Levhi 1:9 - Bhiblia Yo Sawuleka

⁹ Kambe va fanete kukuwula masembe ni maswondo a kona; se mphaxeli a na hisa sotshe siya ha txiluveloni; i mhamba yo hiswa, ya kubhumula ko tsakisa Mkoma.

Levhi 1:9 Referans Kwoze

Genesisi 8:21

Se Mkoma a to hefemula, a txi pfa kubhumula, a txi khene kha Mkoma mbiluni kwakwe: “Ani kha ni na mbi ngadi ni ruketela ditiko ngu mhaka ya m'thu, nguko mipimiso ya mbilu ya m'thu njo biha, kukhukhela wananani kwakwe; kha ni na mbi ngadi ni daya kambe sotshe sivangwa si si hanyako, kufana ni ti ni nga ti maha.

Levhi 1:13

Kambe ku na kuwulwa masembe ni maswondo, se ngu msana mphaxeli a na maha mningelo ngu sotsheso, ngu ku si hisa ha txiluveloni. I mhamba yo hiswa, mningelo wu fanelako kuhiswa, kasi kutsakisa Mkoma, ngu kubhumula ka wona.

Vaefesu 5:2

Se tsimbilani ngu lirando, kufana ni Kristu, na nanu vanani ni lirando, nguko Ene a mi randile. Ene a ti ningete apune ngu kota yathu, a txi ti maha gandelo ni mhamba yo bhumula ya kutsakisa Txizimu.

2 Vakorinto 2:15

Nguko, athu hi kubhumula ka kunene ka Kristu masoni ka Txizimu, kubhumula ku ku hangalakako hagari ka vale va hanyiswako ni ka vale va lovako.

Ezekhiyele 20:41

Ni na tsakiswa ngu kubhumula ka miphaxo yanu, mbimo yi ni no mi thavisa hagari ka vathu, ni txi mi wuyisa ngu ka matiko ale mi nga hangalaka ka ona, se ni na sawulekiswa ngu nganu, masoni ka matiko.

Levhi 3:11

Se mphaxeli a na si hisa sotshe ha txiluveloni; nzakudya sa mningelo wo hiswa ka Mkoma.

Eksodha 29:18

Ngu toneto, u na hisa hamba yotshe ha txiluveloni; mningelo wa kuhiswa wo lumba Mkoma, wo bhumula, mningelo wuwa mbwo mahela Mkoma.

Vafilipiya 4:18

Ngu toneto, sotshe ni naso, so tala si sala. Ni taletwe ngu ku ni nga amukela manzani ka Epafrodhito asi mi nga ni rumela, matolo o bhumula ta tinene, mhamba yo amukeleka ni kutsakisa Txizimu.

Ezekhiyele 20:28

Nguko a kule ni nga ti ti va wuleta ka ditiko dile ni nga guleta dianza, kasi kuvaninga, vona va to wonetela ka sotshe simangwana, ni ka yotshe mindonga yo txhuma, kambe va ningete koneho miphaxo yawe, ve kombisa kona hale ku ni henyisa kwawe ngu miningelo yawe, va txi veketela ni sa kubhumula, se va txi ningela miningelo ya sa kusela.

Jeremiya 4:14

“Jerusalema, kuwula mbilu yako kubihani, kasi ku u na hanyiswa; Maalakanyo ako o biha ma na zumba ni nawe kala yihi mbimo kani?

Masalmo 66:15

Ni na hisa txiluveloni kwako sihari so nona; ni na ku luva ngu tihamba, marole ni tiphongo.

Masalmo 51:6

Wona taku u dhunda ditshuri mbiluni; ni gondise kuziva wutxhari mbiluni.

Levhi 9:14

Msana ka kuva a di kuwute masembe ni maswondo, a to si hisa ni sona ha txiluveloni, kumweko ni mhamba yo hiswa.

Levhi 8:21

Kambe msana ka kuva a di kuwute masembe ni maswondo, ngu konaho, Mosi a to si hisa ha txiluveloni, kumweko ni nyama yotshe ya hamba. Ayiya i mhamba yo hiswa yo bhumula, mhamba yo dhumisa Mkoma, nga ti Mkoma a nga leletisa tona ka Mosi.

Levhi 1:17

txinyana txiya, a na txi bhanda ngu hagari ka mabhapi, aniko asi txi tshaputi; se mphaxeli a na txi hisa txiluveloni, txitimwi ka tikhuni ti ti ku ha mndiloni; i mhamba yo hiswa, mningelo wo fanela kuhiswa, wa kubhumula ko tsakisa Mkoma.

Eksodha 29:25

Se u na si teka manzani kwawe, u txi si hisa ha txiluveloni, ngu txitimwi ka mningelo wo hiswa wo mahela Mkoma.

