Levhi 14:7 - Bhiblia Yo Sawuleka

⁷ Se a na xwayela mtxhanu wa sikhati ni simbidi ngu sona ka wule a basiswako ka mtungu wa tshekela, e m'gela ti to a basile, ngu msana e leka txinyana txo hanya txi puruma txiya txitingani.

Levhi 14:7 Referans Kwoze

Ezekhiyele 36:25

Sekoko ni na xwaya mati o sawuleka txitimwi kwanu, mi na sawulekiswa; ni na mi sawulekisa ka yotshe nzambwa yanu, ni ka sotshe sithombe sanu.

Isaya 52:15

Ngu kumaha keto, a na xamalisa matiko o tala, ni vafumeli va na pwata ni txo ngu mhaka yakwe, nguko va na wona ni ti va sinziko kuziviswa, se ni tile va nga mbi tipfa, va na ti pima.

2 Vafumeli 5:14

Sekoko a to relela eya bhumwala kona Jordhani mtxhanu wa sikhati ni simbidi, madingano ni kuwomba ka m'thu wa Txizimu; se nyama yakwe yi to thunga, yi txi nga nyama ya mfana, se a to kalamuka.

2 Vafumeli 5:10

Sekoko Elixa a to rumisa mtumi kuya gela Nahanani to khene: Tsula Jordhani u ya samba mtxhanu wa sikhati ni simbidi, se nyama yako yi na thunga, u na kalamuka.

1 Pedro 1:2

i ku va va nga sawulwa madingano ni makungo a kale a Txizimu Tate, ve sawulekiswa ngu Moya, kasi kuve engisa Jesu Kristu ni kuamukelwa ngu mnoha wakwe: Kateko ni kuthutha si nave ni nanu ngu wungi wa sona.

Vahebheru 9:19

Kha ditshuri, Mosi msana ka kuva a di huwelete ka vathu sotshe sirumo sa mlayo, a to teka mnoha wa marole ni wa tiphongo kumweko ni mati ni matoya o bhilivila ni mazokoro a hisopo e xwayela ngu wona dibhuku ni vathu,

Vahebheru 9:13

Se ti di ngeto, kota nga ti mnoha wa tiphongo ni wa tihomu, ni dikhuma da marole va nga ti ti xwayelwa ngu wona vaonhi, se ve mana kubasiswa mmidi,

1 Johani 5:6

Jesu Kristu ngene wu a nga ta kwathu ngu mati a kubhabhatiswa kwakwe ni mnoha. Moya ngu wona wu fakazako, nguko Moya ngu wona i ku ditshuri.

Vahebheru 12:24

ni ka Jesu muemeli wa txitumelelano txa Txiphya, ni ka mnoha wa kuxwayela, wu wu ku ni lisima lo pinda mnoha wa Abhele.

Vahebheru 10:22

Ngu toneto, ahi tshuketeleni hi di ni mbilu yo lulama, na hi di tate ngu likholo, hi di ni mbilu yi yi nga basiswa ka wotshe wubihi wa livhalo, ni mmidi wo kuwulwa ngu mati o basa.

Vahebheru 9:26

Idiku a to mahisa toneto Kristu a ndi na fanekela kuxaniseka sikhati sasingi kukhukhela makhatoni ka kuvangwa ditiko; aniko a humelete kumweko dwe, kuhetisekani ka timbimo, a ta fuvisa txionho ngu mhamba ya mmidi wakwe wupune.

Vahebheru 9:21

Msana, a to xwayela ditenda ni sotshe siya si si thumiswako magandeloni.

Johani 19:34

Aniko mmweyo wa masotxhwa a to mthola ha ka didhawa ngu ditxhari, se konaho ku to humela mnoha ni mati.

Mika 7:19

A na tshumela u hi pfela wusiwana, a na lovisa sihambunyeto sathu, kambe a na rinza sotshe sionho sathu txizivani ka linene.

Dhaniyeli 9:24

Mtxhanu wa magumi ni mambidi a mavhiki ma emisetwe txitimwi ka vathu vako ni txitimwi ka didhoropa dako do sawuleka, kasi kufuvisa wuhambunyeti ni kuheta sionho, ni kubasisa wubihi, ni kutisa kululama ko mbi na magwito, ni kutsanisa txiwoniso ni txiprofeto, ni kutota Msawuleki wa vasawuleki.

Masalmo 51:7

Ni basise ngu hisope txionho txangu kasiku ni na basa; ni kuwule kasiku ni na basa ngutu kupinda hunguva.

Masalmo 51:2

Ni kuwule ka wotshe wubihi wangu; u txi ni basisa ka sotshe sionho sangu.

Levhi 16:22

Ngu toneto, mabhongwe wule a na rwala kotshe kubiha kwawe, e tsula nako txiwulani.

Levhi 16:19

A na xwayela ngu mnoha mtxhanu wa sikhati ni simbidi ha txiluveloni, e txi basisa ni ku txi sawulekisa ka wubihi wa va ka Israyeli.

Levhi 16:14

Se a na beta litiho amu ka mnoha wa dirole, e xwayela ngu wona txitimwi ka mtundu, ngu didhawa da wutxani, e xwayela kambe sikhati sa mtxhanu ni simbidi, ngu masoni ka txikhalo txa wuxinji.

Levhi 14:51

Sekoko a na beta didhavi da mkedhari, ni didhavi da hisope, nguwo yo bhilivila, ni txinyana txi txi hanyako, amu ka mnoha wa txinyana txi txi nga dawa, ni ka mati o basa, e xwayela nyumba amu ka mtxhanu wa sikhati ni simbidi.

Levhi 13:17

Mbimo yi a txi mu wonisisa, ti txi komba ti to nyama ya ha mmidi kwakwe yo bhilivila, yi hindukile yi tshumela yi basa, mlwali a basile.

Levhi 13:13

sekoko mphaxeli a na mu wonisisa. Ngako a txi wona ti to kha ditshuri wulwali wa tshekela wu enetile wotshe mmidi wakwe, wu basile, ngu toneto a basile.

Levhi 8:11

Se a to xwayela txiluvelo mtxhanu wa sikhati ni simbidi ngu mtona, e tota ngu wona simaha sotshe, mkamba wa kona ni txikazelo txa kona, kasi ku si sawulekisa.

Levhi 4:17

Se mphaxeli a na nakanisa litiho amu ka mnoha, e xwayela ngu wona mtxhanu wa sikhati ni simbidi masoni ka Mkoma, ni masoni ka m'jiyo.

Levhi 4:6

se mphaxeli a na beta litiho mu ka mnoha, e xwayela ngu wona mtxhanu wa sikhati ni simbidi, masoni ka Mkoma, masoni ka m'jiyo wa wukhalo sawuleka.

Mitengo 19:12

Ngu ditshiku da wuraru, a na ti basisa ngu mati, se ngu ditshiku da wutxhanu ni mambidi, a na va a di basile; aniko a txi dhuka asi ti basisi ka masiku awa a mararu, a na va a sa basa ka ditshiku da wutxhanu ni mambidi.