Joyeli 2:30 - Bhiblia Yo Sawuleka

³⁰ Kambe ni na kombisa sixamaliso nzumani ni ha mafuni, mnoha ni mndilo, ni tiphande ta wutshi.

Joyeli 2:30 Referans Kwoze

Luka 21:11

Ku na humelela kuzinginikela ka hombe ka mafu, se ka makhalo amangi ku nava ni tinzala ni mitungu. Ku na humelela sidiwukiso so thisa, ni sikombiso sa hombe nzumani.

Matewu 24:29

“Kunukunuko, ngako si di gumile sixaniso sa masiku ale, ditambo di na pfhupeliswa, mtxima kha wu na mbi ninga liwoningo la wona, tinyeleti ti na wa ngu nzumani, ani mitamo ya nzumani yi na zinginiswa.

Valamuli 20:40

Sekoko direfu da wutshi di to khata kutuvika ngu didhoropani, di txi nga phande ya wutshi; se va ka Bhenjamini va to tshembereka va txi wona msana, ve wona wutshi wa didhoropani wu txi kwela nzumani.

Mtuletelo 18:9

Se vafumeli va mafu, va nga txi geleza nayo awule wamsikati ve ti tsakisa kumweko nayo, va na dila, ve peka tikhana, mbimo yi va no wona wutshi wa kuhiswa kwakwe.

Genesisi 19:28

Se a to wona Sodhoma ni Gomora ni lotshe libala, a txi wona wutshi wu txi tuvika wu txi guleka ngu ha mafuni, nga wutshi wa txikho txa hombe.

Mtuletelo 18:18

Se ngu kuwona wutshi wa kuhya kwakwe, va ti kwangula, va txi kha vona: “Ngu dihi didhoropa di di fananiswako ni Didhoropa da Hombe kani?”

Ndando ya Tindando 3:6

I mani wu a kwelelako ngu txiwulani, kufana ni tiphande ta wutshi, a bhumulako mira ni dibaselo, ni tixaka ta totshe tipowa to bhumula kani?

Valamuli 20:38

Se vavamna va ka Israyeli, va ti ti ni txikombiso txokari ni vale va nga ti baramile, txa ku tuvikisa direfu da hombe da wutshi didhoropani.

Joxuwa 8:20

Se mbimo yile vavamna va didhoropa da Ayi va nga tshembereka ve wona msana, va to wona wutshi wa didhoropa wu txi kwelela nzumani, se kha va mana wukhalo ni wawumwewo wo thavela ka wona, hambi ka diya didhawa, mwendo ka dile; nguko vathu vale va nga txi tutumela txiwulani, va to tshumela va txi lwisa vale va nga txi va tutumisa.

Mtuletelo 8:7

Ngelozi yo khata yi to veta mpundu wa yona: Konako ku to wa maralala ni mndilo, si di patanisilwe ni mnoha: Ku to hya didhawa da wuraru da mafu, kuhya didhawa da wuraru da mindonga, ku to hya mwasi wotshe wo hanya.

Jeremiya 4:28

Ngu mhaka yeto, mafu manava ni huwa; ni tinzuma ta txitimwi ti na phuma; nguko ani ni wombile, ni hingana ni di xuvileto. Na mbi hunduluka hambi kutshumelela msana.”

Zakariya 14:6

Se ku na maheka ka ditshiku donedo tito, kha ku na mbi va ni kuwoninga ka kunene, hambi kuphuma nga ka hunguva.