Levhi 13:20 - Bhiblia Yo Sawuleka

²⁰ Mphaxeli a na mu wonisisa, se ngako lihohe lakwe li txi maneka li di tshimile, ahale ka wukhalo wule, ni mapfhete a kona me maneka ma di basile, wa yila. I tshekela yi nga humelela aha ka txibawa.

Levhi 13:20 Referans Kwoze

2 Pedro 2:20

Ngu toneto, ngako vathu msana ka kuva va di hulukile ka nzambwa ya ditiko ngu kuziva Mkoma wathu Jesu Kristu, se ve tshumela da wumbidi va txi tumela kuxulwa ngu yona nzambwa yileya, mahanyelo awe o gwitisa ma nava o biha ngutu kupinda o khata.

Johani 5:14

Msana ka tiya, Jesu a to mu mana Dithepeleni a txi khene kwakwe: “Wa ti wona, u hanyisilwe; u nga engete u txi onha, kasiku di si ku humeleli dikhombo da hombe kupinda di do thanga.”

Matewu 12:45

Sekoko moya wule wu to ya dhana yimwani mimoya ya mtxhanu ni yimbidi, ya nzambwa ngutu kupinda wona, se yi wulela yi zumba konemo. Se mazumbelo o gwitisa a m'thu wule ma na pinda o khata ngu kubiha. Ku na mahisa toneto ka lona liveleko liya la tshofu.”

Levhi 13:3

Se Mphaxeli a na wonisisa ha mmidi kwakwe, ngako a txi wona mapfhete akwe ma txi basa, mwendo dithanzi di txi tshima, kupinda ngutu lihohe la nyama yakwe, yi na va i di tshekela; ngako mphaxeli a txi muwona, a na womba ti to wa yila.

Levhi 13:2

Ngako m'thu a txi woneka ha mmidi kwakwe wubalala mwendo dithanzi, di txi nga tshekela, m'thu eneyo a na tekwa a txi heleketwa ka mphaxeli Aroni, mwendo ka mmweyo wa vanana vakwe.

Levhi 13:19

se ha wukhaloni ka txibawa txa txilonda, ku txi maneka txibawa txo basa, mwendo dithanzi do bhilivila, a na tsule eya ti kombekisa ka mphaxeli.

Levhi 13:21

Aniko ngako a txi wonisisa, e wona ti to mapfhete kha ma basa, mwendo txibawa kha txa tshima kupinda nyama yakwe, mphaxeli a na m'gela e zumba ka ekha, mtxhanu wa masiku ni mambidi.