Levhi 14:34 - Bhiblia Yo Sawuleka

³⁴ Anu mi na wulela ka ditiko da Kanana, adi ani ni lavako ku mi ninga, di txi maha thomba yanu. Ngako mi di koneyo, se ni txi thuka ni humelelisa mtungu wa tshekela ka dimwedo da maseta a nyumba yanu,

Levhi 14:34 Referans Kwoze

Dhewuteronome 32:49

“Kwela ka mmango wuwa wa Abharimu, txitimwi ka mmango wa Nebho, ditikoni ka Mowabhi, masoni ka Jeriko, kambe wonisisa ditiko da Kanana, adi ani ni di ningelako di txi lumba vanana va ka Israyeli.

Genesisi 17:8

Ni na kuninga awe, ni lihunzu lako, msana kwako, ditiko diya u zumbako ka dona, dotshe ditiko da Kanana di na va ditiko danu, ngu hale ku si gwitiko, kambe ni na va Txizimu txanu.”

Mitengo 32:22

Se ditiko di na vekwe hahatshi masoni ka Mkoma, ngu msana, mi na wuya mi ta zumba mi di divaletwe, masoni ka Mkoma ni masoni ka Israyeli. Ngu kona ditiko diya di no maha danu, masoni ka Mkoma;

Mika 6:9

Dipswi da Mkoma da huwelela didhoropani, se txhari yi na wona ditina dako: Engisani ndonga ni wu a nga yi ruma.

Amosi 6:11

Wonani taku Mkoma wa ruma, m'ti wa hombe wu na khundumuselwa, se m'ti wa wudotho wu na bhandekela.

Amosi 3:6

Ina ku nga pekwa mpundu didhoropani vathu va si dhudhumeli ngu kuthava kani? Ina ku nga humelela wubihi didhoropani, na wu sa mahwa ngu Mkoma kani?

Isaya 45:7

Ani na maha kuwonekela ni va nga txidema; ani na vanga kudikha, ni va nga dikhombo; ani Mkoma, na maha totshe tiya.

Mavingu 3:33

Txiruko txa Mkoma txi zumba nyumbani ka muonhi, aniko ene a na katekisa aha a zumbako kona m'thu wo lulama.

1 Samuwele 2:6

Mkoma ngene a thavisako wutomi, kambe ngene a ningako; wa relelisa m'thu dithithani, se e tshumela e m'humisa ka dona.

Joxuwa 13:1

Ngako Joxuwa a di kumbile, na a di ni tanga ya malembe amangi, Mkoma a mgete a txi khene: “Se awe u kumbile ngutu, u wa tanga ya malembe o tala na kuve ku ngadi sate ditiko da hombe, adi di fanelako kukhoziswa.

Dhewuteronome 27:3

Se ngu txitimwi ka ona, u na bhala otshe mapswi a mlayo wuwa, ngako u txi thuka u txi ya wulela ka ditiko dile, Mkoma, Txizimu txako, a no kuninga, ditiko dile di khulungako masi ni wulombe, nga ti a nga ku gelisa tona Mkoma, Txizimu txa vatate vako.

Dhewuteronome 26:1

Se ku na maheka taku, mbimo yi u no wulela ka ditiko dile Mkoma, Txizimu txako, a no kuninga, di txi maha thomba yako, u txi di teka ni kuaka ka dona,

Dhewuteronome 19:1

Ngako Mkoma, Txizimu txako, a di fuvisile mifumo yile matiko a kona a no kuninga, ni kungako u di yi khozisile, u maneka u di akile madhoropani ka yona, ni ku va u txi zumba tinyumbani ka ona,

Dhewuteronome 12:1

Ayiya ngu yona nzileleto ni silayelo si mi no si xayisa, mi txi si vekisa ka ditiko di Mkoma, Txizimu txa vatate vanu, a nga mi ninga, mi txi di teka, ka otshe masiku a kuhanya kwanu ha mafuni.

Dhewuteronome 7:15

Mkoma a na hambukisa kwako otshe makhombo; ni yotshe mitungu yo thisa ya Egipta, ayile u yi zivako; kha na mbi yi wisa txitimwi kwako, aniko a na wisa ka vale va ku vengako.

Mitengo 35:10

Gela vanana va ka Israyeli u txi khawe: Ngako mi txi txhatuka Jordhani, mi wulela ka ditiko da Kanana,

Mitengo 32:32

Athu hi na txhatuka, hi di xomile, masoni ka Mkoma, hiya ditikoni ka Kanana, kambe hi na lumbwa ngu thomba mtxhatuko ka Jordhani.

Levhi 25:2

Womba ka vanana va ka Israyeli u txi khawe: Ngako mi txi wulela ka ditiko di ni mi ningako, mafu ma na xayisa Sabbata ya Mkoma.

Levhi 23:10

Gela vanana va ka Israyeli u txi khawe: Ngako mi di wulete ka ditiko di ni no mi ninga, na ku di hokile mbimo yo elula, mi fanete kuya ningela ka mphaxeli nyanda yo khata ya si mi no elula;

Eksodha 15:26

Se a txi khene: “Ngako u txi engisisa kha kwati dipswi da Mkoma, Txizimu txako, ni kumaha ti i ku to lulama masoni kwakwe, kambe u txi dingeta nzeve yako ka sirumo sakwe, ni kuvekisa sotshe sileleto sakwe, kha ni na mbi rumela malwati ni a mamwewo txitimwi kwako, ale ni nga ma veka txitimwi ka Vaegipta; nguko ani ngani Mkoma, ni ku kalamukisako.”

Genesisi 13:17

Konkuwa, khukha u txi dhawula ditiko diya u wona kulapha ka dona ni kuanama ka dona, nguko ni na kuninga dona.”

Genesisi 12:7

Se Mkoma a to humelela ka Abramu a txi ta khene: “Ditiko diya ni na di ningela ka liveleko lako.” Ngu konaho Abramu a nga akela Mkoma txiluvelo, a nga ti wonekisa kwakwe.

Levhi 14:33

Mkoma a wombile kambe ka Mosi ni Aroni, a txi khene:

Zakariya 5:4

Aniko txiruko txiya, ni na txi tisa, kuwomba Mkoma wa Mabutho a Tiyimbi, se ni na txi wuleta nyumbani ka dikhamba, ni nyumbani ka wule a xambanyako makuhu ngu ditina dangu; txi na zumba wusiku wothse nyumbani kwakwe, kambe txi na heta mapulango a yona, ni marigwi a kona.

Levhi 14:55

ni mtungu wa tshekela ya tinyumba ni ya syambalo,

Levhi 20:24

Ani ni mi gete ni txi khani: Anu mi na ya fumela ditiko dawe, ni na mi ninga dona di txi va i di thomba yanu, ditiko edo di khulungako masi ni wulombe. Ani ngani Mkoma, Txizimu txanu, ni nga mi thavisa hagari ka vamwani vathu.