Levhi 11:24 - Bhiblia Yo Sawuleka

²⁴ Awule a gwesako txirumbi txa sona sihari sile si nga wombwa ti to sa yila, a na va a txi yila ka dotshe ditshiku donedo.

Levhi 11:24 Referans Kwoze

1 Johani 1:7

Aniko, ngako hi txi tsimbilela liwoningoni, nga txona txi ku liwoningoni, hi vamwevo ngu txathu, se mnoha wa Jesu, Mwanana wa txona wa hi basisa ka sotshe sionho.

Vahebheru 9:26

Idiku a to mahisa toneto Kristu a ndi na fanekela kuxaniseka sikhati sasingi kukhukhela makhatoni ka kuvangwa ditiko; aniko a humelete kumweko dwe, kuhetisekani ka timbimo, a ta fuvisa txionho ngu mhamba ya mmidi wakwe wupune.

Vakolosa 2:20

Ngako mi di fite kumweko ni Kristu, mi maneka mi di ponisilwe ka sa ditikoni muwa, nji txani mi tumela kusungwa ngu milayo ya dona nga mo va va ditiko diya?

Vaefesu 5:11

Mi nga wuleleni amu ka mithumo ya txidema, ayi yi si ningiko mihando, kambe yi vayileleni masoni ka votshe vathu.

2 Vakorinto 6:17

Ngu toneto, “humani hagari kwawe, mi txi hambana navo. Mi nga gweseni txilo txo mbi basa, se ani ni na mi amukela, kuwomba Mkoma,”

1 Vakorinto 15:33

Mi nga ti kanganyiseni: “Vangana vo biha va onhetela mikhuwo ya yinene.”

Isaya 22:14

Aniko Mkoma wa Mabutho a Tiyimbi, a wombile tinzeveni kwangu a txi khene: Ngu ditshuri, wubihi wuwa kha wu na mbi thaviswa, an'ze kuza mifa, kuwomba Mkoma, Txizimu txa Mabutho a Tiyimbi.

Levhi 11:31

Ngu soneso tito, so yila kwanu hagari ka sihari si si kasako.

Levhi 11:8

mi nga dyeni nyama ni ya txihi txihari txa sona sile, mi nga gweseni txirumbi txa sona. Zumbani mi ti pima ti to sa yila kwanu.

Levhi 11:23

Aniko simwani sitoto si tsimbilako ngu mune wa mikondo, sa yila kwanu.

Levhi 11:25

Awule a rwalako txirumbi txa sihari soneso, a fanete kukuwula syambalo sakwe, e zumba a txi yila, dotshe ditshiku.

Levhi 22:4

Ni wammweyo wa lihunzu la Aroni, a nga tshapelwa ngu tshekela mwendo a nga mana txikanzameti, kha na kudya simaha so sawuleka na a sanzi ku ti basisa. Ngu toneto, kambe ti mahekako ka wule a gwesako txirumbi, mwendo awule mnoha wa liveleko wu nga huma,

Levhi 5:2

mwendo ku ngako m'thu a txi gwesa txokari txa nzambwa, hambi asi ti zivi, kufana ni kugwesa txirumbi txa txihari txa nzambwa, txa txitinga mwendo txo fuywa, mwendo txo tsimbila ngu dibindi, i di txa nzambwa, eyo m'thu ana ni mnandu, mbwa nzambwa;

Levhi 7:21

Ni wule a manekako a di gwesile tximaha txo mbi lulama, mwendo m'thu, mwendo txihari, hambi ni txihi tximaha, mwendo kuva a di dyite nyama ya mhamba ya mpatano, ayi yi mahelwako Mkoma, a na tutumiswa ka va ka kwawe.

Levhi 14:46

Se awule a wulelako ka nyumba yi yi nga sekwa mndani ka masiku a kona, a na va a txi yila dotshe ditshiku dile, kala ni minova.

