Ngako ma di tshangani mtxhanu wa masiku ni mararu, kasiku Mwanana e yiswa wukwerani, va to m'raya ditina daku i Jesu, di nga wombwa ngu ngelozi na ene a sanzi kuva kona mndani ka mame wakwe.
ni yisilwe wukwerani ka ditshiku da wutxhanu ni mararu, ni wa lixaka la ka Israyeli, ka lihunzu la ka Bhenjamini, Muhebheru, mwanana wa Vahebheru, ngu mu ka milayo ni mfarisi,
Ati ni wombako ngu tiya: Txitumelelano txiya txi nga tsaniswa kale ngu Txizimu kha txi na kufuviswa ngu Mlayo, awu wu nga ta msana ka 450 wa malembe, ni txithembiso txa kona kha wu na ku txi fuvisa.
Kambe ha tiziva ti to totshe ti ti wombwako ngu mlayo ti wombwa ka va va ku hahatshi ka mlayo, kasiku sotshe sisofu si tsiwa, votshe vathu ve manwa na va di ni mnandu masoni ka Txizimu.
Mkoma, Txizimu txako, a na kulisa mbilu yako ngu wukwera ni mbilu ya liveleko lako, kasi ku u txi sikota kuranda Mkoma, Txizimu txako, ngu yotshe mbilu yako, ni wotshe moya wako, kasi ku u na mana kuhanya.
Sekoko vamwanyani va kuta ngu Judheya va ti ti gondisa vanawe, va txi kha vona: “Ngako mi si tumeli wukwera, kota kuruma ka Mlayo wa Mosi, kha mi na mbi sikota kuhanyiswa.”
U na maha nga toneto ngu matiwula a tihomu tako ni tinvuta tako; amu ka mtxhanu wa masiku ni mambidi si na zumba ni vamame va kona, se ngu ka ditshiku da wutxhanu ni mararu u na si hambanisa u txi si ninga ani.
Ngu msana, a na verela kambe magumi mararu a masiku ni masiku mararu, kala e basa ka mnoha wakwe, ti di ngeto, a nga gwese ni txa tximwetxo txa simaha so sawuleka, kala kuza ku txi guma masiku a kubasiswa kwakwe.