Levhi 14:10 - Bhiblia Yo Sawuleka

¹⁰ Ka ditshiku da wutxhanu ni mararu, a na teka sinvutana simbidi so mbi na txibawa, ni txinvutana txa dilembe dimwedo, txo mbi na txibawa, ni mipimo yiraru ka digumi da yona ya mpupu wo vhuvwa ni mtona, ku txi va i di mningelo wa sakudya, ni hafu ya mfarasa ya mtona.

Levhi 14:10 Referans Kwoze

Levhi 2:1

Se ngako m'thu a txi ningela mningelo wa sakudya ka Mkoma, a na phaxa ngu mpupu wa wunene, e thela mtona ni dibaselo txitimwi ka wona.

Luka 5:14

Se a to mu leleta a txi khene: “U nga thuke u txi gela m'thu, kambe tsula u ya ti kombisa ka mphaxeli, u txi maha mningelo wa kubasiswa kwako, nga ti Mosi a nga leletisa tona, kasi wu na va wufakazi kwawe.”

Marku 1:44

a txi khene kwakwe: “U nga thuke u txi womba txilo ka m'thu, aniko tsula u txi ya ti kombekisa ka mphaxeli, u txi maha mningelo wa kubasiswa kwako, kota nga kuruma ka mlayo wu wu nga leletwa ngu Mosi, kasi kumaha wufakazi kwawe.”

Matewu 8:4

Jesu a txi khene kwakwe: “Ti wonele, u nga gele m'thu, aniko tsula u txi ya ti kombisa ka mphaxeli, u txi humisa mningelo wu wu nga emiswa ngu Mosi, kasi ku na maha wufakazi kwawe.”

Levhi 14:21

Kambe m'thu wu i ku txisiwana, a si nga ni mitamo ya kona, a nga sikota kuteka txinvutana tximwetxo, kasi kuya maha mhamba ya m'diho ngu txona, ni mhamba yo ndiwitela, kasi e divalelwa, ni mpimo wa wugumi wa mpupu wa wunene, wo vhuvwa, kumweko ni mtona, ka mhamba, ni hafu ya mfarasa wa mtona,

Levhi 14:15

Sekoko, mphaxeli a na teka mtona wa hafu ya mfarasa e wu thela manzani kwakwe ka txibhabha,

Levhi 14:12

Sekoko, mphaxeli a na teka txinvhutana tximwetxo e maha mhamba yo dihela minandu, kumweko ni mtona, e si ningela ngu ku si ndiwitela, masoni ka Mkoma.

1 Pedro 1:19

aniko, mi tirutwe ngu mnoha wa lisima wa Kristu, wu wu fanako ni wa Txinvutana txo mbi na wulima mwendo txibawa;

Johani 6:51

“Ani ni dipawu da kuhanya di nga txhika ngu nzumani. Awu a dyako dipawu diya a na hanya wutomi wo mbi guma. Dipawu di ni no mninga, ngu mmidi wangu ni no wu ningela ngu kulava kuhanyisa ditiko.”

Johani 6:33

nguko dipawu da Txizimu ngu dona di txhikako ngu nzumani, di ta hanyisa ditiko.”

Johani 1:29

Mangwanani ka kona, Johani a to wona Jesu, a nga txi ta kwakwe, se a txi khene: “Wonani Txinvutana txa Txizimu atxi txi kuwulako sionho sa ditiko.

Mitengo 28:20

Kumweko ni mningelo wa sakudya, i ku mpupu wo kanyangelwa ni mtona; mi na ningela mpimo wa wuraru ka digumi, ngu dirole, ni mpimo wa wuraru ka digumi, ngu hamba.

Mitengo 6:14

se ene a na ningela hamba ka Txizimu, ya dilembe dimwedo ayi yi singako ni txibawa; yi na va mningelo wo hiswa, ni txinvutana txa dilembe dimwedo, txa mkati, na txi si nga ni txibawa, yi na va mphaxo wa kuonha, ni hamba yo mbi na txibawa, ayi yi nova mphaxo wa kubonga.

Levhi 23:13

Se mningelo wa mhamba yo hiswa, kulaveka kumaha mningelo wa mtxhanu wa makilu ni mararu a mpupu wa wunene, wo vhuwa ni mtona, ti to wu txi hiswa ngu kudhumisa Mkoma, mhamba yiya njo bhumula, yi tsakisa mbilu yakwe; mhamba ya sa kusela, yi na va ya mmbamba wa vhinya.

Levhi 9:1

Ngu ditshiku da wutxhanu ni mararu, msana ka m'buso, Mosi a to dhana Aroni ni vanana vakwe kumweko ni madhota a ka Israyeli;

Levhi 4:32

Aniko ngako a txi dhunda kumaha mhamba ngu txinvutana, kasi kudivalelwa txionho, a fanete e maha ngu txinvutana txa makati, txo mbina txibawa.

Levhi 2:13

Se u fanete u txi lunga ngu mnyu, yotshe miningelo ya sa sakudya; kambe ku nga pwateke mnyu ka sakudya sa sako sa mningelo, wa txitumelelano txa Txizimu txako; Lunga ngu mnyu yotshe miningelo yako ya sakudya.

Levhi 2:11

Mningelo wuhi ni wuhi wa sakudya, awu wu mahelwako Mkoma, wu nga ve wa simbwanda so tshumbelwa; kambe mi nga theleni mtshumbelo hambi wulombe, ka mningelo wuwa wo hiselwa Mkoma.

Levhi 1:10

Ngako m'thu a txi lava kumaha mningelo wa mhamba yo hiswa ngu txihari txatxidotho, nvuta mwendo phongo, njihari txa matune, txo mbi limala,

Eksodha 29:40

Ngu txihambana txo khata u na ningela didhawa da wugumi da mpimo wa mpupu wo tsetsetwa ni kukanyangelwa ni didhawa da wumune da mpimo wa hini ya mtona wa miolivha wo surutetwa, ni dimwani didhawa da wumune da mpimo wa hini wa vhinya, kasi kumaha mningelo wa so sela.

Levhi 14:11

Se Mphaxeli wule a thangelako mhamba yiya yo basisa, a na teka m'thu wule a basiswako, ni sotshe silo sa kona, eya si kombisa masoni ka Mkoma, ha txikeni ka ditenda da msengeletano.

Mitengo 7:43

Mningelo wakwe mbwa mbiya ya silivhela, wu ku ni kunemela ka 130 wa maxekele, ni mkamba wa silivhela, awu kunemela ka wona i ku ka mtxhanu wa magumi ni magumi mambidi a maxekele, madingano ni dixekele da wukhalo wo sawuleka, sotshe sa simbidi so tala ngu mpupu wo tshura, wu nga kanyangwa kumweko ngu mtona, kasi kumaha mningelo wa sakudya.

Levhi 1:3

Ngako a txi lava kuningela i ti mphaxo wo hiswa ka Mkoma ngu txihari txa hombe, a fanete kusawula matune wa kwa mbi na txibawa, e di yisa ha txikeni ka ditenda da msengeletano, kasiku eya mana kuamukeleka masoni ka Mkoma.