Zakariya 13:7

Awe ditxhari khukha u lwa ni m'dyisi, lwana ni wamwamna wule i ku mngana wangu, kuwomba Mkoma wa Mabutho a Tiyimbi; peka m'dyisi, se ti na hangalaka tinvuta; aniko ni na nawuluta dianza dangu, ni peka vale vavadotho.

Eksodha 12:9

Mi nga dyeni ni txa tximwetxo txa tximbisu, hambi txo bhikwa ngu mati, aniko mi na dya so bawulwa ha mndiloni: Msungo ni masondo ni sa mndani.

Levhi 4:31

Se a na thavisa otshe mafura, nga ti ti nga rumiswa tona madingano ni mhamba ya mpatano, se a na ma hisa ha txiluveloni, ma txi maha mhamba yo bhumula ka Mkoma. Mphaxeli a na maha mhamba yo divalela, se m'thu eneyo a na divalelwa txionho txakwe.

Mitengo 15:3

mi humisa mningelo ka Mkoma, mphaxo wo hiswa, mwendo mhamba yo tatisa txixambanyo, mwendo ku ngava mningelo wa kuranda kwanu, ngu mixuvo yo lava kuningela ka Mkoma mningelo wo bhumula, ngu tinvuta, mwendo tihomu ta mikati;

Mitengo 28:11

Se makhatoni ka mtxima ni mtxima, mi na ningela ka Mkoma mphaxo wa kuhiswa, wa marole mambidi, ni hamba, kumweko ni mtxhanu wa sinvutana ni simbidi sa dilembe dimwedo, sa kwa mbi na sibawa.

Dhewuteronome 12:27

U na maha miningelo yako yo hiswa, nyama ni mnoha, ha txiluveloni ka Mkoma, Txizimu txako; mnoha wa timhamba tako wu na thelwa ha txiluveloni ka Mkoma, Txizimu txako, kambe u na dya nyama ya kona.

Levhi 2:2

A na wu teka e wu yisa ka vaphaxeli, vanana va Aroni, aha mmweyo wawe a no wela dianza di txi tala ngu mpupu wonewo, wu ku ni mtona ni dibaselo, a txi si hisa ha txiluveloni, si txi va i di txialakanyiso. I mhamba yo hiswa, mningelo wu fanelako kuhiswa kasi kudhumisa Mkoma, ni ku mtsakisa ngu kubhumula ka wona.

Levhi 2:9

Se mphaxeli a na hungula ka wona didhawa di i ku da txialakanyiso, kasi ku e wu hisa aha ka txiluvelo. I mhamba yo hiswa, mningelo wu fanelako kuhiswa kasi kudhumisa Mkoma, ni ku mtsakisa ngu kubhumula ka wona.

Levhi 2:16

Ngu kumaha keto, mphaxeli a na hisa txialakanyiso ngu tindoho takwe to sinzwa, ni mtona, ni dotshe dibaselo da kona; ewo mningelo, wo hiswa ka Mkoma.

Levhi 3:5

Se vanana va Aroni, va na si hisa sothseso ha txiluveloni, kumweko ni mningelo wo hiswa, wu wu no hiswa txitimwi ka tikhuni. Awu mningelo wu na hiswa kasi kudhumisa Mkoma, yi txi maha mhamba ya ku mtshakisa.

Levhi 6:14

Mlayo wa mningelo wa sakudya ngu wuwa: Wu na ningelwa ngu mmweyo wa vanana va Aroni ka Mkoma, masoni ka txiluvelo.

Levhi 8:28

Msana keto, Mosi a to teka ngu manza akwe, a txi si hisa ha txiluveloni, txitimwi ka mningelo wa mhamba yo hiswa. I mhamba yo katekisa ayi yi nga mahelwa kudhumisa Mkoma, yo bhumula, yo tsakisa kunavela kwakwe.

Mitengo 28:7

Mningelo wa sa kusela wu na va wa mpimo wa wumune wa hini, wa txinvutana txo khata: Vhinya ya yinene yi na thelwa kasi kuninga Mkoma ha wukhaloni ko sawuleka.

Mitengo 28:8

Ni minova u na ningela tximwani txinvutana; atxi txi no ningelwa kumweko ni mningelo wa sakudya ni mixo, ni sa kusela, wu na va mningelo wa kuhiswa, wo bhumula, ka Mkoma.

1 Makronika 6:34

mwana Elikana, mwana Jerowami, mwana Eliyeli, mwana Towa,

2 Makronika 4:6

A to maha kambe digumi da mikawu, mtxhanu e yi veka txinene, mtxhanu e yi veka txibhabha, kasi kuve kuwula ka yona asi si ngati lumba mningelo wo hiswa; kasi vaphaxeli va ti ti samba ngu mati amu ka linene la silivhele yo nyivilikiswa.

Ezekhiyele 40:38

Nyumba ya kona ni txike txo wulela ngu txona, si ti ti hafuhi ni tisika ta mihubhe, yile va nga txi kuwula ka yona miningelo ya kuhiswa.