Levhi 14:41 - Bhiblia Yo Sawuleka

⁴¹ A na ruma kambe ti to nyumba yotshe yi txi rwembwa mndani ka yona, ni nzambwa yi yi no maneka ka yona, yi fanete yi tshotshwa ditalani, hahanze ka didhoropa.

Levhi 14:41 Referans Kwoze

Mtuletelo 22:15

Ti na sala hahanze timbwa, vasalamusi, vamahi va wugelegele, vadayi va vathu, vakhozeli va si i ku si nga Txizimu ni votshe va va dhundako mwendo va hanyako ngu makuhu.

1 Timoti 1:20

Hagari ka vonavo kumaneka Himenewu ni Alexandre, ava ni nga va ningela ka Sathani, kasiku ve gonda ku ambi ngadi ve ruketela Txizimu.

Matewu 24:51

Ene a nata txi tsayisa ngutu, a nata txi yisa ka wukhalo wa vaxengeteli; konaho ku nava ni tihuwa ni kugegeresela ka makwasa.”

Matewu 8:28

Ngako a di hokile mtxhatuko ka digova, ditikoni ka Gadhara, a to hingetwa ngu vathu vambidi, va nga ti ni madhimoni, na va txi huma ngu mayivani; i ti vo thisa ngutu, ti to ni m'thu wammweyo asi tsani kupinda ngu nzila yile.

Isaya 65:4

ve khalahatsha hafuhi ni mathita, ve heta wusiku wotshe ka makhalo a sihuja, va txi dya nyama ya khumba, ve nyamisa timbiya tawe ngu sakudya so yila.

Levhi 14:40

sekoko mphaxeli a na ruma kuthaviswa marigwi a hale ku nga humela kona txibawa, se ma fanete me tshotshwa ka wukhalo wo mbi vhuna, hahanze ka didhoropa.

Levhi 14:42

Ngu toneto, va na veketela mamwani marigwi o hambana kona hale ma nga ti ti kona mamwani, se va txi kopola nyumba kambe.

Levhi 14:45

Se yotshe nyumba yi na khundumuswa; marigwi, mapulango ni mafu o kopola ngu ona si txi tshotshwa ha ditalani, hahanze ka didhoropa.

Ezekhiyele 26:4

Ona ma na khundumusa maguma a Tiro ni sitezi sa kona, kambe ani ni na hiyela lithulu la kona, ni wumba dirigwi do kenyeka.