Levhi 14:6 - Bhiblia Yo Sawuleka

⁶ Ngu msana, a na teka txinyana txi txi hanyako, didhavi da mkedari, nguwo yo bhilivila, ni didhavi da hisope, e si nakanisa ngu mnoha wa txinyana txi nga dawelwa txitimwi ka mati o basa.

Levhi 14:6 Referans Kwoze

Mtuletelo 1:18

Ani ni wule a hanyako; ni li zivile lifo, aniko ndiko na hanya kala kupinduka. Kambe nina ni tikhiya ta lifo ni ta wukhalo wa vafi.

Mtuletelo 1:5

ni ka Jesu Kristu i ku fakazi ya kuthembeka, matiwula ya vafi, Mkoma wa votshe vafumeli va mafu. Kwakwe, ene a hi randako, ene a nga hi kuwula sionho sathu ngu mnoha wakwe,

Vahebheru 1:3

Ene, ngako i ku liwoningo la wudhumo wa Txizimu, ni txikombiso txa wudhumo wa txona, awu a hiketako sotshe simaha ngu mtamo wa dipswi dakwe, msana ka kuva a di gwitile kukuwula sionho, a ti ya zumba txineneni ka wuhombe wa Nyatxitimwi nzumani

Varoma 5:10

Kha ditshuri, hambiko hi nga ti valala, hi mani kutshanganiswa ni Txizimu, ngu mhaka ya kufa ka Mwanana wa txona; se ngutu-ngutu aku hi nga tshanganiswa, hi na hanyiswa ngu wutomi wakwe.

Varoma 4:25

ene wu a nga ningelwa ngu kuonha kwathu, e wuswa ka vafi, kasi ku hi txi mana kumahwa valulami.

Johani 14:19

Msana ka txikhatianyana, ditiko kha di na mbi ni wona kambe, aniko anu mi na ni wona, nguko ani na hanya, ni nanu mi na hanya.

Zakariya 13:1

Ka ditshiku dile, ku nava txisima txo lumba nyumba ya ka Dhavhidha, ni vahanyi va Jerusalema, kasi kukuwula txionho, ni kwa mbi sawuleka.

Levhi 14:4

mphaxeli a na ruma ti to awu a no basiswa, a na tiselwe sinyana simbidi so mbi yila, so hanya, ni didhavi da mkedhari, ni nguwo yo bhilivila, ni didhavi da hisope.

Levhi 14:5

Mphaxeli a na ruma kuwilwa thamo ya txinyana tximwetxo txi vekwa amu ka khadi ya mraka, ayi yi ku ni mati amanene.

Masalmo 51:7

Ni basise ngu hisope txionho txangu kasiku ni na basa; ni kuwule kasiku ni na basa ngutu kupinda hunguva.

Levhi 14:50

mphaxeli a na daya txinyana tximwetxo aha ka khadi ya mraka yi ku ni mati o basa,