Joyeli 2:28 - Bhiblia Yo Sawuleka

²⁸ Se ku na maheka taku, ni tshakunuta Moya wangu txitimwi ka nyama yotshe, se vanana vanu va majaha ni vamahorana va na phorofeta, sikosana sanu si na va ni miloro, vavaphya vanu va na va ni siwoniso.

Joyeli 2:28 Referans Kwoze

Ezekhiyele 39:29

Kha ni na mbiswa ni va sisela kambe khohe yangu, mbimo yi ni no va ni di tshakunutile Moya wangu txitimwi ka nyumba ya ka Israyeli, kuwomba Mkoma Txizimu.

Mithumo 2:39

Nguko awule a nga thembiswa a lumba anu ni vanana vanu, ni vale va ku kule, votshe vale va no dhanwa ngu Mkoma, Txizimu txathu.”

Isaya 32:15

Kala kuza wu txhika txitimwi kwathu Moya wa txitimwi; sekoko txiwula txi na hinduka txi maha thembwe yo nona, kambe thembwe yo nona yi na maha txitinga.

Isaya 44:3

Nguko ni na tshakunuta mati txitimwi ka txihala, ni minambo txitimwi ka mafu a kuoma; ni na thela moya wangu txitimwi ka liveleko lako, ni makatekwa angu txitimwi ka vanana vako.

Zakariya 12:10

Se ni na thela Moya wa wumbilu ni wa mikombelo txitimwi ka nyumba ya ka Dhavhidha, ni txitimwi ka vaaki va Jerusalema; va na wonetela kwangu, ani va nga ni thola; kambe va na m'dilela ku nga vo dilela mwanana wammweyo dwe; kambe va na dila ngu txiviti ngu mhaka yakwe, kufana ni tile ku diliswako tona mwanana wa matiwula.

Mavingu 1:23

Hundulukani ngu mhaka ya kukawuka kwangu; wonani taku ni na thela moya wangu txitimwi kwanu, kambe ni na mi maha mi ziva mapswi angu.

Johani 7:39

Jesu a ti ti womba tiya, na a txi fanekisa Moya wu va nga txi fanela ku wu amukela avale va ndino kholwa kwakwe; nguko wona Moya wu ti sanzi kuta, nga ti Jesu a nga sanzi kupfaliswa.

Mithumo 2:33

Se ngako a di guletilwe ngu diwoko da txinene da Txizimu, Jesu a amukete ka Tate txithembiso txa Moya wo Sawuleka, awu a nga wu rumela, nga ti mi ti wonako ni ku tiengisa.

Luka 3:6

Votshe vathu va na wona kuhanyisa ka Txizimu.”

Vagalatiya 3:28

Kha kuswi ku di ni Mujudha mwendo Mugriki, kha ku na khumbi mwendo mthuseki, kha ku na wamwamna mwendo wamsikati, nguko motshenu mi vamwevo ngu ka Kristu Jesu.

Isaya 40:5

Se wudhumo wa Mkoma wu na wonekiswa, kambe yotshe nyama yi na ti wona tito, txisofu txa Mkoma txi wombile tiya.

Mitengo 12:6

Se a txi khene: “Konkuwa engisani mapswi angu; ngako ku ti ni mprofeti, ani Mkoma, ni na ti wonekisa kwakwe ngu txiwoniso, ni womba-womba nayo ngu mloro.

Isaya 49:6

A to khene kambe: Ndidotho taku uva txithumi txangu dwe, kasi kuwusa tihunzu ta ka Jakobe, ni kuwuyisa misalelwa ya ka Israyeli; kambe ni ku vekile ku uva liwoningo ka vamatiko, kuva m'hulukisi wangu kala magwito ka mafu.

Mithumo 21:9

Ene a ti ni mune wa vanana va sihoranana, ava va nga ti profeta.

Jeremiya 23:28

Mprofeti wu aku ni mloro, a na wu xawutele; aniko awu a ku ni mhaka yangu, nga a txi txhumayela yona ngu kuthembeka. Ngu kutxani mi pata mthungu ni fulaho kani? Kuwomba Mkoma!

Isaya 54:13

Se votshe vanana vako va na maha vagondiswa va Mkoma; ni kudikha ka vanana vako ku na maha ko enela.

Luka 1:67

Konako Zakariya, tate wakwe, a to tala ngu Moya wo Sawuleka, a txi profeta a txi khene:

Vahebheru 1:1

Txizimu, ngu sikhati so tala ni mamahelo o tala, txi wombawombile kale ka vatate vathu, ngu sisofu sa vaprofeti,

Mitengo 11:17

Sekoko ani, ni na kwitima ni ta womba-womba ni nawe konaho; se ni nata hungula moya wu wu ku nemelako wekha, ni wu veka kwawe, kasi ve kuvhuna; se moya wu na kuvhuna kurwala vathu, na i si ngawe wekha u rwalako.

1 Samuwele 19:20

Sekoko Sawule a to rumela mitumi yo londeta Dhavhidha, avale va nga wona mtxawa wa vaprofeti va txi profeta, eho a nga ti kona Samuwele a txi vathangela; se Moya wa Txizimu wu tota txitimwi ka mitumi ya Sawule, ni vona va to profeta.

1 Samuwele 28:6

Se Sawule a to wotisa ka Mkoma, kambe Mkoma kha mxamula, hambi ngu miloro, mwendo ngu tixolo, hambi ngu vaprofeti.

Isaya 49:26

Se vaxanisi vako ni na va dyisa nyama yawe vapune, va na leviswa ngu mnoha wawe vapune, ku nga vhinya, se nyama yotshe yi na tiziva tito, ani ngani Mkoma, Muhanyisi wako, mtiruli wako, Nyamitamo wa Jakobe.

Jeremiya 23:25

Ni pfite ti va wombako vaprofeti, ava va profetako makuhu ngu ditina dangu, va txi kha vona: Ni lorile, ni lorile!

Ezekhiyele 36:27

Kambe ni na thela moya wangu mndani kwanu, ni na maha ti to mi tsimbila ngu sileleto sangu, mi txi vekisa wululamo wangu, ni ku wu londeta.

Ezekhiyele 37:14

Kambe ni na thela kwanu Moya wangu, mi na hanya, se ni na ya mi veka ditikoni kwanu, mi na tiziva taku ani Mkoma, ni wombile eto, kambe ni ti mahile, kuwomba Mkoma.

Dhaniyeli 7:1

Ka dilembe do khata da Bhelxazari, mfumeli wa Bhabhilona, Dhaniyeli a to lora mloro, e wona ni siwoniso a di otete ha m'bhedhuni kwakwe; se koneko a to bhala mloro, e xawutela misungo ya timhaka ta kona.

1 Samuwele 19:21

Se ngako Sawule a di zivisilwe eto, a to rumela yimwani mitumi, se evo ni vona va to ya profeta; sekoko Sawule a to rumela mitumi ya wuraru, avale ni vona va nga ya profeta.