Levhi 13:58 - Bhiblia Yo Sawuleka

⁵⁸ Aniko nguwo, ngoti, dijoke, hambi ni txihi tximaha txi nga mahwa ngu didhowo, atxi txi nga ti kuwutwe, atxi kambe txibawa txi nga pfhiteka, txi na kuwulwa ka wumbidi txi maneka txi di basile.

Levhi 13:58 Referans Kwoze

Mtuletelo 1:5

ni ka Jesu Kristu i ku fakazi ya kuthembeka, matiwula ya vafi, Mkoma wa votshe vafumeli va mafu. Kwakwe, ene a hi randako, ene a nga hi kuwula sionho sathu ngu mnoha wakwe,

Vahebheru 9:10

Nguko, va phaxa ngu sakudya ni sakusela ni ku ti sambisa ka tinzila to tala dwe. Asiya nziheno sa vathu si nga thuma kala ditshiku da kuhindulwa ka sotshe.

2 Vakorinto 12:8

Ni kombete kuraru ka Mkoma ti to a txi ni thavisa m'pa wuwa;

2 Vakorinto 7:1

Vo randeka ngutu, ngako hi ku ni sithembiso siya, he ti basiseni ka yotshe nzambwa ya mmidi ni ya moya, hi txi zama kuhetisa mthumo wa ku ti sawulekisa kwathu ngu txithavo ka Txizimu.

Masalmo 51:2

Ni kuwule ka wotshe wubihi wangu; u txi ni basisa ka sotshe sionho sangu.

2 Vafumeli 5:14

Sekoko a to relela eya bhumwala kona Jordhani mtxhanu wa sikhati ni simbidi, madingano ni kuwomba ka m'thu wa Txizimu; se nyama yakwe yi to thunga, yi txi nga nyama ya mfana, se a to kalamuka.

2 Vafumeli 5:10

Sekoko Elixa a to rumisa mtumi kuya gela Nahanani to khene: Tsula Jordhani u ya samba mtxhanu wa sikhati ni simbidi, se nyama yako yi na thunga, u na kalamuka.

Levhi 13:48

mwendo ka yihi ni yihi nguwo mwendo disokiso do mahwa ngu linyu mwendo matoya a nvuta, hambi ni ka txhi tximaha txo mahwa ngu didhowo;

Levhi 13:57

Se, ngu msana ka toneto, ngako txibawa txi txi tshumela txi woneka aha ka txyambalo, ka nguwo, ka ngoti, ka dijoke, hambi ni txihi tximaha txi nga mahwa ngu didhowo, txi khurumbete, a na txi hisa ha mndiloni txi txi nga telwa ngu txibawa.

Levhi 13:59

Asiya nzileleto so tsimbilelana ni sibawa sa tshekela, nguwo, ngoti, ni dijoke, mwendo tximwani txo lukwa, hambi ni txihi tximaha, atxi txi nga mahwa ngu didhowo, kasi ku si ziwa ti to si basile, mwendo kha sa basa.