Levhi 10:1 - Bhiblia Yo Sawuleka

¹ Nadhabhi ni Abhiyu, vanana va Aroni, mmwani ni mmwani a to teka txikadyana txakwe, e veka kona makala a mndilo, se ngu txitimwi ka ona e veka dibaselo, a txi ya ningela masoni ka Mkoma, ve leka mthetho wu Txizimu txi nga ti va ningile.

Levhi 10:1 Referans Kwoze

Mitengo 26:61

Kambe Nadhabhi ni Abhihu va to fa, mbimo yi a nga tisa mndilo wa hahanze ka Mkoma.

Levhi 16:12

Kambe a na teka txo hisa ka txona dibaselo, txo tala ni makala a mndilo, o huma ka txiluvelo txi txi ku masoni ka Mkoma, ni manza akwe ma di tate ngu dibaselo do kuywa, do bhumula, e di wuleta amu ka m'jiyo.

Dhewuteronome 12:32

U na xayisa totshe ti ni no kuruma; u nga engetele txilo, hambi kuhungula.

Mitengo 16:46

Se Mosi a to khene ka Aroni: Thavisa txiya txo hisela ka txona dibaselo, u hala mndilo wa ha ka txiluvelo, u txiya thela konemo dibaselo; u kuluveta u txiya ka msengeletano u ya maha mphaxo wo thavisa txionho, nguko Mkoma wata ni mtungu, a henyile ngutu, se wu khatile.

Eksodha 24:1

Msana keto, a to khene ka Mosi: “Kwela u txi ya ka Mkoma, awe ni Aroni, ni Nadhabhi, ni Abhiyu, ni mtxhanu wa magumi ni mambidi a madhota a ka Isareli; se mi na khizama mi di kule.

Eksodha 6:23

Aroni a tekanile ni Elixeba, mwanana wa Aminadhabhe, ndiya ya Nasoni, awu a nga veleka nayo Nadhabhi, Abhiyu, Eleyazari ni Itamari.

Masalmo 141:2

Mkombelo wangu wu na fane ni dibaselo di di hiswako masoni kwako ni kuguletwa ka manza angu ku na fane ni mhamba ya minova.

Levhi 22:9

Vaphaxeli va na vekisa sirumo sangu, va si maheteli sionho, ve maneka va txi nyenyezisa sakudya sangu, se va txi dawa ngu kuva va di ndakile milayo. Ani ngani Mkoma, awu a va sawulekisako.

Eksodha 28:1

U na dhana mwananu Aroni ni vanana vakwe, va ku hagari ka vanana va ka Israyeli, va txi ta hafuhi kwako, ve ta ni thumela amu ka wuphaxeli, i ku vava: Aroni ni vanana vakwe, Nadhabhi, Abhiyu, Eleyazari, ni Itamari.

Eksodha 24:9

Mosi, ni Aroni, ni Nadhabhi, ni Abhiyu, ni madhota a mtxhanu wa magumi ni magumi mambidi va to kwela va txi ya mmangoni,

Levhi 16:1

Se Mkoma a to womba-womba ka Mosi, msana ka kuva va di fite vanana vambidi va Aroni, mbimo yi va nga tshuketa masoni ka Mkoma, va txi fa.

Levhi 9:24

Ngu masoni ka Mkoma, ku to huma mndilo wu wu nga hisa mningelo wo hiswa, ni mafura awa ma nga ti ngu txitimwi ka txiluvelo. Mbimo yi vathu va nga ti wona totshe tiya, va to kwangula ngu kutsaka va txi ti wisa hahatshi, ngu tikhohe tawe.

Eksodha 27:3

U na maha kambe simbiyana so na ola ngu sona dikhuma, mafoxola, mabhaziya, tifoloko ni sikho, sotshe simaheso u na si maha ngu koporo.

