Levhi 14:45 - Bhiblia Yo Sawuleka

⁴⁵ Se yotshe nyumba yi na khundumuswa; marigwi, mapulango ni mafu o kopola ngu ona si txi tshotshwa ha ditalani, hahanze ka didhoropa.

Levhi 14:45 Referans Kwoze

Mtuletelo 11:2

Se mtendela wa hahanze ka Dithepele, wu leke u nga wu pime, nguko wona wu ningetwe ka vamatiko, ava va no kandetela ngu mikondo didhoropa do sawuleka txipimo txa mune wa magumi a mitxima ni yimbidi.

Matewu 24:2

Aniko ene a to va gela ku khene: “Ma si wona sotshe siya, kani? Kha ditshuri na mi gela ku khani: Kha ku na mbi sala dirigwi txitimwi ka dirigwi, adi di no mbi khundumuswa.”

Matewu 22:7

Se mfumeli a di ti pfite eto, a to henya ngutu e ruma tiyimbi takwe kuya fuvisa sigevenga sile, ve hisa didhoropa da sona.

Ezekhiyele 5:4

Ngu ka mtengo wuwa, u na teka yimwani misisi u txi yi rinza ha mndiloni; se kukhukhela kona hale, ku na huma mndilo wu hisa yotshe nyumba ya ka Israyeli.

Jeremiya 52:13

Se a to hisa Nyumba ya Mkoma, ni nyumba ya mfumeli, ni totshe tinyumba ta Jerusalema, e lumekela totshe tinyumba ta vahombe.

2 Vafumeli 18:4

A to khundumusela siluvelo sa wukhongeli wa txihedheni, a to fayetela sithombe, e wisetela tiphande, e wilela mnyoka wa txikete wu nga ti mahilwe ngu Mosi, nguko kala ka ditshiku dileya vanana va ka Israyeli va txi ngadi ve wuhisela dibaselo ni ku wu dhana ku kha vona i Newustani.

2 Vafumeli 10:27

Kambe va fayetete txithombe txa Bhahali, ve khundumusela nyumba ya Bhahali, ve aka ngu yona sisambelo kala ka ditshiku da nyamsi.

Levhi 14:41

A na ruma kambe ti to nyumba yotshe yi txi rwembwa mndani ka yona, ni nzambwa yi yi no maneka ka yona, yi fanete yi tshotshwa ditalani, hahanze ka didhoropa.

Levhi 14:46

Se awule a wulelako ka nyumba yi yi nga sekwa mndani ka masiku a kona, a na va a txi yila dotshe ditshiku dile, kala ni minova.