Levhi 11:1 - Bhiblia Yo Sawuleka

¹ Se Mkoma a wombile ka Mosi ni ka Aroni a txi khene:

Levhi 11:1 Referans Kwoze

Genesisi 7:2

Ka sotshe sihari so sawuleka, u na teka mtxhanu wa mipatwa ni yimbidi, matune ni mkati wa txihari ni txihari; ka sihari so mbi sawuleka, u na teka mpatwa wumwewo, matune ni mkati.

Genesisi 8:20

Nowa a to akela Txizimu txiluvelo, e teka sihari sokari ka sotshe so sawuleka, ni ka sotshe sinyana so sawuleka, a txi maha mningelo wo hiswa ha txiluveloni.

Levhi 10:20

Se Mosi ngako a di engisile ti to xamulo ya Aroni njayinene, a to tsaka.

Levhi 11:2

Gelani vanana va ka Israyeli, mi txi khanu: Ka sotshe sihari si si kuho ha mafuni, asi mi fanelako kudya ngu siya:

Levhi 20:25

Anu mi fanete kuziva kuhambanisa sihari so yila ni sihari so mbi yila, sinyana so yila ni so mbi yila; mi si ti nyenyezisi ngu sihari ni sinyana ni si si tsimbilako ngu dibindi, ha mafuni, asi ni nga mi gondisa ku si ziva, ni txi mi gela asi i ku so yila.

Genesisi 9:3

Sotshe si si tsimbilatsimbilako, si ku ni wutomi, si na va i di sakudya sanu, sotsheso na mi ninga, kufana ni ku ni nga mi ninga sotshe similwa si si hanyako.

Levhi 15:1

Mkoma a gete Mosi ni Aroni a txi khene:

Dhewuteronome 14:4

Sihari si mi fanelako kudya ngu siya: Homu, ni nvuta ni phongo,

Mithumo 10:14

Kambe Pedro a txi khene: “Txima kha ni na mbi dya, Mkoma! Nguko kukhukhela wutomini kwangu, kha ni dyi txilo txi txi yilako ni txi txi nga mbi basa.”

Vahebheru 13:9

Mi nga tumeleni kukanganyiswa ngu tigondo to mbi zivaneka. Nguko, ti ni lisima ngako mbilu yi txi tsaniswa ngu kateko kupinda sakudya, asi si si vhuniko txilo ka vale va namarelako ka sona.