Levhi 14:30 - Bhiblia Yo Sawuleka

³⁰ Se a na maha mningelo ngu dituva, mwendo divhondo dimwedo da txituvani, nga ti a ti kotisako tona awule a basiswako.

Levhi 14:30 Referans Kwoze

Levhi 14:22

ni matuva mambidi mwendo mavhondo mambidi a situvani, nga ti a sikotisako tona, dimwedo nda mhamba ya txionho, dimwani nda mningelo wo hiswa.

Varoma 8:3

Nguko ati mlayo wu nga ti tanda ngu mhaka ya dikhodho da mmidi, Txizimu txi ti mahile, ngu kurumela Mwanana wa txona, a di ni txiemo txa wuthu wa txionho, kasi ku ta xula txionho, ni ku txi abanisa kona mmidini;

Luka 2:24

Va txi fanela kambe kuya ningela mhamba ya matuva mambidi mwendo mavhondo mambidi a situvani nga ti wu wombisako tona Mlayo wa Mkoma.

Levhi 12:8

Aniko ngako mame wa kona asi sikoti kumana txinvutana, a na ningela matuva mambidi mwendo mavhondo mambidi a situvani, dimwedo i mhamba yo hiswa, dimwani i mhamba yo kuwula txionho. Mphaxeli a na mmahela mhamba ya mdiho, se ene a na basiswa.

Levhi 5:7

Aniko, ngako m'thu a txi pwata mningelo wa nvuta mwendo wa phongo, wa sikota kuningela ka Mkoma, ngu mhamba ya txionho txakwe, matuva mambidi mwendo mavhondo mambidi, a situvani, kasi ku dimwedo di txi va mhamba ya txionho, dimwani di txi va mhamba yo hiswa.

Levhi 14:29

Ngu mtona wu wu nga sala dianzani kwakwe, mphaxeli a na wu thela ha msungo ka wule a sawulekiswako, kasiku e mana kudivalelwa ngu Mkoma.

Levhi 14:31

Tximwetxo txa sona sinyaneso, txi a no txi mana, txi maha mphaxo wo thavisa txionho, ni tximwani nja mningelo wo hiswa, wa sakudya; se mphaxeli a na mmahela mhamba ya divalelo, masoni ka Mkoma.