Levhi 11:33 - Bhiblia Yo Sawuleka

³³ Ngako tximwetxo txa sona sihariso txi txi wela mu ka txiya txa mraka, txi di fite, txiya txonetxo txifanete kufaywa, ni txile txi manekako mndani ka txona txi na va txi txi yila.

Levhi 11:33 Referans Kwoze

Levhi 15:12

Tikhadi ta mraka ati ene a nga ti gwesa, ti na faywe, ani simaha sa mapulango si na guvwe si kuwulwa ngu mati.

Levhi 6:28

Se khadi yile yo wumbwa yi na bhikelwa ka yona nyama; aniko ngako yi txi bhikelwa ka khadi ya koporo, yi na guvwa, ni kukuwulwa amu ka mati.

Vafilipiya 3:21

Ene a na phindula mmidi wathu wa wusiwana, a txi wu maha wu txi fanana ni mmidi wakwe wa wudhumo, a txi wu ninga mtamo wo fana ni wule ene a fumako ngu wona sotshe simaha.

Jeremiya 48:38

Txitimwi ka totshe tinyumba ta Mowabhi ni mu ka tinzila takwe ta hombe ku na vaho tihuwa ta hombe; nguko ni fayile Mowabhi nga fuko ya kwa mbi tsakisa, kuwomba Mkoma.

Levhi 14:45

Se yotshe nyumba yi na khundumuswa; marigwi, mapulango ni mafu o kopola ngu ona si txi tshotshwa ha ditalani, hahanze ka didhoropa.

Levhi 11:35

Se ni txihi txiya txi txi welako txitimwi ka txirumbi txa sihariso, txi na va txi txi yila; txikho ni khadi, si na fayetelwe; sa yila; ngu toneto eso sa yila kwanu.

Levhi 11:34

Ngako mati ma ku mu ka txona txiyetxo me maneka ma txi thelwa txitimwi ka sakudya so mbi yiliswa, sa yila ni sona.

Levhi 6:21

Si na kanyangelwa ni mtona; amu ka dipani; se sitxuwu so bhikwa sa mningelo, u na maha ngu sona miningelo wo bhumula ka Mkoma.

Levhi 13:52

Txi fanete txi hiswa, hambi i di txyambalo, nguwo, mwendo disokiso do mahwa ngu matoya, hambi ni txihi tximaha txa didhowo, atxile txibawa txi nga woneka ka txona, i tshekela yo sotela.

Mitengo 19:15

Kambe sotshe siya si si nga mbi fenengetwa, si kuwalo sifenengeto so sungelelwa, kha sa sawuleka.