Levhi 11:44 - Bhiblia Yo Sawuleka

⁴⁴ Ani ngani Mkoma, Txizimu txanu. Ti maheni vasawuleki, nguko ani ni msawuleki! Mi nga ti nyenyeziseni ngu mhaka ya sona sihari si si kasako ha mafuni!

Levhi 11:44 Referans Kwoze

Eksodha 20:2

“Ani ngani Mkoma Txizimu txako, awule a nga kuhumisa ditikoni ka Egipta, amu ka nyumba ya wukhumbi.

Levhi 19:2

Womba ka wotshe msengeletano wa vanana va ka Israyeli, u txi khawe: Mahani vathu vo sawuleka, nguko ani, Mkoma, Txizimu txanu, ni wo sawuleka.

Levhi 20:7

Ti maheni vavanene ni ku ti maha vasawuleki, nguko ani ngani Mkoma Txizimu txanu.

1 Vatesalonika 4:7

Nguko, Txizimu kha txa hi dhanela ku ta hanya nzambwani, aniko txi hi dhanete ku ta hanya kusawulekani.

Levhi 20:26

Mi fanete ku ti maha vo sawuleka kwangu, nguko ani Mkoma ni wo sawuleka, kambe ni mi hambanisile ni totshe tixaka ta vathu, kasiku mi va mi di vathu vangu.

1 Pedro 2:9

Ngu toneto, anu mi liveleko lo sawuleka, vaphaxeli va wukoma, mfumo wo sawuleka, vathu va va lumbako Txizimu, kasiku mi na tsimbila mi txi rurutela mithumo ya kuxamalisa ya Txizimu, atxi txi nga mi humisa txidemani, txi mi wuyisa liwoningoni ka txona ko xamalisa;

Levhi 21:8

Ngu toneto, u fanete kuziva ti to i m'thu wo sawuleka, nguko mthumo wakwe ngu kumaha mningelo wa sakudya ka Mkoma. Ziva taku mbwo sawuleka, nguko ani ni sawulekile, ani ni Mkoma, ni wo sawuleka, ani ni nga mi sawula, kasiku mi txi maha vo sawuleka.

Dhewuteronome 14:2

Nguko anu mi vathu vo sawuleka ka Mkoma, Txizimu txanu, kambe Mkoma a mi sawute hagari ka vamwani vathu, votshe vale va kuho txitimwi ka mafu, kasi ku mi va vathu vakwe mipune.

Mtuletelo 22:11

Awu a nga mbi lulama a na simamise e maha ku ambi lulama kwakwe; awu i ku wa nzambwa a na simame nzambwani kwakwe; ani mlulami a na simamise e maha kululama, ani msawuleki a na simame e ti sawulekisa.”

Masalmo 99:9

Dhumisani Mkoma, Txizimu txathu; mu khizameleni mmangoni kwakwe ko sawuleka! Nguko Mkoma, Txizimu txathu, a sawulekile!

Masalmo 99:5

Dhumisani Mkoma, Txizimu txathu; khizamani masoni ka txikhalo txakwe txa wukoma. Nguko Mkoma a Sawulekile!

Matewu 5:48

Ngu kota yeto, mahani vo hetiseka nga ti nene Tate wanu wa nzumani i ku wo hetiseka.”

Levhi 10:3

Se Mosi a to womba ka Aroni a txi khene: Ngu tona tiya Mkoma a nga womba, a txi khene: Ka vale va tshuketako hafuhi kwangu ni na va komba ti to ani ni sawulekile ni ka vathu votshe ni na komba mtamo wangu! Aroni a to malala a so dwe.

Eksodha 23:25

Mi na thumela Mkoma, Txizimu txanu, se ene a na katekisa sakudya sanu, mati anu kambe a na hambukisa malwati hagari kwanu.

Eksodha 19:6

Aniko anu mi na va mi di mfumo wa wuphaxeli ni vathu vo sawuleka. Mapswi awa ngu ona u no ya va gela vanana va ka Israyeli.”

