Levhi 12:6 - Bhiblia Yo Sawuleka

⁶ Ngako ma di gumile masiku a kubasiswa kwakwe, ngu ku va a di velekile mwanana wa mfana mwendo wa muhorana, a na va a txi ya maha mningelo ka mphaxeli, ha txikeni ka ditenda da msengeletano, ngu txinvutana txa dilembe dimwedo, kasi kumaha mhamba yo hiswa, ni txituvani, ni dituva, kasi kumaha mhamba yo basisa txionho.

Levhi 12:6 Referans Kwoze

Luka 2:22

Ngako ma di pindile masiku a kubasiswa kwakwe, nga ti wu rumisako tona Mlayo wa Mosi, vona va to teka Mwanana ve mu heleketa Jerusalema, kufela kuya mu kombekisa masoni ka Mkoma,

Vahebheru 7:26

Kha ditshuri, ngene mphaxeli wa hombe wu a hi fanelako: Wa kusawuleka, a si nga ni mnandu, wa kubasa mbilu, wa kuhambana ni vaonhi, wa kuguletwa txitimwi ka tinzuma.

2 Vakorinto 5:21

Kristu kha ziva txionho, kambe Txizimu txi mmahile txionho ngu kota yathu, kasiku athu hi txi maha volulama masoni ka Txizimu ngu kota yakwe.

Johani 1:29

Mangwanani ka kona, Johani a to wona Jesu, a nga txi ta kwakwe, se a txi khene: “Wonani Txinvutana txa Txizimu atxi txi kuwulako sionho sa ditiko.

Levhi 15:29

Ka ditshiku da wutxhanu ni mararu, a na teka matuva mambidi mwendo mavhondo mambidi a situvani, e ma yisa ka mphaxeli, ha txikeni ka ditenda da msengeletano.

Mitengo 6:10

Ka ditshiku da wutxhanu ni mararu, a na yisa ka mphaxeli matuva mambidi, mwendo mavhondo mambidi a situvani, ha txikeni ka ditenda da msengeletano.

Levhi 15:14

Ka ditshiku da wutxhanu ni mararu, a na teka matuva mambidi, mwendo mavhondo mambidi a situvani, eya tikomba masoni ka Mkoma, ha txikeni ka ditenda da msengeletano, e si ningela ka mphaxeli.

Levhi 14:22

ni matuva mambidi mwendo mavhondo mambidi a situvani, nga ti a sikotisako tona, dimwedo nda mhamba ya txionho, dimwani nda mningelo wo hiswa.

Levhi 12:2

Gela vanana va ka Israyeli sileleto siya: Wamsikati wu a nga mana txirumbu, se e veleka mwanana wa mfana, a na va a txi yila mu ka mtxhanu wa masiku ni mambidi, ku nga mbimo yi a wonako mitxima yakwe.

Genesisi 15:9

Mkoma a m'gete ku khene: “Ni tisele dirole da makati da malembe mararu, ni phongo ya malembe mararu, ni txihambana txa malembe mararu, ni dituva ni txituvani txatxidotho.”

Levhi 12:5

Ngako a txi veleka mwanana wa muhorana, a na yila amu ka mavhiki mambidi, ku nga mbimo yi a ku ni mitxima yakwe, a na verela mtxhanu wa magumi a masiku ni digumi dimwedo, ni mtxhanu wa masiku ni dimwedo, ngu mhaka ya mnoha wakwe, kasi a na basiswa.

Levhi 12:7

Mphaxeli a na va a txi si ningela ka Mkoma, a na mahela wule wamsikati mhamba yo dihela txionho, se mame a na va e basiswa ka wungozwa wakwe. Sileleto siya si fanete kulondetwa ngu wamsikati wu a nga veleka mwanana wa mfana mwendo wa muhorana.