Joyeli 3:16 - Bhiblia Yo Sawuleka

¹⁶ Se Mkoma a na bhonga a di Siyoni. Dipswi dakwe di na pfala Jerusalema, se nzuma ni mafu si na dhudhumela; aniko Mkoma a na va wuthavelo wa vathu vakwe ni mkhokhola wa vanana va ka Israyeli.

Joyeli 3:16 Referans Kwoze

Amosi 1:2

Se Amosi a to khene: Mkoma a na bhonga a di Siyoni, se a di Jerusalema, a na pfalisa dipswi dakwe; amu va zumbako kona vadyisi, ku nava ni kudila, kambe ku na oma tshokani ka mmango wa Karmeli.

Hagayi 2:6

Nguko Mkoma wa Mabutho a Tiyimbi a womba tiya: Msana ka mbimonyana, na i si nga kuswela, ni na maha ti taku nzuma, ni mafu, ni linene, ni mafu a kuoma, si txi zinginika;

Jeremiya 16:19

O Mkoma, dikhokhola dangu, ni mtamo wangu, ni wuthavelo wangu ngu ditshiku da kuxaniseka! Matiko ma nata kwako ngu magwito ka mafu, ma txi ta kha ona: Vatate vathu thomba yawe i ti ti makuhu ni kutikulisa dwe, si nga si vhuni txilo.

Isaya 42:13

Mkoma a na huma kufana ni ndena, kufana ni m'thu wa yimbini, a na wusa kukhatala; a na kwangula, e maha diguwa da hombe, kambe a na veka hahatshi valala vakwe.

Mavingu 18:10

Ditina da Mkoma dinera do tsana, mlulami a na tutumela ka dona, eya ti khongelela a di txitimwi.

Ezekhiyele 38:19

Nguko ku ti hita kwangu ku ni gete, amu ka mndilo wa kuhenya kwangu, taku ka dona ditshiku dile ku nava ni kudhudhumela ka hombe, txitimwi ka ditiko da ka Israyeli,

Isaya 51:16

Ani na veka mapswi angu txisofuni kwako, ni kufenengeta ngu mtsudi wa dianza dangu, kasi kuvanga nzuma, ni kukhata mafu, ni kugela Siyoni kukhani: Anu mi vathu vangu.

Masalmo 61:3

Awe u wuthavelo wangu kambe u txitezi txo tsana, atxi txi ni hulukisako ka mlala!

Mtuletelo 16:18

Konako ku to humelela kukeluka ka nzuma, mapswi, singwalangwanda ni kudekadeka ka mtamo ka mafu: Kudekadeka ka hombe ngutu akuwa txima kha kuzivi kuhumelela kukhukhela m'thu a di tumbulukile ha mafuni.

Masalmo 18:2

Mkoma, dirigwi dangu, ni mkhokhola wangu wo tsana, kambe mtxhatxhisi wangu; Txizimu txangu mkhokhola wangu, buthavelo wu ni thembako wona; njitxhavangu txangu, mtamo wa kuhanyiswa kwangu, wuthavelo wangu wa hombe.

Isaya 33:16

Awuwa a na zumba txitimwi; mikhokhola ya marigwi yi na maha wuthavelo wakwe wo guleka, a na ningwa dipawu dakwe, ni mati akwe ma na maneka.

Masalmo 29:11

Mkoma wa ninga mtamo ngamu yakwe; Mkoma a katekisa ngamu yakwe ngu kudikha.

1 Samuwele 15:29

Kambe awule i ku Mtamo wa va ka Israyeli kha hembi mwendo kutilaya; nguko hi nga m'thu waku a na tilaya.

Mtuletelo 11:19

Dithepele da Txizimu di ku nzumani di to tuleka, se wu txi woneka dibhokiso da txitumelelano Dithepeleni ka txona. Se ku to woneka kukeluka ka nzuma, mapswi, singwalangwanda, kutsekatseka ka mafu ni txingulu txa hombe txa maralala.

Mtuletelo 11:13

Ka txona txile txikhati ku to humelela kutsekatseka ka hombe ka mafu: Didhawa da wugumi da didhoropa di to khundumuka, se ve fa 7.000 wa vavamna. Ava va nga huluka va to tala ngu kuthava, ve dhumisa Txizimu txa nzumani.

Vahebheru 12:26

Ene wu dipswi dakwe di nga zinginisa mafu, konkuwa a huwelela a txi khene: “Ni na tshumela ni txi zinginisa kambe, i si nga mafu dwe, aniko ni yona nzuma na yi zinginisa.”

Zakariya 10:12

Se ani ni na va tsanisa ka Mkoma, kambe va na tsimbila ditinani kwakwe, kuwomba Mkoma.

Amosi 3:8

Yi bhongile ngonyamo, i mani wu a na kwa mbi thava kani? A wombowombile Mkoma Txizimu, i mani a na kwa mbi profeta kani?

Hoseya 11:10

Mi na tsimbila ngu msana ka Mkoma; se ene a na bhonga ku nga ngonyamo; ene a txi bhonga, vanana va Mswa-ditambo va na dhudhumela.

Zakariya 10:6

Se ni na tsanisa nyumba ya ka Judha, ni hanyisa nyumba ya Josefa, ni na tshumela ni va phaya, nguko ni va pfete wusiwana; se va na nga kha ni khali ku va lamba; nguko ani ngani Mkoma, Txizimu txawe, kambe ni na va engisa.

Isaya 33:21

Aniko Mkoma haleya a na va wa hombe kwathu, wukhalo wa minambo ni milonga yo anama, ni ya yimweyo ngalava yo txungelwa kha yi na mbi pinda ngu kona, hambi txitimela txa hombe txa mati, kha txi na mbi tsimbila ngu kona.

Jeremiya 17:17

U nga ti mahe txidhusa kwangu; awe u ku wuthavelo wangu, ka ditshiku da dikhombo.

Nahume 1:7

Mkoma mnene, dikhokhola ka ditshiku da xomulo, kambe wa va ziva ava va thembako kwakwe.

Hagayi 2:7

ni na dekadekisa otshe matiko, se ti nata tithomba ngu ka matiko, ni na tata nyumba yiya ngu wudhumo, kuwomba Mkoma wa Mabutho a Tiyimbi.

Zakariya 9:12

Tshumelani miya mkhokholani, anu tikhumbi ta txithembo; kambe nyamsi, na mi zivisa taku ni na mi tshumetela kumbidi.