Levhi 13:45 - Bhiblia Yo Sawuleka

⁴⁵ Awule a ku ni mtungu wa tshekela, a fanete e tsimbila a di ambate simaha so sakala kumweko ni misisi yo mbi khwaywa ni kufenengeta txisofu kala ha txiletuni, na a txi huwelela a txi khene: Kha na basa! Kha na basa!

Levhi 13:45 Referans Kwoze

Mika 3:7

Se vamawona kule va na wa tingana, ni vahuteteli va na phazamiswa, ina, vona votshe va na vhala sisofu sawe, nguko kha ku na mbi va ni xamulo ya Txizimu.

Levhi 10:6

Se Mosi a to womba ka Aroni ni ka vanana vakwe, i ku Eleyazari ni Itamari, a txi khene: Anu mi nga vhununguleni misungo yanu hambi kuvharhula syambalo sanu, mi txi komba ku va dila, nguko mi nga fa, ngu kuva mi di vhutukisile dikhulo da Txizimu hagari ka msengeletano wotshe, kambe maxaka anu vanana va ka Israyeli, ngu vona va no dila ngu mhaka ya wuhya wuwa Mkoma a nga wu maha.

Ezekhiyele 24:17

Dilisa kutipimela; u nga dilele vafi, ambala txigoko txako, ni tikathula mikondoni kwako; u nga sisale u txi dya sakudya sa vathu.

Sidilo 4:15

Va ti tshumetela vathu va txi kha vona: “Khukhani! Mi nyete! Khukhani, khukhani, mi nga hi khuteteni!” Se va hindukile va tendeleki ni valuveli; hambi va matiko va ti ti: “Vathu vava va nge sikoti kuzumba hagari kwathu.”

Luka 17:12

Se ngako a txi wulela didhoropani kokari, a to manana ni digumi da vathu vo lwala ngu tshekela, ava va nga ema ngu kule,

Ezekhiyele 24:22

Kambe mi na mahisa ti ni nga mahisa tona; mi nga sisaleni, kambe mi nga dyeni sakudya sa vathu.

Levhi 21:10

Mphaxeli wa hombe, awu i ku mthangeli hagari ka va ka kwawe, awu a nga thelwa mtona wo totwa ha msungo kwakwe, awu a nga emiselwa ku a txi ambala syambalo sa wuphaxeli, kha na kuleka misisi yakwe yi di vhinganyekete, kambe kha na kuvharulela syambalo sakwe.

Luka 5:8

Simoni a di woni tiya, a to ti wisa minengeni ka Jesu, a txi khene: “Mkoma, khukha hawa kwangu, nguko ani ni muonhi!”

Isaya 64:6

Kambe athu hotshethu hi fana ni m'thu wa kwa mbi basa, kotshe kululama kwathu kufana ni txigwanda txa nzambwa; se athu hotshethu ha mora kufana ni mazokoro, ni minandu yathu ya hi handa kufana ni moya.

Isaya 6:5

Sekoko ani ni to khani: Dikhombo kwangu, ni lovile! Nguko ni m'thu wa txisofu txa kwa mbi basa, ni zumba hagari ka vathu va sisofu sa kwa mbi basa; maso angu ma woni mfumeli, Mkoma wa Mabutho a Tiyimbi.

Masalmo 51:3

Nguko ani, na si ziva sihambunyeto sangu yotshe mbimo ni khumbuka sionho sangu.

Joyeli 2:13

Kambe vharulani timbilu tanu, i si nga syambalo sanu, se hundulukelani ka Mkoma, Txizimu txanu; nguko ene a ni wumbilu, ni kupfela, wa swela kuhenya, mbwa hombe ngu wumbilu, kambe wa tilaya ka wubihi.

Jeremiya 36:24

Mfumeli ni sithumi sakwe ngako va ti pfite timhaka tiya, kha va thava, kambe kha va bhandelela simaha sawe,

Jeremiya 3:25

Ahiweni hahatshi tinganani kwathu, hi fenengela tona, nguko hi onhete Mkoma, Txizimu txathu, athu kumweko ni vatate vathu, kukhukhela ha wuphyani kwathu kala nyamsi; kha ha engisa dipswi da Mkoma, Txizimu txathu.”

Masalmo 51:5

Kha ditshuri, ni m'bihi kukhukhela ni txi velekwa; ni muonhi kukhukhela mndani ka mame wangu.

Jobe 42:6

Ngu mhaka yeto, na ti sola, ni kutilaya, ni di mu ka lithulu ni mu ka dikhuma.

Jobe 1:20

Sekoko Jobe a to khukha, e vharulela syambalo sakwe, e yola msungo wakwe, e ti wisa hahatshi, e khongela.

2 Samuwele 13:19

Sekoko Tamara a to ti theletela dikhuma ha msungo, e vharulela txyambalo txa mixowo yayingi txile a nga ti ambate, se rwala mawoko ha msungo, e tsula a txi pekeletela tihuwa.

Genesisi 37:29

Ngako Rubheni a di wuyile koko, e ta solela mu diphalani, e wona ti to Josefa kha nga ho mu diphalani; a to vharula syambalo sakwe;

Isaya 52:11

Khukhani, khukhani, humani emo, mi nga gweseni txilo txo mbi basa; humani hagari ka dona, ti sawulekiseni anu mi rwalako siya sa Mkoma.

Levhi 13:44

eyo m'thu a tetwe ngu tshekela, kha basa; se mphaxeli a na m'gela ti to kha basa, ngu mhaka ya wulwali wu a ku nawo ha msungo mwendo hambanza.

2 Vafumeli 7:3

Se ha txikeni ku ti ti ni mune wa vavamna va nga ti ni xokonho, na va txi wombawombisana, va txi kha vona: Hi na zumbela txani hawa kala hi txi fa kani?

Mitengo 5:2

“Laya vanana va ka Israyeli tito, awu a ku ni malwati a tshekela, ni vathu votshe ava va mahako kubiha ni ku ti nzambwisa ngu kugwesa sirumbi, va na humiswa hahanze ka wugovelo.