Levhi 11:32 - Bhiblia Yo Sawuleka

³² Ni sotshe siya sile siwako txitimwi ka sona, ngako si txi fa, mwendo siya sa mapulango, syambalo, madhowo, masaka, hambi ni sihi si m'thu asi thumisako, ka wuhi ni wuhi mthumo wu a wu mahako, si yilite. Si na betwe matini si kuwulwa, ni kuzumba si txi yila dotshe ditshiku. Se ngu msana si na maneka si di basile.

Levhi 11:32 Referans Kwoze

Levhi 15:12

Tikhadi ta mraka ati ene a nga ti gwesa, ti na faywe, ani simaha sa mapulango si na guvwe si kuwulwa ngu mati.

Titosi 3:5

i si nga ngu mhaka ya mithumo yathu ya yinene hi nga yi maha, aniko ngu mhaka ya wumbilu wa txona hi sambisilwe hi phindulwa hi txi maha vavaphya ngu mtamo wa Moya wo Sawuleka,

Titosi 2:14

Ene a ti ningete ngu mhaka yathu, kufela ku hi tirula ka wotshe wubihi, kasiku ene e ti basisela ngamu yi yi no va i di yakwe, ayi yi khutalako amu ka mithumo ya yinene.

Levhi 6:28

Se khadi yile yo wumbwa yi na bhikelwa ka yona nyama; aniko ngako yi txi bhikelwa ka khadi ya koporo, yi na guvwa, ni kukuwulwa amu ka mati.

Levhi 11:31

Ngu soneso tito, so yila kwanu hagari ka sihari si si kasako.

Levhi 14:46

Se awule a wulelako ka nyumba yi yi nga sekwa mndani ka masiku a kona, a na va a txi yila dotshe ditshiku dile, kala ni minova.

Levhi 15:15

Mphaxeli a na maha mningelo wa mhamba ngu txionho, ngu txinyana tximwetxo, e maha mningelo wo hiswa ngu tximwani txinyana, se mphaxeli a na maha mhamba yo kuwula txionho masoni ka Mkoma, ya mtungu wu a ngadi nawo.

Levhi 16:26

Se awule a nga heleketa mabhongwe (i ku mabhongwe wo tsiveta), a na kuwula syambalo sakwe, e samba mmidi wakwe matini, se ngu kona a no wulela wugoveloni.

Levhi 17:15

Ngako mmwani m'thu wa ka Israyeli mwendo mluveli wu a nga aka kwawe, a txi dya nyama ya txihari txo fa, hambi txo dawa ngu tximwani txihari txa txitinga, a na va a txi kuwula syambalo sakwe, e samba ngu mati, se a txi zumba a sa basa kala minova; ngu msana a na va a di basile.

Levhi 22:6

Awule a nga gwesa simaha siya, a fanete e zumba a txi yila kala ni minova, asi dyi sile so katekiswa, kala kuza e samba mmidi ngu mati.

Mitengo 19:7

Sekoko mphaxeli a di gwitile, a na kuwula syambalo sakwe, e samba mmidi wakwe amu ka mati; se e wulela wugoveloni, a na zumba a txi yila, kala ni minova.

Mitengo 19:15

Kambe sotshe siya si si nga mbi fenengetwa, si kuwalo sifenengeto so sungelelwa, kha sa sawuleka.