Levhi 10:11 - Bhiblia Yo Sawuleka

¹¹ mi txi sikota kugondisa va ka Israyeli ti to ve vekisa milayo yi Mkoma a nga va ninga, ngu txisofu txa Mosi.

Levhi 10:11 Referans Kwoze

Matewu 28:20

mi txi va gondisa kuvekisa totshe tiya ni nga mi leleta tona. Se wonani, ni ni nanu yotshe mbimo, kala kugumani ka mafu.”

Malakiya 2:7

Nguko txisofu txa mphaxeli txi na xayisa wuzivi, se va na mana mlayo ka txisofu txakwe, nguko ene i Ngelozi ya Mkoma wa Mabutho a Tiyimbi.

Nehemiya 8:8

Se va to gonda dibhuku, ka Mlayo wa Txizimu, ngu ku junyatisa ni kutxhamusela, kasi ve kota kupfisisa ti ti gondwako.

Nehemiya 8:2

Se mphaxeli Ezra a to neha Mlayo masoni ka msengeletano, ka vavamna, ni vavasikati ni ka totshe titxhari ti ti no pfisisa mbimo yi di no gondwa, ngu ditshiku do khata da mtxima wa wutxhanu ni yimbidi.

Jeremiya 18:18

Sekoko va to kha vona: “Ngonani hi ta maha txikungo txo wukela Jeremiya; nguko vaphaxeli kha va na mbi tandeka ku hi ninga m'layo, hambi txhari ku hi ninga wusungukati, hambi vaprofeti ku hi ninga dipswi. Ngonani hi na ya muhika ngu tidimi tathu, hi si khataleli timhaka takwe.”

Dhewuteronome 24:8

Ti wonele ka mtungu wa tshekela, u txi engisa kwati, ni kumaha totshe tifanelo ti va no mi leleta tona.

1 Vatesalonika 4:2

Nguko ma yi ziva milayo yi hi nga mi ninga ngu ditina da Mkoma Jesu.

Mithumo 20:27

Nguko kha ni zivi kutshumelela msana, yihi ni yihi mbimo ti nga ti laveka kutxhumayela otshe mahungu a Txizimu.

Dhewuteronome 33:10

Va gondisile sileleto sako ka Jakobe, ni mlayo wako ka Israyeli; vona va wuyisile kubhumula ka dibaselo tithonvuni kwako, ni mningelo wo hiswa txitimwi ka txiluvelo txako.

Jeremiya 2:8

Vaphaxeli kha va nga wotisa, va txi kha vona: Ahani Mkoma kani? Ni vañoli va mlayo kha va nga ni ziva. Vathangeli va to ni tshuralela. Ni vaprofeti va profetile ngu Bhahali. Ve londeta sa kwa mbi vhuna txilo.

2 Makronika 30:22

Ezekhiya a to womba-womba ka votshe va ka levhi ava va ku ni wutxhari wa wunene wo ziva Mkoma; se vathu votshe ve busa mtxhanu wa masiku ni mambidi, va ningela mningelo wa kudikha va txi dhumisa Mkoma Txizimu txa vatate vawe.

2 Makronika 17:9

Ve rendeleka madhoropa otshe a va ka Judha, va txi gondisa vathu ani ditikoni da Judha va di ni dibhuku da Mlayo wa Mkoma.

Dhewuteronome 17:10

Se u na maha madingano ni kuruma ka dipswi di va no kuzivisa ka wukhalo wule wu no sawulwa ngu Mkoma; kambe u na khatalela kumaha totshe madingano ni ti va no ku gela.

Dhewuteronome 17:11

U na maha madingano ni txirumo txa mlayo wu va no ku gela, ni malamulelo ale va no ku gela; u nga leke dipswi di va no ku zivisa, uya txinene mwendo txibhabha.

2 Makronika 15:3

Ka mbimo yo lapha va ka Israyeli va hanyile va si na Txizimu txa ditshuri, ni vaphaxeli vo va gondisa ni mlayo.