Levhi 11:25 - Bhiblia Yo Sawuleka

²⁵ Awule a rwalako txirumbi txa sihari soneso, a fanete kukuwula syambalo sakwe, e zumba a txi yila, dotshe ditshiku.

Levhi 11:25 Referans Kwoze

Mitengo 31:24

Kambe mi na kuwula syambalo sanu ngu ditshiku da wutxhanu ni mambidi, kasi ku mi txi na basa; se msana keto mi na wulela dizumboni.

Levhi 15:5

Awule a gwesako ahale ene a nga otela kona, a na kuwula syambalo sakwe, e samba mmidi wakwe, se e zumba a txi yila ka dotshe ditshiku donedo.

Levhi 14:8

Se awule a basiswako, a na kuwula syambalo sakwe, e kuyulwa yotshe misisi yakwe, e samba ngu mati; a na va a di basile, ngu msana, a na wulela wugoveloni, aniko a na zumba hahanze ka ditenda dakwe, mtxhanu wa masiku ni mambidi.

Levhi 11:40

Awule a dyako nyama ya txona txiharitxo txo fa, a na kuwula syambalo sakwe, e maneka a txi yila ka dotshe ditshikudo; ni wule a rwalako txirumbi txa kona a na kuwula syambalo sakwe, e yila ka dotshe ditshikudo.

Mitengo 19:10

Awule a nga ola dikhuma da homu, a na kuwula syambalo sakwe e zumba a txi yila kala ni minova. Atxiya, njileleto txo pinduka hagari ka vanana va ka Israyeli, ni ka mluveli wu a ku hagari kwawe.

Levhi 16:28

Awule a nga ya si hisa, a na kuwula syambalo sakwe, e samba mmidi ngu mati, se ngu kona a no wulela wugoveloni.

Mtuletelo 7:14

Ani ni to angula ni txi khani: “Mkoma wangu, awe ngawe u ti zivako.” Se ene a ti khene: “Avava, ngu va va tako ngu kuxanisekani ka hombe; va nga kuwula syambalo sawe, ve si basisa ngu mnoha wa Txinvutana.

1 Johani 1:7

Aniko, ngako hi txi tsimbilela liwoningoni, nga txona txi ku liwoningoni, hi vamwevo ngu txathu, se mnoha wa Jesu, Mwanana wa txona wa hi basisa ka sotshe sionho.

1 Pedro 3:21

Mati awa, i ti txidinganiso txa txibhabhatiso, atxi konkuwa, se txi mi hanyisako, i si nga ngu kukuwulwa ka nzambwa ya mmidi, aniko ngu kuxolwa ka livhalo ngu Txizimu, ni kuwuka ka Jesu Kristu,

Vahebheru 10:22

Ngu toneto, ahi tshuketeleni hi di ni mbilu yo lulama, na hi di tate ngu likholo, hi di ni mbilu yi yi nga basiswa ka wotshe wubihi wa livhalo, ni mmidi wo kuwulwa ngu mati o basa.

Vahebheru 9:10

Nguko, va phaxa ngu sakudya ni sakusela ni ku ti sambisa ka tinzila to tala dwe. Asiya nziheno sa vathu si nga thuma kala ditshiku da kuhindulwa ka sotshe.

Mithumo 22:16

U ngadi u txi kana-kana ngu txani kani? Kuluveta! Amukela txibhabhatiso ni divalelo ya sionho sako ngu kukhozela ditinani kwakwe.’ ”

Johani 13:8

Kambe Pedro a to khene: “Ani txima khu na mbi ni sambisa mikondo.” Konaho Jesu a to khene: “Ngako ni si ku sambisi mikondo, khu sikoti kuva ni txyavelo ni nani.”

Zakariya 13:1

Ka ditshiku dile, ku nava txisima txo lumba nyumba ya ka Dhavhidha, ni vahanyi va Jerusalema, kasi kukuwula txionho, ni kwa mbi sawuleka.

Masalmo 51:7

Ni basise ngu hisope txionho txangu kasiku ni na basa; ni kuwule kasiku ni na basa ngutu kupinda hunguva.

