Joyeli 2:11 - Bhiblia Yo Sawuleka

¹¹ Se Mkoma wa guleta dipswi dakwe masoni ka masotxhwa akwe; nguko magovelo a kona nga mangi ngutu; nguko a ni mtamo, wu a mahako ti di nga womba dipswi da Mkoma; nguko ditshiku da Mkoma nda hombe kambe da thisa, se i mani waku a ngadi xanisa kani?

Joyeli 2:11 Referans Kwoze

Malakiya 3:2

Kambe i mani a no tsanisela ka ditshiku da kuta kwakwe kani? Ni ku i mani a no simama a diho, ngako ene a txi ta kani? Nguko ene a na nga mndilo wa mnyivilikisi, ni ku nga sephu ya vakuwuli.

Nahume 1:6

I mani a no ema masoni ka txiviti txa Mkoma kani? I mani a no timisela masoni ka kutura ka kuhenya kwakwe kani? Txiviti txakwe txi thekete ku nga mndilo, se marigwi ma hoxotilwe ngu ngene.

Mtuletelo 18:8

“Ngu konaho, makhombo ma nata ngu ditshiku dimwedo; lifo, txidilo, ni nzala; se a na hiswa ngu mndilo, nguko Mkoma Txizimu txi nga mu lamula, txi na ni mtamo.”

Mtuletelo 6:17

nguko di hokile ditshiku da hombe da kuhenya kwawe, se i mani a no sikota kuema, kani?

Joyeli 3:16

Se Mkoma a na bhonga a di Siyoni. Dipswi dakwe di na pfala Jerusalema, se nzuma ni mafu si na dhudhumela; aniko Mkoma a na va wuthavelo wa vathu vakwe ni mkhokhola wa vanana va ka Israyeli.

Jeremiya 30:7

Yowe! Ani sikwangu! Ditshiku diya da hombe, kha ku na dimwani do fana nado! Kambe i mbimo ya dikhombo ka Jakobe; hambi keto, ka dona, a na huluka.

Masalmo 46:6

Matiko ma ngungurukela, mifumo ya gingiseka. Kambe Txizimu txi womba dipswi, mafu ma so bhandekela.

Amosi 5:20

Kha di na mbi va txidema ditshiku da Mkoma, i si nga kuwonekela kani? Ku na mbi va ku di tshangani txidema ni kuwonekela kani?

Joyeli 1:15

Yowe! Ditshiku dile! Nguko ditshiku da Mkoma di hafuhi, di nata kufana ni kufuvisa ka wu wa Mtamo-wotshe.

Jeremiya 50:34

Aniko Mtiruli wawe mbwa mtamo, Mkoma wa Mabutho a Tiyimbi i ditina dakwe; ngu ditshuri a na emela mhaka yawe, ku va a txi na ninga kuhumula ha mafuni, ni kumalata vazumbi va Bhabhilona.

Isaya 42:13

Mkoma a na huma kufana ni ndena, kufana ni m'thu wa yimbini, a na wusa kukhatala; a na kwangula, e maha diguwa da hombe, kambe a na veka hahatshi valala vakwe.

Isaya 13:4

Se ka pfala diguwa da vathu txitimwi ka mimango, do fana ni da dibutho da hombe da vathu, dipswi da mifumo ya matiko ma nga sengeletana. Mkoma wa Mabutho a Tiyimbi, wa xola dibutho da yimbi.

Mitengo 24:23

Se Bhalahamu a to thula kambe ndando yakwe, a txi khene: Dikhombo ka wule a no sala, mbimosi Txizimu txi no maha kuranda ka txona.

Joyeli 2:31

Ditambo di na hinduka di maha txidema, se mtxima wu na maha mnoha, na di si se ta ditshiku da hombe da Mkoma.

Jeremiya 25:30

Awe koko, u na profeta kwawe totshe timhaka tiya, u txi khawe kwawe: Mkoma wa dhuma-dhuma ngu txitimwi, wa pfalisa dipswi dakwe ngu nyumbani kwakwe ko Sawuleka; ngu kuthisisela, a na dhuma e wukela dizumbo dakwe, wa peka huwa ya litsako, nga mrukuti wa mauvha, a txi wukela vazumbi votshe va ha mafuni.

Amosi 5:18

Dikhombo ka va va navelako ditshiku da Mkoma! Mi di lavela txani ditshiku di da Mkoma kani? Inava txidema, i si nga da kuwonekela.

Amosi 1:2

Se Amosi a to khene: Mkoma a na bhonga a di Siyoni, se a di Jerusalema, a na pfalisa dipswi dakwe; amu va zumbako kona vadyisi, ku nava ni kudila, kambe ku na oma tshokani ka mmango wa Karmeli.

Joyeli 2:25

Ni na mi tshumetela malembe ale mi nga xaselwa ngu humbi, ni sitoto, ni mipungu, i ku dibutho dangu da hombe ni ngadi rumela kwanu.

Ezekhiyele 22:14

Ina mwendo mbilu yako yi na va yi di tsani kani? Manza ako ma nava ma di ni mtamo, ka masiku ale ni no ku tela kani? Ani Mkoma ni wombile, kambe ni na ti maha.

Isaya 7:18

Nguko ku na maheka taku, ka ditshiku dileya, Mkoma a na vetela mloti tiphuka ti tiku magwito ka mnambo wa Egipta, ni tinombe ti ti tsimbilako ditikoni da Asiriya.

1 Vatesalonika 4:16

nguko ene Mkoma ngu wutumbu wakwe, ngu kudhana ka ngelozi ya hombe, ngu kuvetwa ka mpundu wa Txizimu, a na txhika ngu nzumani, se avale va nga fela ka Kristu, va na thanga vona ve wuka.

Joyeli 1:6

Nguko ditiko dimwani di kwelete ka ditiko dangu, da mtamo kambe da kwa mbi balwa; makwasa a dona, makwasa a ngonyamo, di ni titshaya to fana ni ta ngonyamo ya makati yo kumba.

Joyeli 2:1

Vetani mpundu aniya Siyoni mi dila ngu dipswi do guleka mmangoni kwangu ko sawuleka; va na dhudhumele votshe vaaki va ha mafuni, nguko ditshiku da Mkoma data, di hafuhi;

Joyeli 2:2

ditshiku da txidema ni kupandiseka, da marefu ni txidema txo hangalaka; ku nga wuronga wo hangalaka txitimwi ka mimango, mbathu va hombe va mtamo ngutu, ava kukhukhela ka kale, kha va khali ku nga vaho, hambi msana kwawe kha va na mbi vaho ka malembe matako, ka liveleko ni liveleko.

Joyeli 3:14

Mabutho, ni mabutho, mkovani ko Tsanisa! Nguko ditshiku da Mkoma di hafuhi, mkovani ko Tsanisa.

Obhadhiya 1:15

Nguko ditshiku da Mkoma di hafuhi, txitimwi ka otshe matiko; ku nga ti u nga maha tona, nawe u na mahiswa toneto; wubihi wako wu na wela txitimwi ka msungo wako.

Masalmo 18:14

A to khwinza tingove takwe ta miseve a txi hangalasa valala, a to dhindisa singwalangwanda, a txi va tutumisa.

Masalmo 68:18

Awe u kwete txitimwi u tsulisile khumbi wukhumbini, u amukete nduwo ka vathu; hambi ni vaeyisi va khozile kwako, Mkoma!