Joyeli 3:8 - Bhiblia Yo Sawuleka

⁸ Kambe ni na xavisa vanana vanu va mazambi ni vamahorana ngu manza a vanana va ka Judha, va no ya va xavisela ka va Sebha, ditiko da kwa mbi alakaywa, nguko Mkoma a wombile.

Joyeli 3:8 Referans Kwoze

Isaya 60:14

Kambe va nata ve ta nama kwako, vanana va vale va nga kuxanisa, ve ta khizama mikondoni kwako, votshe vale va nga kutxhipisa, se va na kudhana ku Didhoropa da Mkoma, i ku Siyoni wa Msawuleki wa Israyeli.

Jobe 1:15

Se Vasabhewu va to ta ti honyola, ve daya vafana ngu ditxhari; ngani nokha ni nga huluka, ni ku tiselako mahungu.

Valamuli 2:14

Ngu kumaha keto, kuhenya ka Mkoma ku to wukela va ka Israyeli, se e va ningela manzani ka makhamba, ma txi va pela; kambe a to va ningela manzani ka valala vawe vale va nga ti ti va ranganyetile; se kha va nga sikota kukhukha va txi ema kambe masoni ka valala vawe.

Ezekhiyele 23:42

Ku to pfala dipswi da kutsaka da dibutho, se ku to tiswa vathu va wusiwana kumweko ni madevi a txiwulani; va to va ambeka masinda mawokoni kwawe, ni mibhoti yo phatima ka misungo yawe.

Jeremiya 6:20

Ma ni vhuna txani mafura a Sabha ni mipepo ya ditiko da kule kani? Miningelo yanu ya kuhiswa kha yi ni tsakisi, ni miphaxo yanu kha yi ni tsakisi.

Valamuli 4:9

Se Dhebhora a to khene: “Kha ditshuri, ni na tsula ni nawe, aniko nduma kha yi na mbi va yako ka nzila yi u yi tekako; nguko Mkoma a na ningela Sisera manzani ka wamsikati.” Se Dhebhora a to khukha e tsula ni Bharake, va txi ya Kedhesi.

Valamuli 4:2

Se Mkoma a to va ningela manzani ka Jabhini, mfumeli wa Kanana, a nga ti fumela Hazori; se Sisera i ti ti nduna ya dibutho da kona, awule a nga ti akile Haroseti-wa vamatiko.

Dhewuteronome 32:30

Ti nga kotekisa kutxani ti to m'thu wammweyo e tutumisa 1.000 wa vathu, ni vathu vambidi va nga sikotisa kutxani kuhinga 10.000 wa vathu, i si nga Mkoma, Dirigwi dawe, a nga va xavisa, kambe i si nga Mkoma a nga va ningela kani?

Masalmo 72:10

Vafumeli va Tarxixi ni va sitondolo va na m'luva; vafumeli va Sabha ni va Sebha va na rumela tinduvo!

Jeremiya 30:16

Votshe ava va ku kakatxulako va na kakatxulwa ni vona, ni votshe valala vako va na yiswa wukhumbini, ava va ku handako va na handwa ni vona, ni vale va ku honyolako va na honyolwa ni vona.

Ezekhiyele 38:13

Sabha ni Dhedhani, ni vanyamabhindu va Tarxixi, ni sotshe singonyamwana sawe, va na kha vona kwako: Awe u tela ku ta teka so handwa kani? U sengeletile sikelemu sako kasi ku ta daya mipfimba, ku ta teka silivhela ni nzalama, kasi ku ta teka sifuyo ni tithomba, ni ku ta xasela so handwa sasingi kani?