Joyeli 3:20 - Bhiblia Yo Sawuleka

²⁰ Aniko Judha ku na zumbwa ngu vathu yotshe mbimo, ni Jerusalema, ka liveleko ni liveleko.

Joyeli 3:20 Referans Kwoze

Ezekhiyele 37:25

Va na zumba ka ditiko dile ni nga ninga txithumi txangu Jakobe, emo va nga ti zumbile kona vatate vanu; se va na zumba ka dona, vona ni vanana vawe, ni vatukulu vawe, yotshe mbimo; kambe txithumi txangu Dhavhidha a na va mthangeli wawe, ngu ha ku si gwitiko.

Amosi 9:15

Na va simeka ditikoni kwawe, kha va na mbi thaviswa kambe ka ditiko di ni nga va ninga, kuwomba Mkoma, Txizimu txako.

Isaya 33:20

Wona Siyoni, didhoropa da mibuso yathu ya lisima, maso ako ma na wona Jerusalema, dizumbo da kudikha, ditenda di di na kwa mbi thaviswa, adi tiphande ta dona ti a kwa mbi dulwa, ni tighoti ta dona kha ti na mbi bhenuka.