Vahebheru 9:4

Amuwa ku nga ti ni digandelo do mahwa ngu nzalama, do hisela kona dibaselo, ni dibhokiso da txitumelelano, wa kukopolwa wotshe ngu nzalama, mtundu wu wu ti ni txikadyana txa nzalama, txi nga ti ni manna, ni ndonga ya Aroni, yi yi nga ti mite mazokoro, ni sileti sa simbidi sa txitumelelano.

Jeremiya 44:15

Sekoko va to mu xamula Jeremiya votshe vavamna vale va nga ti tiziva ti to vasikati vawe va hisela dibaselo sizimu sa walo, ni dotshe dibutho da hombe da vavasikati vale va nga ti emile, kumweko ni votshe vathu vale va nga ti ti zumba Patrosi ditikoni ka Egipta, va txi kha vona:

Jeremiya 44:8

Mi txi ni henyisa ngu mithumo ya manza anu, mi txi hisela miphaxo sizimu sa walo ditikoni ka Egipta, eyo mi nga wulela kuya luvela kona, kasi ku anu mi txi ti lovisa, ni ku mi va txiruko ni kutseketselwa hagari ka matiko otshe ha mafuni kani?

Jeremiya 32:35

Bhahali va mu akete makhalo o guleka, mkovani ka mwana Hinomi, ve hisela Moloke vanana vawe, va txiwamna ni va txisikati; eto ni nga mba va ruma tona, hambi kumaneka mapimoni kwangu ti taku, va maha manyala awe, ve maha ti to Judha a txi onha.

Jeremiya 19:5

va akete Bhahali makhalo o guleka, kuva va txi na hisela kona vanana vawe ngu mndilo kota miphaxo yo hiswa ya Bhahali; ati ni nga mbi va laya, hambi ku va gela, mwendo ku ti alakanya.

Jeremiya 7:31

Makhalo o guleka a Tofeti va ma akile mkovani ka mwanana wa Hinomi, kasi ve hisela kona vafana ni mahorana awe ngu mndilo; eto ni nga mba laya, ni kualakanya.

Dhewuteronome 17:3

e thumela simwani sizimu, ni kukhizama masoni ka sona, masoni ka ditambo, ni ka mtxima, mwendo ka dotshe dibutho da nzumani, ati ani ni nga mbi leleta;

Dhewuteronome 4:2

Mi nga engeteleni txilo ka ti ani ni mi leletako tona, kambe mi nga hunguleni txilo ka tona. Vekisani sirumo sa Mkoma, Txizimu txanu, ku nga tonti ani ni mi leletisako tona.

Eksodha 40:27

se a to hisa ngu txitimwi dibaselo do bhumula, nga tonti Mkoma a nga leletisa tona ka Mosi.

Eksodha 38:3

A to maha sotshe simaha sa txiluvelo, simaha so theletela dikhuma, mafoxola, mikamba ni so thavisa makala ngu sona; sotshe simaha siya i ti so mahwa ngu koporo.

Eksodha 37:29

A mahile kambe mtona wa kutota ko sawuleka ni txingema txo bhumula, so mahwa ngu wutxhari.

Eksodha 31:11

mafura o tota ni dibaselo do bhumula da wukhalo wo sawuleka. Va na maha yotshe mithetho nga tonti ni nga kuleletelisa tona.”

1 Vafumeli 18:38

Sekoko wu to wa mndilo ngu ka Mkoma, wu tshokomisa mningelo ni tikhuni, marigwi ni lithulu, wu tshumela wu txi danzela ni mati a mule ka msele.

Eksodha 8:27

Hi leke hi tsula, hi txi tsimbila mnava wa masiku mararu txiwulani, ngu kona hi no ya phaxa Mkoma, nga ti ene a nga hi gelisa tona.”

Mitengo 4:18

“Wonani tito, ka nyumba ya lihunzu la ka Kohate, mi nga dhuke mi yi humisa amu ka lihunzu la ka Levhi.