Joyeli 3:19 - Bhiblia Yo Sawuleka

¹⁹ Egipta a na tshumela e va txisapa, se Edhomi a na va txiwula txa txiwunda, ngu kule va nga lwisa vanana va ka Judha ve theketa mnoha ka matiko a kona.

Joyeli 3:19 Referans Kwoze

Jeremiya 51:35

Mihumbo yo nga yi yi nga mahwa kwangu ni ka vathu vangu, yi nata txitimwi ka Bhabhilona, a na womba wule a zumbako Siyoni, kambe mnoha wangu wu na thekele txitimwi ka vazumbi va Kaldheya, womba awe Jerusalema.

2 Vatesalonika 1:6

Nguko ti lulamile ti to Txizimu txi tshumetela ngu sixaniso ava va mi xanisako.

Zakariya 10:10

Nguko ni na va wuyisa ngu ditikoni ka Egipta, ni va sengeleta ngu Asiriya; ni va tisa ka ditiko da Gileyadhi ni da Libhanoni, kambe kha ku na mbi maneka wukhalo wo va lumba.

Obhadhiya 1:1

Txiwoniso txa Obhadhiya: Mkoma Txizimu a womba tiya madingano ni Edhomi: Hi pfite txhumayelo ya Mkoma, ni ku kurumetwe txirumwa ka matiko, kuya womba tiya: “Khukhani, hi khukhela kulwa ni Edhomi.”

Sidilo 4:21

Tsaka ngutu, u tsaka awe mwanana wa muhorana wa Edhomi, u zumbako ditikoni ka Uzi, digombe di na hoka kwako; se u na leva, u sala u sa ambala txilo.

Jeremiya 49:17

Ngu toneto, Edhomi a na va txixamaliso; ni wihi a no pinda ngu kona a na xamala, a na veta mloti ngu mhaka ya sikarato sa kona.

Isaya 11:15

Se Mkoma a na khundumusa do gwita diwoko da Linene la Egipta, a na guleta dianza dakwe e wukela mnambo ngu mtamo wa moya wakwe, e wu peka wu maha mtxhanu wa minambo ni yimbidi, ti to ni wuhi e txhatuka a di ni tikathula.

Masalmo 137:7

Alakanya, Mkoma, ati va nga maha vathu va Edhomi, ditshiku diya Jerusalema a nga welwa ngu dikhombo: Vona va huwelete va txi kha vona: “Khundumuselani, Khundumuselani didhoropa diya, kala makhatoni ka dona!”

Isaya 11:14

Aniko va na purumela makatani ka Vafilista, ngu Mswa-ditambo; va na handa kumweko vanana va Wutxani; ve ñola Vaedhomi ni Vamowabhi, se vanana va Amoni va na va engisa.

Habhakuki 2:17

Nguko kulwa ko wukela Libhanoni ku na kufenengeta, ni kuloviswa ka sihari sa tshofu ku na kuvangela kuthava, ngu mhaka ya mnoha wa vathu, ni kulwa ngu mhaka ya mafu, didhoropa ni votshe va zumbako ka dona.