Levhi 14:21 - Bhiblia Yo Sawuleka

²¹ Kambe m'thu wu i ku txisiwana, a si nga ni mitamo ya kona, a nga sikota kuteka txinvutana tximwetxo, kasi kuya maha mhamba ya m'diho ngu txona, ni mhamba yo ndiwitela, kasi e divalelwa, ni mpimo wa wugumi wa mpupu wa wunene, wo vhuvwa, kumweko ni mtona, ka mhamba, ni hafu ya mfarasa wa mtona,

Levhi 14:21 Referans Kwoze

Levhi 5:7

Aniko, ngako m'thu a txi pwata mningelo wa nvuta mwendo wa phongo, wa sikota kuningela ka Mkoma, ngu mhamba ya txionho txakwe, matuva mambidi mwendo mavhondo mambidi, a situvani, kasi ku dimwedo di txi va mhamba ya txionho, dimwani di txi va mhamba yo hiswa.

Levhi 12:8

Aniko ngako mame wa kona asi sikoti kumana txinvutana, a na ningela matuva mambidi mwendo mavhondo mambidi a situvani, dimwedo i mhamba yo hiswa, dimwani i mhamba yo kuwula txionho. Mphaxeli a na mmahela mhamba ya mdiho, se ene a na basiswa.

Mavingu 17:5

Awule a sekako txisiwana a ruka wule a nga txi vanga; awule a tsakiswako ngu phango kha na mbi huluka kutsayiswa.

2 Vakorinto 8:12

Nguko, ngako ku diho kuxuva kuhumisa misengo, sa amukeleka asi m'thu a ku naso; kha ku nga ni mhaka ya si a ku si nga naso.

2 Vakorinto 8:9

Ma wu ziva wunene wa Mkoma wathu Jesu Kristu. Ene hambiko i ku nyamne wa sotshe, a ti mahile txisiwana, kasiku anu mi txi mana sotshe ngu mhaka ya wusiwana wakwe.

Luka 6:20

Jesu a to gula maso a txi wona vagondiswa vakwe, a txi khene: “Mi katekile anu sisiwana, nguko Mfumo wa nzumani mbwanu.

Mavingu 22:2

Nyatithombe ni txisiwana va mananile; votshe va mahilwe ngu Mkoma.

Jobe 34:19

Ngutu-ngutu Txizimu txi si nyenyiko mthangeli, hambi kukhatalela nyatithombe kupinda txisiwana; nguko sotshe mthumo wa manza a txona.

1 Samuwele 2:8

Wa humisa txisiwana amu ka dikhuma, wa guleta txikulungu madhakani, kasi ku e txi khalahatshisa hagari ka vakoma, ni kuvaninga thomba ya txikhalo txa wudhumo; nguko makhato a mafu nga Mkoma, a vekile ditiko txitimwi ka ona.

Levhi 14:22

ni matuva mambidi mwendo mavhondo mambidi a situvani, nga ti a sikotisako tona, dimwedo nda mhamba ya txionho, dimwani nda mningelo wo hiswa.

Levhi 5:11

Aniko, a txi tandeka kumana matuva mambidi, mwendo mavhondo mambidi a situvani, a nga sikota kumaha mhamba yo basisa txionho txi a nga tximaha, ngu mune wa makilu a mpupu wa wunene. Aniko a nga thuke e thela mtona txitimwi ka wona, hambi ku wu vekela dibaselo, nguko mhamba yiya, nja txionho.

Levhi 1:14

Se ngako mningelo wakwe ka Mkoma i di wa sinyana so hiswa, kulaveka a txi wu maha ngu matuva, mwendo mavhondo a situvani.

Levhi 14:10

Ka ditshiku da wutxhanu ni mararu, a na teka sinvutana simbidi so mbi na txibawa, ni txinvutana txa dilembe dimwedo, txo mbi na txibawa, ni mipimo yiraru ka digumi da yona ya mpupu wo vhuvwa ni mtona, ku txi va i di mningelo wa sakudya, ni hafu ya mfarasa ya mtona.

Levhi 27:8

Ngako i di txisiwana ngutu, asi sikoti kumana male ya mtengo wuwa wu nga emiselwa, m'thu wa kona a fanete kuyiswa ka mphaxeli, kasiku mphaxeli a na ya gema mtengo wa male yo dingana ati a ku ka tona wule a nga maha txixambanyo.

Ezekhiyele 46:7

Mthangeli a na lulamisa efa yimweyo kasi ku va mningelo wa sakudya ngu dirole dimwedo, ni efa yimweyo ngu hamba, aniko ngu sinvutana, a na ninga si a no si mana manzani kwakwe; ni hini yimweyo ya mtona ngu efa yimweyo.