Joyeli 2:16 - Bhiblia Yo Sawuleka

¹⁶ Sengeletani vathu, sawulekisani msengeletano, patani madhota, sengeletani timenzani ni vale va mamako; a na hume mteki ngu ndangani kwakwe ni mtekiwa ngu phanzekelani kwakwe.

Joyeli 2:16 Referans Kwoze

2 Makronika 29:5

Se a to khene kwawe: Ni engiseni anu va ka Levhi! Ti basisani, mi basisa ni Nyumbani ka Mkoma, Txizimu txa vatate vanu, mi thavisa yotshe nzambwa ha wukhaloni ko sawuleka.

2 Makronika 20:13

Vavamna votshe va ka Judha va to ema masoni ka Mkoma kumweko ni vanana vawe ni vasikati vawe.

1 Vakorinto 7:5

Mi nga tonaneni, hahanze ka kuva mi txi pfana ngu wumbidi wanu ngu mbimwanyana, kasiku mi sikota ku ti ningela mkombeloni. Mi di gwitile, tshanganani kambe, kasiku Sathani asi mi duki ngu ku ambi ti ñola kwanu.

Joyeli 1:14

Ti sawuleleni kutitona, nuwelani ditshiku da kutsimbisela, sengeletani madhota ni votshe zumbako ditikoni muwa, Nyumbani ka Mkoma, Txizimu txanu, se mi txi dila ka Mkoma.

1 Samuwele 16:5

Se ene a to khene: Ni ta ngu kudikha; ni tete ku ta phaxela ka Mkoma. Ti sawulekiseni mi tsula ni nani mphaxoni. Se a to sawulekisa Jese ni vanana vakwe, e va ramba ku veya mphaxoni.

Eksodha 19:22

Vaphaxeli va va ku ni fanelo yo tshuketa hafuhi ka Mkoma va na maneke va di basile, ati to Mkoma asi va peki ngu lifo.”

Eksodha 19:10

Mkoma a to khene kambe ka Mosi: “Tsula u txi ya sawulekisa vathu nyamsi ni mangwana, va txi kuwula syambalo sawe,

Matewu 9:15

Jesu a ti khene kwawe: “Tipheleketi ta wu a tekako, ina ti nga sikota kudila, na awu e tekako a di ngadi nato kani? Kambe ku nata masiku, aawa va na ku ta tekelwa mteki, se ngu kona va nota ti tona sakudya.

Masalmo 19:5

ditambo di humako ni mixo kufana ni mteki a wukako ngu ha m'bhedhuni kwakwe, kufana ni ndena yo tsakela kumaha mapalisana a kututuma.

Jobe 1:5

Ku ti ti maheka ti to, ma di pindile masiku ale a mibuso yawe, Jobe a ti ko rumisa ti to, ve sawulekiswa, se e wuka ngu mabimbi-kutxa, e ningela miphaxo, madingano ni mtengo wawe votshe; nguko Jobe a ti ti khene: Va nga nda dhuka va di onhile vanana vangu se ve ruketela Txizimu timbiluni kwawe. Jobe a ti ti mahisa toneto yotshe mbimo.

2 Makronika 35:6

Mahani Pasika mi ti basisa mi yi longisela vananu, mi maha madingano ni dipswi da Mkoma a di a nga mi ninga ngu Mosi.

2 Makronika 30:19

va longiselako timbilu tawe kasi kuve lava Mkoma Txizimu, Txizimu txa vatate vawe, hambi ku va sinziko ku ti sawulekisa.

2 Makronika 30:17

Nguko ku ti ni vathu votala hagari ka msengeletano, ava va nga mbi ti basisa; se Valevhi va ti ti ningilwe mthumo wo dayela sivuntana sa Pasika votshe a vale va nga mbi ti basisa kasi ku ni vona ve mahela mhamba Mkoma.

Joxuwa 7:13

Khukha u txi ya sawulekisa vathu, u txi khawe kwawe: Ti sawulekiseleni ditshiku da mangwana, nguko Mkoma, Txizimu txa Israyeli, a womba tiya: Kurukwa kuho hagari kwanu va ka Israyeli; kha mi na mbi sikota kutsana masoni ka valala vanu, kala kuza mi txi thavisa txiruko hagari kwanu.

Eksodha 19:15

Se a to khene ka vathu: “Ka ditshiku da wuraru, manekani mi di ti lulamisete, mi nga tshuketeleni vavasikati.”

Matewu 21:16

va txi mu gela ku kha vona: “Ina wa tipfa ti va wombako kani?” Jesu a to xamula a txi khene: “Ina! Kasi kha mi nzi kugonda ti taku: ‘Ka mapswi a txisofu txa vanana vavadotho ni txa tikekere u ti lulamisete wudhumo, kani?’ ”

Joxuwa 8:35

Kha ka maneka ni dipswi ni da dimwedo, ka totshe tile Mosi a nga ti leletile, di nga mbi gondwa ngu Joxuwa masoni ka wotshe msengeletano wa ka Israyeli, ni ka vavasikati, ni ka vafana, ni ka valuveli vale va nga ti ti hagari kwawe.