Levhi 14:4 - Bhiblia Yo Sawuleka

⁴ mphaxeli a na ruma ti to awu a no basiswa, a na tiselwe sinyana simbidi so mbi yila, so hanya, ni didhavi da mkedhari, ni nguwo yo bhilivila, ni didhavi da hisope.

Levhi 14:4 Referans Kwoze

Mitengo 19:6

Se mphaxeli a na teka dipulango da ndonga ya mkedhari ni hisope, ni nguwo yo bhilivila, e si rinza ha mndiloni hale ku hiswako homu.

Vahebheru 9:19

Kha ditshuri, Mosi msana ka kuva a di huwelete ka vathu sotshe sirumo sa mlayo, a to teka mnoha wa marole ni wa tiphongo kumweko ni mati ni matoya o bhilivila ni mazokoro a hisopo e xwayela ngu wona dibhuku ni vathu,

Levhi 14:6

Ngu msana, a na teka txinyana txi txi hanyako, didhavi da mkedari, nguwo yo bhilivila, ni didhavi da hisope, e si nakanisa ngu mnoha wa txinyana txi nga dawelwa txitimwi ka mati o basa.

Masalmo 51:7

Ni basise ngu hisope txionho txangu kasiku ni na basa; ni kuwule kasiku ni na basa ngutu kupinda hunguva.

Eksodha 12:22

Sekoko tekani didhavi da hisopo, mi txi di nakanisa ngu mnoha wu wu ku mu ka dibhaziya, mi txi tota mtshunzuti wa txitimwi ni misasimo ya kona ngu mnoha wule wu ku mu ka dibhaziya; ni wammweyo wanu a nga hume ngu nyumbani kala ni mixo.

Mitengo 19:18

Ngu msana, m'thu awu a nga basa ngene a no teka hisope e yi beta amu ka mati e xwanyela ditenda ni siya sotshe, ni vathu votshe ava va kuho, ni wu a nga gwesa marambu, mwendo awu a nga dawa, ni dithitha ni sirumbi.

Levhi 12:8

Aniko ngako mame wa kona asi sikoti kumana txinvutana, a na ningela matuva mambidi mwendo mavhondo mambidi a situvani, dimwedo i mhamba yo hiswa, dimwani i mhamba yo kuwula txionho. Mphaxeli a na mmahela mhamba ya mdiho, se ene a na basiswa.

Levhi 5:7

Aniko, ngako m'thu a txi pwata mningelo wa nvuta mwendo wa phongo, wa sikota kuningela ka Mkoma, ngu mhamba ya txionho txakwe, matuva mambidi mwendo mavhondo mambidi, a situvani, kasi ku dimwedo di txi va mhamba ya txionho, dimwani di txi va mhamba yo hiswa.

Levhi 1:14

Se ngako mningelo wakwe ka Mkoma i di wa sinyana so hiswa, kulaveka a txi wu maha ngu matuva, mwendo mavhondo a situvani.

Levhi 14:5

Mphaxeli a na ruma kuwilwa thamo ya txinyana tximwetxo txi vekwa amu ka khadi ya mraka, ayi yi ku ni mati amanene.