Masalmo 51:2

Ni kuwule ka wotshe wubihi wangu; u txi ni basisa ka sotshe sionho sangu.

Mitengo 19:19

Se m'thu wu a nga basa, a na xwayela ka wu a nga mbi basa ngu ditshiku da wuraru, ni ditshiku da wutxhanu ni mambidi a txi msawulekisa; kambe a na kuwula syambalo sakwe, e samba amu ka mati, ni minova ya kona e ti basile.

Mitengo 19:8

Ni ene ni wule a nga hisa homu, nene a na kuwula syambalo sakwe, e samba mmidi ngu mati, ngu msana a na zumba a txi yila kala ni minova.

Levhi 15:13

Ngako m'thu wule a nga ti ni mtungu wu wu nga mu yilisa, wu txi maneka wu di hote, a fanete e bala mtxhanu wa masiku ni mambidi msana ka kubasiswa kwakwe. Se a na va a txi kuwula syambalo sakwe, e samba mmidi wakwe ngu mati o basa, se a na va a di basile.

Levhi 14:47

Kambe awule a otelako ka yona, mwendo wule a dyako sakudya a di mndani ka yona, a na va a txi kuwula syambalo sakwe.

Levhi 11:28

Ni wule a rwalako txirumbi txa sona a fanete kukuwula syambalo sakwe ni kuzumba a txi yila ka dotshe ditshiku dile. Asiya nzimaha so yila kwanu.

Eksodha 19:14

Sekoko Mosi a to txhika ngu mmangoni, a txi ya sawulekisa vathu; ene a va basisile, kambe va kuwute syambalo sawe.

Eksodha 19:10

Mkoma a to khene kambe ka Mosi: “Tsula u txi ya sawulekisa vathu nyamsi ni mangwana, va txi kuwula syambalo sawe,

Levhi 11:24

Awule a gwesako txirumbi txa sona sihari sile si nga wombwa ti to sa yila, a na va a txi yila ka dotshe ditshiku donedo.

Levhi 11:26

Awule a gwesako ni txihi txihari txo mbi na txitsendo mbi so bhandiswa si maha simbidi, mwendo txo mbi nyenga, hambi a na va a txi yila.

Levhi 13:6

Ka ditshiku da wutxhanu ni mambidi, a na engeta e mu wonisisa. Se ngako a txi wona ti to dithanzi kha da endeleka, kambe kha di bhilivili, mphaxeli a na mu wombe ti to a basile. Ta komba ti to mbuhalala dwe; mlwati a na kuwula syambalo sakwe, se a na va a di basile.

Levhi 16:26

Se awule a nga heleketa mabhongwe (i ku mabhongwe wo tsiveta), a na kuwula syambalo sakwe, e samba mmidi wakwe matini, se ngu kona a no wulela wugoveloni.

Levhi 14:46

Se awule a wulelako ka nyumba yi yi nga sekwa mndani ka masiku a kona, a na va a txi yila dotshe ditshiku dile, kala ni minova.

Levhi 15:15

Mphaxeli a na maha mningelo wa mhamba ngu txionho, ngu txinyana tximwetxo, e maha mningelo wo hiswa ngu tximwani txinyana, se mphaxeli a na maha mhamba yo kuwula txionho masoni ka Mkoma, ya mtungu wu a ngadi nawo.

Levhi 17:15

Ngako mmwani m'thu wa ka Israyeli mwendo mluveli wu a nga aka kwawe, a txi dya nyama ya txihari txo fa, hambi txo dawa ngu tximwani txihari txa txitinga, a na va a txi kuwula syambalo sakwe, e samba ngu mati, se a txi zumba a sa basa kala minova; ngu msana a na va a di basile.

Levhi 22:6

Awule a nga gwesa simaha siya, a fanete e zumba a txi yila kala ni minova, asi dyi sile so katekiswa, kala kuza e samba mmidi ngu mati.

Mitengo 19:7

Sekoko mphaxeli a di gwitile, a na kuwula syambalo sakwe, e samba mmidi wakwe amu ka mati; se e wulela wugoveloni, a na zumba a txi yila, kala ni minova.