Levhi 11:3 - Bhiblia Yo Sawuleka

³ Sotshe si si ku ni txitsendo txo bhandiswa si txi maha simbidi; asiya msana ka kuva si ti dyite, si nyengako, eso mi nga sikota kusidya.

Levhi 11:3 Referans Kwoze

2 Vakorinto 6:17

Ngu toneto, “humani hagari kwawe, mi txi hambana navo. Mi nga gweseni txilo txo mbi basa, se ani ni na mi amukela, kuwomba Mkoma,”

1 Timoti 4:15

Atiya ngu tona u fanelako ku ti veketa hakhana. Atiya ngu tona u fanelako kutsanisela ka tona. U txi hanyisa tiya, kukula kwako ka mithumo ya yinene ku na tikomba ka votshe.

Mithumo 17:11

Vona va ti ni mialakanyo ya yinene kupinda ya Vatesalonika. Va amukete dipswi ngu yotshe mbilu. Ditshiku ni ditshiku va ti gonda dibhuku, kasi kuwonisisa ditshuri da totshe timhaka.

Mavingu 9:6

Hi nga lekani vale vo mbi pfisisa, mi na hanya, kambe tsimbilani ngu nzila ya kupfisisa.

Mavingu 2:10

Nguko wutxhari wu na wulela mbiluni kwako, ni wuzivi wu na va wa wunene amu ka dihika dako.

Levhi 11:2

Gelani vanana va ka Israyeli, mi txi khanu: Ka sotshe sihari si si kuho ha mafuni, asi mi fanelako kudya ngu siya:

Levhi 11:4

Ngu mhaka yeto, mi nga dyeni asiya: Hambi si txi nyenga, mwendo kuva ni txitsendo txo mbi bhandiswa: Dikamelu, nguko dona da nyenga kambe txitsendo txa dona kha txa bhandiswa; mi fanete kuziva ti to da yila;

Levhi 11:5

mnvunza wa matune wu nyengako, aniko kha wu nga ni txitsendo txo bhandiswa, wa yila kwanu;

Levhi 11:6

mnvunza wa makati, wa nyenga, aniko kha wu nga ni txitsendo txo bhandiswa; ti ziveni ti to wa yila;

Levhi 11:7

khumba, yi ku ni txitsendo txo bhandiswa, si maha sitsendo simbidi aniko kha yi nyengi; ti pimeni ti to ya yila;

Levhi 11:26

Awule a gwesako ni txihi txihari txo mbi na txitsendo mbi so bhandiswa si maha simbidi, mwendo txo mbi nyenga, hambi a na va a txi yila.

Dhewuteronome 14:6

Mi na dya sotshe sihari, sile si ku ni sitsendo so bhandwa, si txi maha sitsendo simbidi, i ku sihari si si nyengako.

Dhewuteronome 14:8

Hambi khumba, hambiko yi ku ni sitsendo so bhandwa, aniko kha yi nyengi; yona ya yila kwanu; mi nga dyeni nyama ya sona, hambi kugwesa sirumbi sa sona.