ka dotshe ditshiku donedo.

Levhi 15:9

Txigabhata txi m'thu wo lwala ngu txiputu, a nga gadha txihari ngu ka txona, txi na va txi txi yila.

Levhi 15:11

Awule a gweswako ngu m'thu wo lwala ngu txiputu, a sa samba manza, a fanete kukuwula syambalo sakwe e samba mmidi ni kumaneka a txi yila ka dotshe ditshiku dile.

Levhi 11:24

Awule a gwesako txirumbi txa sona sihari sile si nga wombwa ti to sa yila, a na va a txi yila ka dotshe ditshiku donedo.

Mitengo 19:22

Ni sotshe si si nga gweswa ngu m'thu wo mbi sawuleka, si na va si sa sawuleka, ni wu a no gwesa wu m'thu, nene kha sawuleka kala ni minova.