Levhi 13:52 - Bhiblia Yo Sawuleka

⁵² Txi fanete txi hiswa, hambi i di txyambalo, nguwo, mwendo disokiso do mahwa ngu matoya, hambi ni txihi tximaha txa didhowo, atxile txibawa txi nga woneka ka txona, i tshekela yo sotela.

Levhi 13:52 Referans Kwoze

Isaya 30:22

Kambe asi si vhikelako sithombe sako sa nzalama, si na va si di nyenyezisilwe, ni si si vhikelako sithombe sako so tshulwa ngu nzalama; se u na si tshotsha hahatshi nga sigwanda sa nzambwa, kambe u na khawe ka tximwetxo ni tximwetxo txa sona: Humani hawa!

Levhi 11:35

Se ni txihi txiya txi txi welako txitimwi ka txirumbi txa sihariso, txi na va txi txi yila; txikho ni khadi, si na fayetelwe; sa yila; ngu toneto eso sa yila kwanu.

Levhi 11:33

Ngako tximwetxo txa sona sihariso txi txi wela mu ka txiya txa mraka, txi di fite, txiya txonetxo txifanete kufaywa, ni txile txi manekako mndani ka txona txi na va txi txi yila.

Levhi 13:47

Ngako di txi woneka dithanzi da tshekela ahawa ka txihi ni txihi tximaha txa kwambala txa matoya a nvuta mwendo txa linyu,

Levhi 13:48

mwendo ka yihi ni yihi nguwo mwendo disokiso do mahwa ngu linyu mwendo matoya a nvuta, hambi ni ka txhi tximaha txo mahwa ngu didhowo;

Levhi 13:51

Sekoko ngu msana ka masikuyo a mtxhanu ni mambidi, a na xolisisa mtungu ewo, se ngako wu di endelekete aha ka nguwo, ka ngoti, ka dijoke, ka didhowo, hambi ni ka txihi tximaha txi nga mahwa ngu didhowo, txibawa etxo, i tshekela yo khurumbelisa, tximaha txonetxo txa yila.

Levhi 13:53

Mbimo yi a txi xolisisako mphaxeli, e wona ti to txibawa kha txa endeleka, aha ka txyambalo, mwendo ka disokiso, mwendo ka ni txihi tximaha txa didhowo;