Levhi 15:5

Awule a gwesako ahale ene a nga otela kona, a na kuwula syambalo sakwe, e samba mmidi wakwe, se e zumba a txi yila ka dotshe ditshiku donedo.

Levhi 15:6

Awule a otelako ahale ene a nga ti otete kona, a na va a txi kuwula syambalo sakwe, e samba mmidi wakwe e maneka a txi yila ka dotshe ditshiku dile.

Levhi 15:7

Awule a gwesako m'thu wule a lwalako a na kuwula syambalo sakwe, e samba mmidi wakwe ni kumaneka a txi yila ka dotshe ditshiku dile.

Levhi 15:8

Ngako m'thu wule a lwalako a txi thurela wu a nga basa, awule a nga thurelwa a na kuwula syambalo sakwe, e samba mmidi wakwe ngu mati, ni kuva a txi yila ka dotshe ditshiku dile, kala ni minova ya kona.

Levhi 15:10

M'thu wuhi ni wuhi a gwesako tximaha txi txi nga khalahatshelwa ngu ngene, a na va a sa basa kala kuswa ka ditambo; ni wuhi a tekako tximahetxo, a fanela kukuwula syambalo sakwe, e samba mmidi, hambi keto, a na va a sa basa, kala kuswa ka ditambo.

Levhi 15:11

Awule a gweswako ngu m'thu wo lwala ngu txiputu, a sa samba manza, a fanete kukuwula syambalo sakwe e samba mmidi ni kumaneka a txi yila ka dotshe ditshiku dile.

Levhi 15:15

Mphaxeli a na maha mningelo wa mhamba ngu txionho, ngu txinyana tximwetxo, e maha mningelo wo hiswa ngu tximwani txinyana, se mphaxeli a na maha mhamba yo kuwula txionho masoni ka Mkoma, ya mtungu wu a ngadi nawo.

Levhi 15:21

Awule a gwesako ditaho dile ene a nga ti otete ka dona, a na kuwula syambalo sakwe ni kusamba mmidi wakwe e maneka a txi yila, ka dotshe ditshiku dile.

Levhi 15:22

Awule a no gwesa ni ka txihi tximaha txi ene a nga ti khalahatshile ka txona, a na kuwula syambalo sakwe ni kusamba mmidi wakwe ngu mati, a na maneka kambe a txi yila ka dotshe ditshiku dile.

Levhi 15:23

Ni ku ngako ku di vekilwe tximaha ha m'bhedhuni mwendo aha ka txikhalo txi a nga ti khalahatshile ka txona, m'thu e thuka e txi gwesa, m'thu wuwa a na va a sa basa, kala kuswa ka ditambo.

Levhi 15:27

Awule asi gwesako simaha soneso, a na va a sa basa; a na kuwula syambalo sakwe e samba mmidi; hambi keto a na va a sa basa, kala kuswa ka ditambo.

Levhi 16:26

Se awule a nga heleketa mabhongwe (i ku mabhongwe wo tsiveta), a na kuwula syambalo sakwe, e samba mmidi wakwe matini, se ngu kona a no wulela wugoveloni.

Levhi 16:28

Awule a nga ya si hisa, a na kuwula syambalo sakwe, e samba mmidi ngu mati, se ngu kona a no wulela wugoveloni.

Levhi 22:5

ka wule a gwesako txihari txo tsimbila ngu dibindi e maneka a di nyenyezisilwe, ka wule a gwesako m'thu wo mbi basa, e maneka a di totetwe nzambwa, hambi i di wuhi ni wuhi.

Levhi 22:6

Awule a nga gwesa simaha siya, a fanete e zumba a txi yila kala ni minova, asi dyi sile so katekiswa, kala kuza e samba mmidi ngu mati.

Mitengo 19:7

Sekoko mphaxeli a di gwitile, a na kuwula syambalo sakwe, e samba mmidi wakwe amu ka mati; se e wulela wugoveloni, a na zumba a txi yila, kala ni minova.