Joyeli 1:7 - Bhiblia Yo Sawuleka

⁷ Di mahile m'vhinya wangu wu fuviswa, se di kwamute mabanzi a mkuwu wangu, se di kwamulete otshe, di txi ma tshotsha hahatshi; madhavi a wona di ma kwalalisile.

Joyeli 1:7 Referans Kwoze

Amosi 4:9

Ni mi pekile ngu moya wo hisa, ni ku mi bhirelisa; siyalo sanu sa tithembweni ni mivhinya yanu, ni sa mikuwu yanu ni sa miolivha yanu, si dyitwe ngu bhandala; hambi keto, kha ma hundulukela kwangu, kuwombile Mkoma.

Isaya 5:6

Thembwe yi na maha txiwula, kha yi na mbi sakatwa, hambi kudimwa; kambe ku na mila txipopo ni mipa; ni na leleta marefu ti to ma si nisi nzuma txitimwi ka yona.

Joyeli 1:12

M'vhinya wu omile, mkuwu wu wunile; mromani ni wona, ni mtxhese ni m'hapula; yotshe mindonga ya txitinga yi omile, hambi litsako li omile ka vanana va vathu.

Habhakuki 3:17

Hambi keto, hambi mkuwu wu si nzi kuhuma siluva, hambi ku si maneki mihando amu ka mu uvha, mihando ya muolivha yi nga woneke, ni tithembwe ti nga humise sakudya, txi bala txa tinvuta txi na fuviswe, ni sibalani ku nga maneke tihomu ta mikati.

Hoseya 2:12

Se ni na onhetela mivhinya yakwe, ni mikuwu yakwe, yile a wombako ngu yona, a txi khene: Ayiya i hakhelo yi ni nga ningwa ngu sigango sangu; ani koko, ni na si hundula si maha txitinga, se si na dyiwa ngu sihari sa tshofu sa txitinga.

Jeremiya 8:13

Ni na va lovisa va txi bhi, kuwomba Mkoma. Kha ku na mauvha mndongani ka m'vhina, hambi makuwu mkuwuni, ni ona mazokoro ma omile. Asi ni nga va ninga si na pshwonyowoka kwawe.

Isaya 24:7

Dosi ya dila, ni m'vhinya wa guma mtamo, se votshe vale va tsakako timbiluni kwawe, va na keta.

Masalmo 105:33

Txi fuvisile tithembwe tawe ta mivhinya ni mixanvu txi komolela mindonga ya tithembweni kwawe.

Eksodha 10:15

Nguko yi to fenengeta kotshe txitimwi ka mafu, se mafu ma to phuma; se yi to dyela mwasi wotshe ha mafuni ni mihando yotshe ya mindonga, ayi yi nga ti sitwe ngu maralala; kha ka sala ni txa tximwetxo txo hanya mu ka mindonga, hambi mwasi, ka dotshe ditiko da Egipta.

Eksodha 10:14

Se humbi yi to fenengeta ditiko dotshe da Egipta, yi to khandamela txitimwi ka dotshe ditiko, kambe i ti yayingi ngutu; ayi yi si ziviko kumaneka ka mbimo ya kale, kambe kha yi na mbiswa yi txi maneka yo talisa toneto.

Isaya 32:12

Pekani tikhana, mi dilela thembwe yanu yo nona, ni mivhinya yo veleka ngutu.

Malakiya 3:11

Se ngu mhaka yanu, ni na tsivela mkhadamuli, ti to asi mi dyeli mihando ya mafu, ni mivhinya ya thembweni yi si mahi sifule, kuwomba Mkoma wa Mabutho a Tiyimbi.