Awule a no gwesa m'thu wo dawa ngu ditxhari txitingani, hambi wa kufa ngu mafelo akwe, mwendo marambu a vathu hambi dithitha; eyo m'thu a na va a sa sawuleka mtxhanu wa masiku ni mambidi.
Awule a dyako nyama ya txona txiharitxo txo fa, a na kuwula syambalo sakwe, e maneka a txi yila ka dotshe ditshikudo; ni wule a rwalako txirumbi txa kona a na kuwula syambalo sakwe, e yila ka dotshe ditshikudo.
Ni wammweyo wa lihunzu la Aroni, a nga tshapelwa ngu tshekela mwendo a nga mana txikanzameti, kha na kudya simaha so sawuleka na a sanzi ku ti basisa. Ngu toneto, kambe ti mahekako ka wule a gwesako txirumbi, mwendo awule mnoha wa liveleko wu nga huma,
Mphaxeli a na maha mningelo wa mhamba ngu txionho, ngu txinyana tximwetxo, e maha mningelo wo hiswa ngu tximwani txinyana, se mphaxeli a na maha mhamba yo kuwula txionho masoni ka Mkoma, ya mtungu wu a ngadi nawo.
Se awule a nga heleketa mabhongwe (i ku mabhongwe wo tsiveta), a na kuwula syambalo sakwe, e samba mmidi wakwe matini, se ngu kona a no wulela wugoveloni.
Ngako mmwani m'thu wa ka Israyeli mwendo mluveli wu a nga aka kwawe, a txi dya nyama ya txihari txo fa, hambi txo dawa ngu tximwani txihari txa txitinga, a na va a txi kuwula syambalo sakwe, e samba ngu mati, se a txi zumba a sa basa kala minova; ngu msana a na va a di basile.
Sekoko mphaxeli a di gwitile, a na kuwula syambalo sakwe, e samba mmidi wakwe amu ka mati; se e wulela wugoveloni, a na zumba a txi yila, kala ni minova.
Sekoko ani ni to khani: O! Mkoma Txizimu! Moya wangu kha wa bihiswa, nguko kha ni zivi ku nga dya txokari txa kufa, mwendo txo phatulelwa, kukhukhela wujahani kwangu kala kuwa, hambi nyama yo nyenyeza kha ya wulela mkanani kwangu.