Levhi 14:12 - Bhiblia Yo Sawuleka

¹² Sekoko, mphaxeli a na teka txinvhutana tximwetxo e maha mhamba yo dihela minandu, kumweko ni mtona, e si ningela ngu ku si ndiwitela, masoni ka Mkoma.

Levhi 14:12 Referans Kwoze

Eksodha 29:24

U na si veka sotshe manzani ka Aroni ni manzani ka vanana vakwe, u txi si ndiwitela masoni ka Mkoma.

Isaya 53:10

Hambi keto, Mkoma a tsakete ku mxanisa, e mpfisa kupanda, ngako muhefemulo wakwe wu txi maha mhamba yo thavisa sionho, a na wona vatukulu vakwe, a na andisa masiku, se litsako la linene la Mkoma, li na kula manzani kwakwe.

Eksodha 29:22

Ngu msana u na teka ka hamba, mafura, dibhesa, mafura aale ma pomelako masembe, diwomba da txivindi, titsho ta timbidi, ni mafura a txona, ni dithumbi da txinene, nguko hamba yiya nja mhamba ya ku emiselwa wuphaxeli.

Eksodha 29:26

U na teka khana ya hamba ya kusawulekiswa ka Aroni, u txi yi ndiwitela ati to ku txi maha mhamba ya ku ndiwitela masoni ka Mkoma, se eto txi na va i di txyavelo txako.

Levhi 14:10

Ka ditshiku da wutxhanu ni mararu, a na teka sinvutana simbidi so mbi na txibawa, ni txinvutana txa dilembe dimwedo, txo mbi na txibawa, ni mipimo yiraru ka digumi da yona ya mpupu wo vhuvwa ni mtona, ku txi va i di mningelo wa sakudya, ni hafu ya mfarasa ya mtona.

Levhi 14:11

Se Mphaxeli wule a thangelako mhamba yiya yo basisa, a na teka m'thu wule a basiswako, ni sotshe silo sa kona, eya si kombisa masoni ka Mkoma, ha txikeni ka ditenda da msengeletano.

Levhi 14:19

Sekoko, mphaxeli a na maha mningelo wa txionho, e maha mhamba ya kudivalelwa ngu wule a basiswako ka nzambwa yi a ku nayo. Ngu msana a na wila thamo ya txihari txa mningelo wa mhamba yo hiswa,

Levhi 5:15

Ngako m'thu wokari a txi hambanisa mlayo ngu kulunduma amu ka miningelo ya Mkoma, sekoko a fanete kutisa ka Mkoma, kasi kudivalewa txionhotxo txa kulunduma, hamba ngu ka mtxhambi wakwe, yo mbi na txibawa. Mpimo wa kunemela wu wu dinganako kuhumiswa wa silivhela, wu ku ni fanelo yo ningelwa, madingano ni mipimo yi yi thumiswako mu dithepeleni, kasi kudivalela txionho.