Isaya 43:3

Nguko ani ngani Mkoma Txizimu txako, Msawuleki wa Israyeli, Mtxhatxhisi wako; ni ningete Egipta kuva mtxhatxhisi wako, ni Etiyopiya, ni Sebha, ka wukhalo wako.

1 Samuwele 6:20

Sekoko vavamna va Bheti-Semi, va to kha vona: I mani a nga emako masoni ka Mkoma, Txizimu txiya txo sawuleka kani? Ni ku i mani kwathu a no kwelela kani?

Levhi 11:43

Mi nga ti nyenyeziseni ngu sile si tsimbilako ngu dibindi si kasako, mi nga ti yiliseni ngu ku si gwesa, nguko mi na va mi txi yila.

Eksodha 6:7

Ni na mi maha vathu vangu, se ani ni na va Mkoma Txizimu txanu, ni mi humisako ka mikaralo ya ditikoni ka Egipta.

Amosi 3:3

Ina vambidi va nga longoloka na va si na kupfana kani?

Isaya 51:15

Nguko ani ngani Mkoma Txizimu txako, txi txi bhandako linene, ni kudhindisa mavimbi a lona. Mkoma wa Mabutho a Tiyimbi, ngu dona ditina dangu.

Eksodha 16:12

“Ani ni engisile kungungurukela ka vanana va ka Israyeli; va gele to: Ni minova mi na dya nyama, aniko mixo mi na khura ngu m'baba; se mi na tiziva ti to ani ngani Mkoma, Txizimu txanu.”

Eksodha 19:10

Mkoma a to khene kambe ka Mosi: “Tsula u txi ya sawulekisa vathu nyamsi ni mangwana, va txi kuwula syambalo sawe,

Eksodha 22:31

Anu mi na va mi di vathu vangu vo sawuleka; ngu kumaha keto, mi nga dyeni nyama ya txihari txo phatulelwa ngu sihari sa txitinga; mi na yi ningela ka timbwa.”

Levhi 18:2

Gela msengeletano wa ka Israyeli sileleto siya: Ani ngani Mkoma, Txizimu txanu!

Levhi 19:3

Mmweyo ni mmweyo a na thave tate wakwe ni mame wakwe, e vekisa Masabbata tangu. Ani ngani Mkoma, Txizimu txanu!

Mitengo 15:40

Mi na khumbula yotshe milayo yangu, mi yi maha, mi txi maha eto mi na va vo sawuleka ka Txizimu txanu.

Eksodha 22:30

U na maha nga toneto ngu matiwula a tihomu tako ni tinvuta tako; amu ka mtxhanu wa masiku ni mambidi si na zumba ni vamame va kona, se ngu ka ditshiku da wutxhanu ni mararu u na si hambanisa u txi si ninga ani.

Levhi 19:4

Mi nga tshumeleleni ka sithombe, kambe mi nga ti maheleni sizimu sa tisimbi: Ani ngani Mkoma, Txizimu txanu!

Levhi 19:10

U nga lavetele asi sisalako amu ka thembwe yako ya mivhinya, msana ka kuva ku di elutwe, hambi kuroletela mauvha ale ma nga tshomoka. U fanete u txi leka misalela ka sisiwana ni ka valuveli! Ani ngani Mkoma, Txizimu txako!

Joxuwa 24:19

Sekoko Joxuwa a to khene ka vathu: “Kha mi na mbi sikota kuthumela Mkoma, nguko ene i Txizimu txo Sawuleka, Txizimu txo khatala, atxi txi no mbi sikota kutimisela ngu kueyisa kwanu ni sionho sanu.

1 Samuwele 2:2

Kha ku na wo sawuleka kufana ni Mkoma; nguko kuwalo mmwani hahanze kwako; kha ku na dirigwi ni da dimwedo do fana ni Txizimu txathu.