Joyeli 2:20 - Bhiblia Yo Sawuleka

²⁰ Se awule i ku wa Wuphemba, ni na m'yisa kule ni nanu, ni na mtshotsha ka ditiko da kuoma, da txiwula; va masoni ni na va rinza ka Linene la wutxani, ni va msana kwakwe ka Linene la mswa-ditambo; kununga ni kusina kwawe ku na guleka; nguko a mi onhete ka hombe.

Joyeli 2:20 Referans Kwoze

Zakariya 14:8

Ka ditshiku dile, ku na maheka kambe ti to me khiringela mati, ma txi huma ngu Jerusalema, hafu ya ona yi txi ya ka Linene la wutxani, se yimwani hafu yi txi ya ka Linene la mswa-ditambo, ngu mbimo ya malanga ni ya wuxika, eto ti na maheka.

Amosi 4:10

Ni rumete mtungu kutalwa ni nanu, ku nga va Egipta: Majaha anu ni ma date ngu ditxhari, mahantxhi anu ni malekile me tekwa, kununga ka mabutho anu, ni ku kwetile tithonvuni kwanu; aniko kha ma hundulukela kwangu, kuwombile Mkoma.

Isaya 34:3

Se vafi va na rinzwa, sirumbi sawe si na nunga, ni mimango yi na nyivilikiswa ngu mnoha wawe.

Dhewuteronome 11:24

Otshe makhalo ale mikondo yanu yi no ma kanda, ma nava i di anu. Ditiko danu di na khukhela txiwulani ka Libhanoni, ni kukhukhela mnamboni ka Ewufrate, kala lineneni ka mswa-ditambo.

Ezekhiyele 47:18

Se muhingano wa wutxani, hagari ka Hawurami, ni Dhamasku, ni Gileyadhi, ni ditiko da ka Israyeli, i nava Jordhani; mi na pimeletela kukhukhela muhinganoni ka wulambwe kala ka Linene la wutxani; awuwa i nava muhingano wa wutxani.

Eksodha 10:19

Sekoko Mkoma a to maha to moya wa mswa-ditambo wu txi futeta ngu mtamo, se moya wonewo wu to khukhula humbi yotshe wu txi ya yi vhunga lineneni ko Bhilivila; aha ku nga mbi sala ni ya yimweyo humbi ka dotshe ditiko da Egipta.

2 Vafumeli 8:13

Se Hazayeli a to wotisa a txi khene: Ina yova txani txithumi txako, txi pindako yimbwa, txo txi nga za txi maha timhaka ta hombe kani? Elixa a to xamula ku khene: Mkoma a ni kombile to awe u na va mfumeli wa Siriya.

Eksodha 8:14

Vathu va to ma wungeletela ma txi maha tindunduma, aha koza ditiko di txi nyetwa di txi nunga.

Masalmo 126:3

Kunene, Mkoma a hi mahete sidiwukiso sa hombe, ngu toneto, hotshethu ha tsaka.

Malakiya 3:11

Se ngu mhaka yanu, ni na tsivela mkhadamuli, ti to asi mi dyeli mihando ya mafu, ni mivhinya ya thembweni yi si mahi sifule, kuwomba Mkoma wa Mabutho a Tiyimbi.