Levhi 13:25 - Bhiblia Yo Sawuleka

²⁵ mphaxeli a na wonisisa ha wukhaloni ka nyama aha ka mmidi wa mlwali, ngako mapfhete a kona ma txi basa, ni dithanzi da kona di txi nga do thisa kupinda nyama yakwe, se ti na komba ti to dithanzi nda tshekela yi nga maneka ngu kuhya; mphaxeli a na mu womba ti to kha basa; edo dithanzi nda tshekela.

Levhi 13:25 Referans Kwoze

Levhi 13:4

Se ngako dithanzi i ti do basa aniko di si thisi, hambi ni mapfhete a kona, ma sa hinduka ma txi basa, mphaxeli a na ruma ti to m'thu eneyo a na zumbe ka ekha kala mtxhanu wa masiku ni mambidi.

Eksodha 4:6

Mkoma a to engeta a txi khene: “Konkuwa veka dianza dako hakhana kwako.” Ene a to veka dianza hakhana, se mbimo yi a ngadi thavisa, a to di wona di di hindukile di txi basa ngu tshekela di txi nga hunguva.

Levhi 13:24

Ngako mmwani m'thu a txihya ngu mndilo ha nyamani ka mmidi wakwe, se aha a nga hya kona ku txi maneka dithanzi do basa di txi bhilivila mwendo di txi basa,

Levhi 13:26

Aniko, ngako a di mu wonisisile, mphaxeli e wona ti to mapfhete akwe kha ma basa, mwendo kha ma tshima kupinda nyama yakwe, ni ti to nyama ya kona kha yi basi, a fanete e m'gela ku e zumba ekha mtxhanu wa masiku ni mambidi.

Mitengo 12:10

Mbimosi direfu di nga khukha txitimwi ka ditenda, koneko Miriyamu mmidi wakwe wu to basa ngu tshekela, wu txi fanana ni hunguva. Aroni a to wona Miriyamu ti to ana ni tshekela.

2 Vafumeli 5:27

Ngu kumaha keto, xokonho ya Nahanani yi na tshapela kwako, ni ka liveleko lako kala kupinduka. Se Gehazi a to khukha masoni ka Elixa, na a di ni xokonho yo maha ngu ku xwee, nga hunguva.