Levhi 13:59 - Bhiblia Yo Sawuleka

⁵⁹ Asiya nzileleto so tsimbilelana ni sibawa sa tshekela, nguwo, ngoti, ni dijoke, mwendo tximwani txo lukwa, hambi ni txihi tximaha, atxi txi nga mahwa ngu didhowo, kasi ku si ziwa ti to si basile, mwendo kha sa basa.

Levhi 13:59 Referans Kwoze

Levhi 13:47

Ngako di txi woneka dithanzi da tshekela ahawa ka txihi ni txihi tximaha txa kwambala txa matoya a nvuta mwendo txa linyu,

Levhi 13:48

mwendo ka yihi ni yihi nguwo mwendo disokiso do mahwa ngu linyu mwendo matoya a nvuta, hambi ni ka txhi tximaha txo mahwa ngu didhowo;

Levhi 13:58

Aniko nguwo, ngoti, dijoke, hambi ni txihi tximaha txi nga mahwa ngu didhowo, atxi txi nga ti kuwutwe, atxi kambe txibawa txi nga pfhiteka, txi na kuwulwa ka wumbidi txi maneka txi di basile.

Levhi 14:1

Mkoma a wombile ka Mosi a txi khene:

Levhi 14:2

Mlayo wa m'thu wa tshekela, ka ditshiku da kubasiswa kwakwe ngu wuwa: A na yiswa ka mphaxeli,

Levhi 14:32

Asiya nzileleto so basisa awule a nga ti ni tshekela, ngako a si nga ni mtamo wo mana asi si si dingana.

Levhi 14:57

kasi kugondisa ti to ditshiku muni di txomaha txi nga mbi basa, ni ditshiku di txi nga basa. Awuwa mlayo wa tshekela.

Levhi 15:31

Ka toneto, anu mi na hambanisa vanana va ka Israyeli ka wubihi wawe, kasi vona va si wuleli phangoni ka kudawa, nguko va ti ya nyenyezisa ngu wubihi wawe nyumba yangu yo sawuleka, ayi yi ku hagari kwawe.

Levhi 15:32

Asiya nzileleto si si vekelwako wu a humelako mnoha, ni wule mnoha wa mbewu yakwe wu nga thekela, a nga va a di nyenyezisilwe;

Mitengo 5:29

Awuwa ngu wona mlayo wo ti basisa, ku ngako wamsikati a txi ti nzambwisa na a di hahatshi ka mlayo wo fumwa ngu mkatakwe.

Mitengo 30:16

Asiya ngu sona sileleto si Mkoma a nga ruma ka Mosi, hagari ka mwamna ni msikati wakwe; ni ka tate ni mwanana wakwe wa dihorana, wuphyani kwakwe, m'tini ka tate wkwe.

Mitengo 36:13

Ayi ngu yona milayo ni sileleto si Mkoma a nga ruma ngu dianza da Mosi ka vanana va ka Israyeli, libalani ka va ka Mowabhi, hafuhi ni Jordhani, ka Jeriko.