Levhi 13:3 - Bhiblia Yo Sawuleka

³ Se Mphaxeli a na wonisisa ha mmidi kwakwe, ngako a txi wona mapfhete akwe ma txi basa, mwendo dithanzi di txi tshima, kupinda ngutu lihohe la nyama yakwe, yi na va i di tshekela; ngako mphaxeli a txi muwona, a na womba ti to wa yila.

Levhi 13:3 Referans Kwoze

Mtuletelo 2:23

Ni na daya vanana vakwe, kasiku otshe Mabanza me tiziva ti to ngani ni zivako makungo a titsho ni a mbilu, ni ti to mmweyo ni mmweyo wanu ni na mu tshumetela madingano ni mithumo yakwe.

Vahebheru 13:7

Alakanyani vathangeli vanu, ava va nga mi txhumayela dipswi da Txizimu. Wonisisani ati wutomi wawe wu nga gwitisa tona, mi txi londetela likholo lawe.

2 Timoti 3:13

Kasi vathu va tshofu ni vaxengeteli, vona va na ya masoni ngu kumaha wubihi, va txi kanganyisa vamwani ni ku ti kanganyisa vapune.

1 Timoti 1:20

Hagari ka vonavo kumaneka Himenewu ni Alexandre, ava ni nga va ningela ka Sathani, kasiku ve gonda ku ambi ngadi ve ruketela Txizimu.

Varoma 7:7

Hi na txani kani? Ina mlayo njionho kani? Lambi! Kambe idiku ku ti si nga ni mlayo, nga ni sa txi ziva txionho. Nguko ani nga ni sa ziva ti to kuho kunavela, idiku mlayo wu ti sa womba tito: “U nga navele to biha.”

Mithumo 20:28

Ti woneleni, mi txi wonelela ni wotshe mtxhambi wu, mi nga mahwa vadyisi va wona ngu Moya wo Sawuleka, kasiku mi txi dyisa Dibanza da Txizimu, adiya txona txi nga ti winela ngu mnoha wa Mwanana wa txona apune.

Johani 20:23

Ka vale mi no va divalela sionho, va na divalelwa; ani vale mi no mbi va divalela sionho, kha va na mbi divalelwa.”

Matewu 16:19

Ni na kuninga tikhiya ta Mfumo wa nzumani; txihi ni txihi u no txi sunga ha mafuni txi na sungwa ni nzumani, ani txihi ni txihi u no txi thukunyula ha mafuni txi na thukunyulwa ni nzumani.”

Malakiya 2:7

Nguko txisofu txa mphaxeli txi na xayisa wuzivi, se va na mana mlayo ka txisofu txakwe, nguko ene i Ngelozi ya Mkoma wa Mabutho a Tiyimbi.

Hagayi 2:11

Mkoma wa Mabutho a Tiyimbi a womba tiya: Wotisa konkuwa ka vaphaxeli, madingano ni mlayo, u txi khawe:

Hoseya 7:9

Vamatiko va mu haxulete ngu mtamo, kambe ene kha ti zivi; ni wunvi u mite txitimwi kwakwe, aniko ene kha ti zivi.

Ezekhiyele 44:23

Se vaphaxeli va na gondisa vathu vangu, kuhambanisa hagari ka kusawuleka ni kunyenyeza, ni kuhambanisa kusawuleka ni kwa mbi sawuleka.

Ezekhiyele 16:30

Mbilu yako kha ya tsana, kuwomba Mkoma Txizimu: U mahile totsheto i ku mithumo ya dibhoyi da nduma!

Levhi 13:2

Ngako m'thu a txi woneka ha mmidi kwakwe wubalala mwendo dithanzi, di txi nga tshekela, m'thu eneyo a na tekwa a txi heleketwa ka mphaxeli Aroni, mwendo ka mmweyo wa vanana vakwe.

Levhi 10:10

Ngu toneto, mi na sikota kuhambanisa atxi i ku txo sawuleka ni txo mbi sawuleka, ni txi i ku txo yila ni txo mbi yila,

Genesisi 13:3

Ene a to ya masoni ni dipfhumba dakwe, kukhukhela Negebhe, kala Bheteli, ka wukhalo wu kukhatani ka kona a nga ti emisile ditenda dakwe, hagari ka Bheteli ni Ayi.

Levhi 13:4

Se ngako dithanzi i ti do basa aniko di si thisi, hambi ni mapfhete a kona, ma sa hinduka ma txi basa, mphaxeli a na ruma ti to m'thu eneyo a na zumbe ka ekha kala mtxhanu wa masiku ni mambidi.

Levhi 5:3

hambi ku ngako m'thu a txi gwesa ni yihi nzambwa ya mmwani m'thuyo, neneyo m'thu ana ni mnandu wa nzambwa;

Levhi 13:8

Ngako mphaxeli a txi wona ti to kha ditshuri dithanzi di endelekile ha mmidi kwakwe, a na m'gela a txi khene kha basa; ana ni tshekela.

Levhi 13:10

Ngako a di ni dithanzi ha mmidi kwakwe do basa, di txi hindula ni mapfhete akwe, ma txi basa ha nyamani kwakwe, ku txi maneka ku txi bhilivila,

Levhi 13:20

Mphaxeli a na mu wonisisa, se ngako lihohe lakwe li txi maneka li di tshimile, ahale ka wukhalo wule, ni mapfhete a kona me maneka ma di basile, wa yila. I tshekela yi nga humelela aha ka txibawa.

Levhi 14:37

Ngako a txi wona ti to txibawa ha disetani txa di dokovelisa di txi maha mkungu mwendo kubhilivila, na di txi woneka kumaha diphala kupinda dotshe diseta,

Levhi 14:54

Awuwa mlayo wa yitshe mitungu ya tshekela, ni theti,

Levhi 14:56

ka mtungu wa sithunye, wuhalala, ni mikura