Levhi 13:46 - Bhiblia Yo Sawuleka

⁴⁶ Ngako dithanzi di txi simama ha nyamani ka mmidi wakwe, a na va a txi ziwa ti to kha basa, se a na hanya ekha, hahanze ka wugovelo.

Levhi 13:46 Referans Kwoze

2 Vafumeli 7:3

Se ha txikeni ku ti ti ni mune wa vavamna va nga ti ni xokonho, na va txi wombawombisana, va txi kha vona: Hi na zumbela txani hawa kala hi txi fa kani?

2 Vafumeli 15:5

Se Mkoma a to peka mfumeli, eva ni tshekela kala ka ditshiku da kufa kwakwe, na a txi zumba ka nyumba ya didhawa; ngu kumaha keto, Jothamu mwanana wa mfumeli, ngene a nga ti nyumbani ka wukoma, a txi lamula vathu va ditiko.

2 Makronika 26:21

Kukhukhela ka ditshiku donedo mfumeli Uziya a to karatwa ngu xokonho kala kuza efa. A ti ti zumba ka nyumba ayi yi nga ti dawani, va si mtumeleli kuwulela Nyumbani ka Mkoma. Se Jothamu, mwana Uziya, a to fuma ka wukhalo wakwe, ni kulamula timhaka ta vathu va ditiko.

Mtuletelo 22:15

Ti na sala hahanze timbwa, vasalamusi, vamahi va wugelegele, vadayi va vathu, vakhozeli va si i ku si nga Txizimu ni votshe va va dhundako mwendo va hanyako ngu makuhu.

Mtuletelo 21:27

Ka dona kha ku na mbi thuka ku txi wulela ni txihi txilo txa nzambwa, hambi va va mahako to nyenyeza ni vamakuhu. Va na wulela dwe avale va nga bhalwa dibhukuni ka wutomi wa Txinvutana.

1 Timoti 6:5

kubhongelana ko mbi guma hagari ka vathu va mapimo o hambaneka, ava va ku si nga ni ditshuri, nguko va pimisa ti to wukhongeli njisima txa dibhindu.

2 Vatesalonika 3:14

Ngako m'thu a txi kanyisa ati hi bhalako ka dipapilo diya, muwonisiseni, mi nga khataleni txilo ngu ngene, kasiku a na wiswa tingana.

2 Vatesalonika 3:6

Ha mi leleta, vanathu, ngu ditina da Mkoma Jesu Kristu, ti to mi txi hambana ni mwanathu wuhi ni wuhi asi londiseliko nzila ya mlayo, a hambanako ni tigondo ti hi nga mi ninga tona.

1 Vakorinto 5:5

mamoyo a na ningelwe ka Sathani, ka lifo la mmidi, kasiku moya wakwe wu txi hanyiswa ka ditshiku da Mkoma.

Luka 17:12

Se ngako a txi wulela didhoropani kokari, a to manana ni digumi da vathu vo lwala ngu tshekela, ava va nga ema ngu kule,

Sidilo 1:8

Jerusalema a onhile ngutu se ngu toneto, a tote nzambwa. Votshe vale va nga ti mxonipha, se vamnyenyile, nguko va woni wumbwiri wakwe; se ene apune wa kuma a txi namisa thamo.

Sidilo 1:1

Hi nga wonani txiwunda txa didhoropa dileya, adiya kale di nga ti ti ni vathu votala! Se konkuwa di hundukile nga noni adi i nga ti da hombe hagari ka matiko; ni mfumeli wa txisikati ka sidhoropana, di hundukile di txi maha m'dihi wa resa.

Mavingu 30:12

Ku ni liveleko li ti wonako li di sawulekile, na kuve kha li zivi ka nga kuwulwa kubihani ka lona.

Levhi 13:47

Ngako di txi woneka dithanzi da tshekela ahawa ka txihi ni txihi tximaha txa kwambala txa matoya a nvuta mwendo txa linyu,

Levhi 14:3

se mphaxeli a na huma nayo hahanze ka wugovelo kasiku eya mxolisisa. Ngako a txi wona tshekela yi di hote,

Levhi 23:29

Awule, ka ditshiku donedo, a no va asi xaniseki ngu sionho sakwe, a na fuviswa hagari ka va ka kwawe,

2 Samuwele 3:29

U na zumbe txitimwi ka msungo wa Jowabhi ni ka yotshe nyumba ya tate wakwe, ka nyumba ya Jowabhi ku nga thuke kupwateka ni wammweyo wo lwala ngu mtungu, mwendo wa sigwiri, mwendo wo txheketela ngu ndonga, hambi wo dawa ngu ditxhari mwendo wo pwata sakudya.

Sidilo 4:15

Va ti tshumetela vathu va txi kha vona: “Khukhani! Mi nyete! Khukhani, khukhani, mi nga hi khuteteni!” Se va hindukile va tendeleki ni valuveli; hambi va matiko va ti ti: “Vathu vava va nge sikoti kuzumba hagari kwathu.”