Levhi 1:10 - Bhiblia Yo Sawuleka

¹⁰ Ngako m'thu a txi lava kumaha mningelo wa mhamba yo hiswa ngu txihari txatxidotho, nvuta mwendo phongo, njihari txa matune, txo mbi limala,

Levhi 1:10 Referans Kwoze

Johani 1:29

Mangwanani ka kona, Johani a to wona Jesu, a nga txi ta kwakwe, se a txi khene: “Wonani Txinvutana txa Txizimu atxi txi kuwulako sionho sa ditiko.

Malakiya 1:14

Sekoko a na rukwe mkanganyisi wule waku, a di ni txihari ka mtxhambi wakwe, wa thembisa, kambe e ningela ka Mkoma tximaha txo soleka; nguko ani ngani Mfumeli wa hombe, kuwomba Mkoma wa Mabutho a Tiyimbi, ditina dangu di na maha do thisa hagari ka matiko.

Levhi 22:19

kasiku mhamba yi txi amukelwa, a fanete kuningela txifuyo txa matune, txo mbi limala, txa mu ka mtxhambi wa tihomu, mwendo wa tinvuta, mwendo wa tiphongo.

Levhi 4:23

mwendo txionho txile a nga txi maha, txi txi ziwa, sekoko a tisa mabhongwe wo tekwa hagari ka tiphongo, kasi ku ta maha mphaxo wa kuthavisa txionho.

Eksodha 12:5

Txinvutana mwendo txihongwana txi na va txa matune, txo mbi limala, na i di txa dilembe dimwedo. Anu mi na sawula tximwetxo hagari ka tinvuta mwendo hagari ka tiphongo;

Genesisi 8:20

Nowa a to akela Txizimu txiluvelo, e teka sihari sokari ka sotshe so sawuleka, ni ka sotshe sinyana so sawuleka, a txi maha mningelo wo hiswa ha txiluveloni.

Genesisi 4:4

Se Abhele nene a to ningela matiwula a tinvuta ta txibalani kwakwe, to nona. Mkoma a to wona ngu kutsaka Abhele ni mningelo wakwe;

1 Pedro 1:19

aniko, mi tirutwe ngu mnoha wa lisima wa Kristu, wu wu fanako ni wa Txinvutana txo mbi na wulima mwendo txibawa;

Mitengo 15:5

U na ningela ngu vhinya ya mpimo wa wumune wa hini, kasi kumaha mningelo wa sa kusela, kumweko ni nvuta yimwani ni yimwani, yi phaxwako ngu kuhiswa, mwendo kudawa.

Ezekhiyele 43:22

Se ka ditshiku da wumbidi, u na ningela mabhongwe mmweyo wa kwa mbi na txibawa, kasi kudivalelwa ka sionho; a na basisa txiluvelo, nga kule va nga txi sawulekisa ngu dirole.

Levhi 3:1

Se ngako mningelo wakwe i di wa mhamb ya mpatano, ngu homu, wa sikota kuningela ka Mkoma matune mwendo mkati, aniko kulaveka i di so mbi na txibawa.

Levhi 4:3

ngako i di mphaxeli, a nga maha txionho, e maha txikhuvekiso ka vathu, a na ningela ka Mkoma, kota mhamba yo kuwula txionho, dirole do mbi limala.

Levhi 5:15

Ngako m'thu wokari a txi hambanisa mlayo ngu kulunduma amu ka miningelo ya Mkoma, sekoko a fanete kutisa ka Mkoma, kasi kudivalewa txionhotxo txa kulunduma, hamba ngu ka mtxhambi wakwe, yo mbi na txibawa. Mpimo wa kunemela wu wu dinganako kuhumiswa wa silivhela, wu ku ni fanelo yo ningelwa, madingano ni mipimo yi yi thumiswako mu dithepeleni, kasi kudivalela txionho.

Levhi 9:2

A to khene ka Aroni: Teka dirole, kasi kumaha ngu dona mhamba yo kuwula txionho, ni hamba yo maha mningelo wo hiswa, sihari siya ngu si so mbi na sibawa, u na si ningela ka Mkoma.

Levhi 14:10

Ka ditshiku da wutxhanu ni mararu, a na teka sinvutana simbidi so mbi na txibawa, ni txinvutana txa dilembe dimwedo, txo mbi na txibawa, ni mipimo yiraru ka digumi da yona ya mpupu wo vhuvwa ni mtona, ku txi va i di mningelo wa sakudya, ni hafu ya mfarasa ya mtona.

Levhi 16:3

Aroni a fanete kuwulela ka wukhalo wo sawuleka, ngako a di ni dirole da mhamba yo kuwula txionho, ni hamba yo hiswa.

Levhi 16:5

Se ka msengeletano wa vanana va ka Israyeli, u na teka vamabhongwe vambidi, kasi kumaha mhamba yo kuwula txionho, ni hamba yimweyo ya mningelo wo hiswa.

Levhi 23:12

Ka ditshiku di nyanda yi no ndiwitelwa, mi fanete kumaha mningelo wo hiswa ka Mkoma, ngu txinvutana txa dilembe dimwedo, txo mbi na wulima.

Mitengo 6:14

se ene a na ningela hamba ka Txizimu, ya dilembe dimwedo ayi yi singako ni txibawa; yi na va mningelo wo hiswa, ni txinvutana txa dilembe dimwedo, txa mkati, na txi si nga ni txibawa, yi na va mphaxo wa kuonha, ni hamba yo mbi na txibawa, ayi yi nova mphaxo wa kubonga.

Mitengo 19:2

Asiya, nzileleto sa mlayo awu Mkoma a leletako tito: Gela vanana va ka Israyeli ve kutisela dirole da makati do bhilivila, da kwa mbi soleka, na di si nga ni txibawa, di nga mbi sanzekwa dikange.