Joyeli 2:18 - Bhiblia Yo Sawuleka

¹⁸ Sekoko Mkoma a na pfela ditiko dakwe, kambe a na va ni wumbilu ka vathu vakwe.

Joyeli 2:18 Referans Kwoze

Zakariya 8:2

A womba tiya Mkoma wa Mabutho a Tiyimbi: Ni wonelete Siyoni, ngu kuwonelela ka hombe, kambe ngu kuhenya ka hombe, ni kuhiseka.

Zakariya 1:14

Se ngelozi yile yi nga ti ti womba-womba ni nani, yi to ni gela tiya: Kwangula u txi khawe: Mkoma wa Mabutho a Tiyimbi a womba tiya: Ngu kuhiseka ka hombe, na hiseka ngu Jerusalema ni Siyoni.

Masalmo 103:13

Mkoma mbwa kuthutha ka vale va m'thavako kufana ni tate wo thutha ka vanana vakwe.

Jakobe 5:11

Wonani, athu hi va bala ti to va katekile avale va nga tsanisela amu ka sixaniso. Mi ti engisile ti txi wombwa ta kutimisela ka Jobe, kambe mi ma woni magwito awa Mkoma a nga mninga ona, nguko Mkoma ana ni wumbilu ni divalelo.

Sidilo 3:22

Wumbilu wa Mkoma, ngu wona wu mahako ti to hi si fuviswi; nguko wumbilu wakwe kha wu na magwito.

Isaya 63:15

Wona na u di nzumani, se u wona na u di ka wukhalo wako wo sawuleka, ni kudhundeka. Txi hayi txiluse txako, ni mithumo yako ya mtamo kani? U nga thavise kwangu lirando la mndani kwako ni la wumbilu wako!

Isaya 63:9

Ka kotshe kuxaniseka kwawe, ngene a nga xaniswa, se Ngelozi yile yi ku masoni kwakwe yi to va huanyisa; ngu lirando lakwe ni wumbilu wakwe, a to va tirula, se e va teka ni ku va tsimbitisa ka otshe masiku a kaleko.

Luka 15:20

Se a to khukha, a txi tsula ka tate wakwe.” “Se ene a di ngadi kule, tate wakwe a to mu wona, a txi mu pfela wusiwana, a to tutuma a txi ya mu wukarela ngu mu ka thamo, a txi mu pswopswa.

Jeremiya 31:20

Ina Efrayime hi nga mwanangu a randekako kani? Txirandwa ngu mbilu kani? Nguko hambi ni txi m'wukela, na khumbula ngu kupinda mpimo mbilu yangu ya bhibhikela ngu mhaka yakwe, kambe ni na m'hawukela, kuwomba Mkoma.

Isaya 60:10

Se vanana va vamatiko va na aka maguma ako, ni vafumeli vako va na kuthumela, nguko, kuheyani kwangu ni ku pekile, aniko ka wunene wangu, ni ku pfete wumbilu.

Isaya 42:13

Mkoma a na huma kufana ni ndena, kufana ni m'thu wa yimbini, a na wusa kukhatala; a na kwangula, e maha diguwa da hombe, kambe a na veka hahatshi valala vakwe.

Masalmo 103:17

Aniko lirando la Mkoma kha li nga ni magwito ka vale va m'thavako kululama kwakwe kha ku na magwito ka liveleko ni liveleko,

Valamuli 10:16

Se va to thavisa sizimu sa vamatiko hagari kwawe, ve thumela Mkoma; sekoko Mkoma a to pandiseka dihikani kwakwe ngu mhaka ya kuxaniseka ka va ka Israyeli.

Dhewuteronome 32:43

Anu matiko tsakani ngutu, kumweko ni vathu va Txizimu, nguko Txizimu txa pharela mnoha wa sithumi sa txona; txa tsayisa valala va txona, txi pfela wusiwana mafu a txona ni vathu va txona!”

Dhewuteronome 32:36

Mkoma a na emela vathu vakwe, kambe a na va ni wumbilu ngu sithumi sakwe. Ngako a txi wona ti to mtamo wawe wu ngumile ni ti to kha ka sala m'thu wo sungwa mwendo wo thuseka,

Dhewuteronome 32:16

Va wusile txiluse txa Txizimu ngu kukhozela simwani sizimu; va mu henyisile ngu wubihi wawe.

Isaya 37:32

Nguko ngu Jerusalema, ku na huma vale va nga sala, se ngu mmangoni ka Siyoni, avale va nga huluka; kukhutala ka Mkoma wa Mabutho a Tiyimbi, ku na maha eto.

2 Vafumeli 19:31

Nguko ngu Jerusalema ku na huma vale va nga sala, se ngu mmangoni ka Siyoni avale va nga huluka; kuthembeka ka Mkoma ku na maha eto.