Levhi 14:25 - Bhiblia Yo Sawuleka

²⁵ Sekoko a na wila thamo ya txinvhutana txa mhamba ya minandu, ni mnoha wa txona, e gwesa ngu wona tshokani ka nzeve ya txinene ya wule a sawulekiswako, ni ka litiho la nyagotwe la dianza da txinene, ni nyagotwe wa mkondo wakwe wa txinene.

Levhi 14:25 Referans Kwoze

Ekleziyaste 5:1

Xayisa mkondo wako, u txi wulela Nyumbani ka Txizimu; se ti namise ngutu u engisa kupinda kuningela miphaxo ya siphukuphuku, nguko kha si ti zivi ti to si maha wubihi.

Masalmo 40:6

Awe khu naveli timhamba ta sihari mwendo ta mitxelo ya mafu, khu vileli kambe timhamba to hiswa, to dihela sionho.

Eksodha 29:20

U na yi wila mkolo hamba, u teka mnoha wa wudotho u txi wu tota ha tshokani ka tinzeve ta txinene ka Aroni ni ka vanana vakwe, u na tota kambe aha ka titiho ta vanyagotwe ta mikondo yawe ya txinene; ngu mnoha wu wu no sala, awe u na wu xwayela ha txiluveloni, ngu ka madhawa otshe.

Levhi 5:7

Aniko, ngako m'thu a txi pwata mningelo wa nvuta mwendo wa phongo, wa sikota kuningela ka Mkoma, ngu mhamba ya txionho txakwe, matuva mambidi mwendo mavhondo mambidi, a situvani, kasi ku dimwedo di txi va mhamba ya txionho, dimwani di txi va mhamba yo hiswa.

Levhi 14:26

A na thela mtona wa wudotho amu ka dianza da txibhabha kwakwe apune.

Levhi 8:23

se Mosi a to wila thamo ya hamba; mnoha wa kona wa wudotho, a to tota ha tshokani ka nzeve ya txinene ya Aroni ni ka litiho la nyagotwe la mkondoni ka txinene.