Joyeli 3:1 - Bhiblia Yo Sawuleka

¹ Wona taku, ka oneyo masiku, ni ka mbimo yoneyo, ni no thavisa wukhumbi ka Judha ni ka Jerusalema,

Joyeli 3:1 Referans Kwoze

Jeremiya 30:3

Nguko ma ngadi ma txi ta masiku, kuwomba Mkoma, ayo ni no tshumeta ngu ona ava vo sungwa, i ku Israyeli ni Judha, kuwomba Mkoma. Ni na va wuyisa ditikoni mu ni nga ha vakokwani vawe, va na di fumela.

Ezekhiyele 39:25

Ngu konaho, Mkoma Txizimu a khene: Kona kuwa, ni na tshumela ni wuyisa tikhumbi ta ka Jakobe. Kambe ni na mahela wumbilu yotshe nyumba ya ka Israyeli, ni na emela ditina dangu do sawuleka.

Amosi 9:14

Ni na thavisa wukhumbi wa vathu vangu va ka Israyeli, kambe va na aketa madhoropa o xaselwa, se va na zumba ka ona, ve phaya mivhinya, ve sela vhinya ya kona, ve phaya mipeto ya mindonga, ni kudya mihando ya kona.

Jeremiya 29:14

Ni na manwa ngu nganu, kuwomba Mkoma, ni na tshumeta va va nga ñolwa, ni na mi sengeleta ngu ka otshe matiko, ni ka otshe madhawa, awa ni nga mi hangalasa ka ona, kuwomba Mkoma; ni na tshumela ni txi mi wuyisa ka wukhalo wu ni nga mi tutumisa ka wona, mi txi ya wukhumbini.

Masalmo 85:1

Mkoma, awe u katekisile vathu vako. U tshumetete ka Israyeli tithomba takwe.

Dhewuteronome 30:3

Sekoko Mkoma, Txizimu txako, a na kuhumisa ka wukhumbi wako, a txi ku mahela wumbilu; a na ku engisa, a txi ku tsanisa, u huma ngu ka otshe matiko ale a nga ti ku hangalisete ka ona.

Jeremiya 30:18

Mkoma a khene: Ni na wuyisa vo ñolwa va matenda a Jakobe, ni na pfela wusiwana dizumbo dakwe; didhoropa di na aketwa txizani ka dona, nyumba ya wukoma yi na nga tontile ta kale.

Jeremiya 16:15

Aniko va na kha vona: Mkoma a hanyako, awu a nga humisa vanana va ka Israyeli ngu ditikoni ka Wuphemba, ni ka otshe matiko awa a nga ti va tutumisete ka ona. Ni na va wuyisa kambe ditikoni kwawe adi ni nga ninga vatate vawe!

Masalmo 14:7

O! I mani a no wuyisa ngu Siyoni, kuhanyiswa ka Israyeli! Mbimo yi Mkoma a no katekisa ngamu yakwe, vanana va Jakobe va na giya, ani va ka Israyeli va na tsaka.

Ezekhiyele 16:53

Ani koko ni na wuyisa vale va wukhumbini: Va wukhumbini ka Sodhoma ni vanana vawe vamahorana, ni wukhumbini ka Samariya ni vanana vawe vamahorana, ni tikhumbi ta wukhumbi wako;

Joyeli 2:29

Hambi txitimwi ka sithumi sa txiwamna ni sa txisikati, ka ona masiku ale, ni na tshakunuta Moya wangu.

Dhaniyeli 12:1

Se ka mbimo yoneyo, ku na humelela Migeli, mthangeli wa hombe, a wuselwako vanana va ditiko dako, kambe ku nava ni mbimo ya kuxaniseka, ko mbi khala kuhumelela, kukhukhela ku nga va ni mfumo kala ka mbimo yile; aniko ka yoneyo mbimo, vathu vako va na hulukiswa, votshe vale va no maneka va di bhatwe amu ka dibhuku.

Mitengo 11:29

Kambe Mosi a to khene kwawe: “Ngu kutxani uva ni txiluse masoni kwangu kani? Ani ni khani i di tinene nga ti votshe vathu va Mkoma va txi profeta, Mkoma e va ninga moya wakwe!”

Mitengo 12:6

Se a txi khene: “Konkuwa engisani mapswi angu; ngako ku ti ni mprofeti, ani Mkoma, ni na ti wonekisa kwakwe ngu txiwoniso, ni womba-womba nayo ngu mloro.

Mavingu 1:23

Hundulukani ngu mhaka ya kukawuka kwangu; wonani taku ni na thela moya wangu txitimwi kwanu, kambe ni na mi maha mi ziva mapswi angu.

Isaya 44:3

Nguko ni na tshakunuta mati txitimwi ka txihala, ni minambo txitimwi ka mafu a kuoma; ni na thela moya wangu txitimwi ka liveleko lako, ni makatekwa angu txitimwi ka vanana vako.