Joyeli 2:24 - Bhiblia Yo Sawuleka

²⁴ Kambe tingula ti na tala ngu fulaho, se ku na thekelela vhinya ni mafura ngu mikawuni.

Joyeli 2:24 Referans Kwoze

Malakiya 3:10

Tisani sotshe sa wugumi ka nyumba ya wuxayiselo, ti to ku nava ni sakudya nyumbani kwangu, se ngu kumaha keto ni duketeni, kuwomba Mkoma wa Mabutho a Tiyimbi, ku mwendo na mbi mi tulela mafasitela a nzumani, ni mi tshakunutela makatekwa o tala, aya mi no pwata ni ko thela kona.

Amosi 9:13

Wonani ta ku mata masiku, kuwomba Mkoma, a ya awu a dimako, a na manela wule a elulaka; ni wule a ganyatelako mauvha, a na manela wule a phayako mbewu; mimango yi na vilisa vhinya, sotshe simangwana si na nyuka.

Joyeli 3:18

Se ku na maheka taku ka ditshiku dile, mimango yi na vhelisa vhinya ya yiphya, simangwanani ku na khulunga masi, yotshe minambo ya ka Judha yi na va yi di tate ngu mati; se ku na huma txisima ngu Nyumbani ka Mkoma txi theletela mkovani ka Sitime.

Joyeli 3:13

Rinzani disikela nguko timbewu ti vitilwe; ngonani, relelani, nguko dipipa di tate ni mapipa ma thekelela; nguko wubihi wawe mbwa hombe.

Levhi 26:10

Mi na dya silo sa mawongwe, asi si ku mu sizendani kwanu, ngu mbimo yayingi, aha mi no si humisa ngu kuthela sa siphya.

Levhi 25:19

Ditiko di na humisa mihando ya dona, nanu mi na va ni sakudya sasingi, mi txi hanya ka dona ditikodo, ngu kudikha.

Ezekhiyele 36:8

Aniko anu mimango ya ka Israyeli, mi na humisa madhavi, mi txi ninga mihando ka vathu vangu va ka Israyeli; nguko va hafuhi ni kuwuya.