Joyeli 3:7 - Bhiblia Yo Sawuleka

⁷ Wonani ti to ni na va thavisa ka wukhalo wu mi nga ya va xavisa ka wona, se ni na wisa hakhelo yanu txitimwi ka misungo yanu.

Joyeli 3:7 Referans Kwoze

Jeremiya 23:8

Aniko: Mkoma a hanyako, awu a nga thangela vanana va ka Israyeli, ve huma ngu ditikoni ka Wuphemba, ni ka otshe matiko ale a nga ti va tovelete ka ona; va nata aka ditikoni kwawe.

2 Vatesalonika 1:6

Nguko ti lulamile ti to Txizimu txi tshumetela ngu sixaniso ava va mi xanisako.

Jeremiya 30:16

Votshe ava va ku kakatxulako va na kakatxulwa ni vona, ni votshe valala vako va na yiswa wukhumbini, ava va ku handako va na handwa ni vona, ni vale va ku honyolako va na honyolwa ni vona.

Jeremiya 30:10

U nga thave koko, awe txithumi txangu Jakobe, kuwomba Mkoma, kambe u nga xamale, awe Israyeli; nguko ni na kuhumisa ka matiko a kule, ni vanana vako, ngu ditikoni ka wukhumbi wawe; se Jakobe a na wuya, e ta humula, kambe a na zumbiseka, kha ku na mbi vaho wo m'dhukisela.

Mtuletelo 19:2

Nguko kulamula ka txona nga ditshuri ni kululama. Ngu txona Txizimu txi nga lamula digelegele da hombe di nga ti nyeta mafu ngu wugelegele wa dona; se ka dona Txizimu txi pharete mnoha wa sithumi sa txona.”

Mtuletelo 16:6

Nguko avava ngako va nga theketa mnoha wa vasawuleki ni vaprofeti, na nawe u va ningile mnoha ve sela. Va ni fanelo yeto.

Mtuletelo 13:10

Awu a nga sikelwa ku khotelwani, a na ya ku khotelwani; awu a nga sikelwa kudawa ngu ditxhari, a na fa ngu dona ditxhari. Atiya ngu tona ti tsanisako kuhonisela ni kukholwa ka vasawuleki.

Jakobe 2:13

Nguko kulamulwa kha ku na mbi va ni wumbilu, ka wule a ku si nga ni wumbilu; aniko wumbilu wa humelela kulamulani.

Matewu 7:2

Nguko mi na lamulwa nga ti mi lamulisako tona vamwani; ni mpimo wu mi pimako ngu wona vamwani, mi na pimwa ngu wona nanu.

Joyeli 3:4

Kambe mi ni mhaka muni ni nani awe Tiro ni Sidhoni, ni otshe madhawa a Fenikiya kani? Ngu yona hakhelo yi mi ni ningako kani? Nguko mi txi ni hakelisa tiya, ngu txikuluveta, ni na tisa hakhelo txitimwi ka misungo yanu.

Ezekhiyele 38:8

Msana ka masiku o tala u na endelwa; ma di gumile malembe u nata ka ditiko dile u nga khukhiswa ka dona ngu matxhari, di nga ta kwako ngu hagari ka vathu, di txi ta mimangoni ka Israyeli, ayile yotshe mbimo yi nga mahwa sisapa; aniko ditiko dile di thavisilwe hagari ka vathu, se votshe va na zumba ngu kutsana.

Ezekhiyele 36:24

Aniko ni na mi teka hagari ka matiko, ni txi mi sengeleta ngu ka otshe matiko, ni mi wuyisa ditikoni kwanu.

Jeremiya 32:37

Wonani, ni na mi tshanganisela ngu matikoni kotshe, ayo ni nga va tutumisela ka ona kuhenyani kwangu ni txiviti txangu ni dikhulo da hombe; ni na tshumela ni va wuyisa ka wukhalo wuwa, ni va maha ve zumbiseka.

Jeremiya 31:8

Ni na va wuyisa ngu ditikoni ka Wuphemba, ni txi va sengeleta ngu magemeta-mitshi ka mafu; kumweko navo, ku ni mabhofu ni silima, vo khosa, va na wuya i ti didhendele da hombe.

Isaya 49:12

Wonani, taku va nata ngu kule, wonani taku avale va wuphemba ni va mswa-ditambo, ni vale vamwani va ditikoni ka Sinimi.

Isaya 11:12

Se ku na guletwa m'jeke hagari ka matiko, a na sengeleta vale va nga tovelwa va ka Israyeli, ni vale va nga hangalaka va ka Judha, a na va sengeleta kukhukhela ka mune wa makhona a ditiko.

Esteri 7:10

Hamani koko va to mtxikita ka phande yile ene a nga ti yi longisete Mordhekayi. Sekoko kuhenya ka mfumeli ku to boxa.

1 Samuwele 15:33

Aniko Samuwele a to khene: Kufana ni kule ditxhari dako di nga dayela vanana va vavasikati, ngu kumaha keto mwamwako nene a na dawa mwanana wakwe kufana ni vona. Sekoko Samuwele a to gangela Agage masoni ka Mkoma, kona Giligali.

Valamuli 1:7

Sekoko, Adhoni-Bhezeki a to khene: Mtxhanu wa magumi ni mambidi a vafumeli, va nga ti wiletwe titiho ta vanyagotwe, ta manzani ni ta mikondoni, va ti ti rolela maruru hahatshi ka meza yangu; ngu kumaha keto, Txizimu txi ni tshumetete madingano ni ti ni nga va mahela. Se va to tsula nayo Jerusalema, eyo a nga ya fela kona.

Isaya 66:6

Dispwi da kudhinda ka hombe di nata ngu didhoropani, dipswi da dithepele, dipswi da Mkoma, di ningako hakhelo ka valala vakwe.

Zakariya 9:13

Nguko ni dombile Judha kwangu, ni tata Efrayime ngu wulaho; ni na wusa vanana vako awe Siyoni, veya lwisa vanana vako awe Gresiya! Se ni na kuveka ku nga ditxhari da ndena.